Vitet e fundit, mallrat e prodhuara nga Kina janë shitur shumë shpejt jashtë vendit, duke tërhequr interesin e konsumatorëve ndërkombëtarë. Gjatë shitjes prej shumë kohëve në tregjet ndërkombëtare, biznesmenët modernë kinezë e kanë njohur gradualisht rëndësinë e markës për ekzistencën dhe zhvillimin e ndërmarrjeve. Tani, në fushën e industrisë tradicionale të prodhimit dhe të industrisë me teknologji të larta dhe të reja, janë krijuar pandërprerë një sërë markash kineze.

Krahas rritjes së vazhdueshme të eksportit, njerëzit vunë re se në mallrat kineze të shitura jashtë vendit, munguan markat e njohura. Një pjesë e mallrave kineze u eksportua me markat e huaja, ndërsa ndërmarrjet kineze patën një përfitim të vogël në këtë eksport. Për të ndryshuar këtë gjendje, ndërmarrjet e Kinës që kanë grubulluar pasuri dhe përvoja të biznesit, filluan të krijojnë markat e veta.

Gjatë një periudhe të gjatë, tregu i konsumit të makinave të Kinës ishte zënë nga markat e huaja. Audi, Benz, Bmw etj, kanë zënë tregun e veturave të cilësisë së lartë, ndërsa veturat e prodhuara nga Shoqëritë Volkswagen, Hyundai, Ford etj kanë zënë tregun e veturave të cilësisë së mesme. Por, vitet e fundit, një sërë ndërmarrjesh të prodhimit të automjeteve të Kinës, duke përfshirë shoqëritë "Qirui", "Jili" etj, janë krijuar në bazë të të drejtave të pronësisë intelektuale të pamvarur. Një sërë veturash me markën "Qirui" kanë fituar vlerësimin e lartë në tregun e veturave të cilësisë së mesme të Kinës dhe janë shitur me sasi të mëdha në tregun e huaj. Gjatë gjashtëmujorit të parë të këtij viti, përqindja e eksportit të veturave me markën "Qirui" ka zënë 70% e eksportit të veturave të mbarë vendit. Veturat me markën "Qirui" janë shitur në mbi 40 vende ose rajone të botës. Sivjet, motori me markën autonome filloi të hyjë në tregun e Amerikës Veriore. Gjatë gjashtëmujorit të parë të këtij viti, mbi 7000 motorë u eksportuan në SHBA.

Zv/drejtori i përgjithshëm i Shoqërisë me përgjegjësi të kufizuar të automjeteve "Qirui", z. Li Feng tha se këmbëngulja në krijimin e markave autonome është garantimi i Shoqërisë "Qirui" për zhvillimin e saj të mëtejshëm.

"Ne e konsiderojmë prodhimin e veturave me harxhim të paktë të gazit dhe me tipin ekonomik si pika kryesore për ta çuar këtë markë të tillë në një nivel më të lartë dhe për të zgjeruar përhapjen e saj".

Gjatë 9 viteve të krijimit të Shoqërisë "Qirui", ajo i ka sjellë qytetit Wuhu, qendrës së prodhimit të saj, pasuri të madhe. Mbi 230 ndërmarrje të prodhimit të pjesëve të automjeteve janë vendosur në këtë qytet për t'i dhënë Shoqërisë "Qirui" shërbime konplekse. Gjatë gjashtëmujorit të parë të këtij viti, vëllimi i prodhimit të Shoqërisë "Qirui" dhe të grupeve industriale pranë saj arriti në 9 miliardë e 300 milionë juanë. Kjo shifër ka zënë 40% të vëllimit të prodhimit të përgjithshëm të industrisë së këtij qyteti.

Krahas zhvillimit të vazhdueshëm të markave kineze në industrinë tradicionale dhe në industrinë me teknologji të larta dhe të reja, Shoqëria me përgjegjësi të kufizuar teknologjike shkencore dixhitale "Huaqi" që u krijua në vitin 1993, është bërë "pararojë" në industrinë e prodhimit të produkteve dixhitale të Kinës. Ekrani, aparati fotografik dixhital dhe produkte të tjera të prodhuara nga ajo, zënë një përqindje shumë të lartë në tregun e Kinës. Vitin e kaluar, vëllimi i biznesit të kësaj shoqërie arriti në 2 miliardë juanë. Drejtori i përgjithshëm i Shoqërisë "Huaqi", z. Feng Jun i tha gazetarit se marka e dalluar autonome jo vetëm është një përfitim stabël dhe afatgjatë i ndërmarrjes, por edhe simboli i potencialit të një shteti.

"Ne e dimë se marka, sidomos marka nacionale jo vetëm ka treguar nderimin e mallrave, por edhe frymën krijuese. Të gjitha ndërmarrjet me marka ndërkombëtare kanë një pikë të përbashkët. Në radhë të parë ato duhet të kenë një markë të dalluar nacionale dhe duhet të mbështetetn te vendi i vet, si bazë e fortë. Ne jemi të bindur se me përpjekjet e njerëzve, do të krijohet një sërë markash të dalluara të Kinës në tokat e Kinës me një popullsi prej një miliard e 300 milionë banorësh".

Në ekonominë e tregtut të konkurrencës së ashpër, shumë ndërmarrje kineze kanë hasur vështirësi në popullaritetin e markave dhe në shitjen e produkteve të tyre, si dhe mbrojtjen e markave. Ndër to, disa ndërmarrje kineze po përdorin mjetet e ndërmarrjeve ndërkombëtare për mbrojtjen dhe zhvillimin e markave të veta.

Marka ka rëndësi shumë të madhe për zhvillimin e ndërmarrjeve. Shumë ndërmarrje kineze kanë investuar pandërprerë shumë fornde në krijimin dhe zhvillimin e markave të veta. Ministri i Tregtisë i Kinës Bo Xilai tha se qeveria kineze po përpiqet të ndihmojë ndërmarrjet që të transformojnë prodhimin dhe të administrimin e tyre dhe të krijojnë markat autonome për ta shndërruar "prodhimin e Kinës" në "krijimin e Kinës".

"Tani, prodhimi i Kinës është shumë i njohur në rajonet e ndryshme të botës, por ne duhet të kemi edhe krijimin e Kinës dhe duhet ta shndërrojmë prodhimin e Kinës në krijimin e Kinës për të krijuar markat tona të dalluara". (Sihai)