dëgjoni

Më 5 shtator, në një intervistë me korrespondentin e Radios së Jashtme të Kinës, një funksionar i Bankës Qendror të Kinës që përgjigjet për luftën kundër pastrimit të parave, tha se Kina do të vazhdojë të forcojë bashkëpnimin ndërkombëtar në fushën e luftës kundër pastrimit të parave dhe ka mundësi të marrë pjesë në gjashtëmujorin e parë të vitit të ardhshëm grupin e posaçëm të punës së veprimeve monetare dhe të bëhet anëtar zyrtar i kësaj organizate ndërkombëtare që merret posaçërisht me luftën kundër pastrimit të parave.

Do të dëgjoni shënimin me titull : " Kina do të vazhdojë të forcojë bashkëpunimin ndërkombëtar në fushën e luftës kundër pastrimit të parave".

Specialisti monetar i Universitetit të Popullit të Kinës, profesori Zhao Xijun tha se krahas hapjes së mëtejshme të Kinës ndaj botës së jashtme, kontaktet ekonomike dhe monetare me vende të ndryshme të botës shtohen dita ditës, edhe aktivitetet kriminele të pastrimit të parave ndërshtetërore po shtohen gjithnjë e më shumë, Kjo e detyroi Kinën të zhvillojë bashkëpunimin ndërkombëtar në fushën e luftës kundër pastrimit të parave.

Ai tha :"Organet kineze kundër pastrimit të parave nuk mund të plotësojnë kërkesat e luftës kundër pastrimit të parave ndërshtetërore dhe ka nevojë të zhvillojë bashkëpunimin dhe koordinimin me institucionet përkayëse jashtë vendit, Me anën e këtij bashkëpunimi, ne mund të godasim si duhet dhe të frenojmë aktivitetet për pastrimin e parave në vend dhe njëkohësisht do të mund të ndihmojmë edhe vendet e tjera në luftën kundër pastrimit të parave duke i dhënë ndihmë edhe grumbullimit të parave për luftën globale antiterroriste. "

Zv-drejtori i Drejtorisë së luftës kundër pastrimit të parave pranë Bankës Popullore të Kinës, Banka qendrore e Kinës z Wang Yanzhi tha se qeveria kineze lufton me vendosmëri kundër aktiviteteve kriminale të pastrimit të parave të të gjitha formave dhe dëshiron të zhvillojë bashkëpunimin ndërkombëtar dypalësh dhe shumëpalësh në luftën kundër pastrimit të parave dhe përkrah hartimin e standartit unik nga Komuniteti Ndërkombëtar të luftës kundër pastrimit të parave dhe do të marrë masa të ndryshme kundër mbledhjes së parave për veprimtari terroriste.

Z.Wang tha se Komiteti i përhershëm i Asamblesë Kombëtare Popullore të Kinës miratoi vitin e kaluar " traktatin e OKB-së të luftës kundër korrupsionit", qeveria kineze do të zbatojë me një qëndrim aktiv rregulloret përkatëse për parandalimin dhe luftën kundër aktiviteteve të pastrimit të parave në këtë traktat duke kontrolluar transferimin dhe nxjerrjen jashtë të fondeve të korruptuara. Njëkohësisht Kina do të zbatojë me gjithë seriozitetin detyrimet ndërkombëtare dhe të luftojë kundër aktiviteteve të grumbullimit të parave për veprimtari terroriste.

Siç tha z. Wang, pas përpjekjeve shumëvjeçare, vitin e kaluar Kina u bë vëzhguese e grupit të posaçëm të punës të veprimeve monetare. Ai tha :"Në qoftë se këtë vit do të nxjerrim 'Ligjin kundër pastrimit të parave', në gjashtëmujorin e parë të vitit të ardhshëm, Kina ka shpresë të marrë pjesë në grupin e posaçëm të punës të veprimeve monetare. "

Ai tha se krahas pjesëmarrjes në luftën shumëpalëshe ndërkombëtare kundër pastrimit të parave, Kina do të vazhdojë bashkëpunimin dypalësh me SHBA-në, Rusinë, Kazakistanë, Korenë e Jugut në luftën kundër pastrimit të parave, për të forcuar më tej këtë luftë. ( Zhai)