dëgjoni

Nga 19 gushti deri më 3 shtator u zhvillua në Japoni Kampionati Botëror i Basketbollit për Meshkuj, gara e basketbollit të meshkujve e nivelit më të lartë në botë. Në 1/8 e finaleve të zhvilluar më 27 gusht, ekipi kinez u mund nga ekipi grek, kampioni evropian me rezultatin 64:95 dhe nuk hyri në 8 ekipet më të mira. Mirëpo, fryma e fortë luftarake e paraqitur nga ekipi kinez në këtë kampionat vlerësohet gjerësisht nga qarqet ndërkombëtare të basketbollit dhe nga kjo frymë njerëzit shohin shpresën e basketbollit kinez në Lojërat Olimpike të Pekinit.

Kampionati Botëror i Basketbollit për Meshkuj i sivjetshëm u zhvillua në 5 qytete japoneze dhe në të morën pjesë 24 ekipe, si ai kinez, amerikan, argjentinas etj. Si kampion aziatik, ekipi kinez i basketbollit ishte në grupin D, së bashku me ekipet e SHBA-së, të Porto-Rikos, të Italisë, të Senegalit dhe të Sllovenisë. Në ndeshjer në grup, ekipi kinez mundi me radhë ekipet e Senegalit dhe të Sllovenisë dhe hyri në 16 ekipet më të forta me rezultatin 2 fitore dhe 3 humbje. Në fakt ky është rezultati më i mirë që nga viti 1994 i ekipit kinez në këtë kampionat.

Në ndeshjen e fundit në grup, kundërshtari i ekipit kinez ishte ekipi i Sllovenisë, i renditur i 6-ti në Kampionatin Evropian të Basketbollit për Meshkuj. Vetëm nëse fitonte në këtë ndeshje, ekipi kinez do të kualifizohej. Në këtë takim kyç, ekipi kinez luftoi me të gjitha forcat dhe në sekondën e fundit mbrojtësi Wang Shipeng shënoi një kosh për tri pikë. Kështu ekipi kinez fitoi në çastin e fundit me rezultatin 78:77. Pas ndeshjes, heroi i saj Wang Shipeng tha:

"Mendoj se ndeshjet me këto ekipe të forta dhe fitorja me to na japin shumë besim dhe do të hedhin një bazë të mirë për fuqizimin e ekipit tonë dhe për arritjen e rezultatev të mira në Lojërat Olimpike 2008. Besoj se do të bëhemi pa tjetër një ekip i fortë."

Në 5 ndeshjet në grup, qendërsulmuesi kinez Yao Ming, që luan për ekipin "Houston Rockets " të NBA-së, shënoi mesatarisht 28.4 pikë për ndeshje dhe ky ishte rezultati më i mirë ndër basketbollistët pjesëmarrës. Krahas këtij, me 9.2 topa të kthyer nga tabela mesatarisht në ndeshje, ai u radhit në vendin e tretë në këtë drejtim. Mund të thuhet se në fazën e ndeshjeve në grup, Yao Ming ishte basketbollisti me paraqitjen më të spikatur. (??intermexo??)

Megjithëse u përfshi në 16 ekipet më të forta, humbja në 1/8 e finaleve tregoi disnivelin e madhe të ekipit kinez të basketbollit me ekipet e forta të klasit të parë në botë. Trajneri kryesor i ekipit kinez, lituanezi Jonas Kazlauskas pohoi se ekipi grek është më i afti në "basketbollin total" ndër të gjitha ekipet në këtë kampionat. Sulmet e tyre të rrjedhshme zbuluan mangësitë e ekipit kinez në mbrojte. Ndërkohë, prej mbrojtjes së kundërshtarëve me "karakter agresiv", u prenë krejtësisht lidhjet e Yao Ming-it me linjën e jashtme. Në këtë ndeshje me ekipin grek, Yao Ming shënoi me vetëm 10 pikë dhe kapi 8 topa të kthyer nga tabela. Pas ndeshjes me ekipin grek, nënkryetari i Shoqatës së Basketbollit të Kinës, z. Hu Jiashi tha se në këtë përballje me një ekip të fortë, dolën në shesh shumë probleme të ekipit kinez. Ai tha:

"Së pari koordinimi midis anëtarëve të ekipit tonë nuk ishte majft harmonik. Shihet nga të gjithë se shkaku kryesor janë dëmtimet, dhe tjetër arsye është që qendërsulmuesi Wang Zhizhi, që sapo u kthye në ekipin kinez, nuk shfaqi formën më të mirë. Problemi i dytë është që kemi diferencë të madhe me kundërshtarët për sa u përket cilësive fizike dhe aftësisë së kundërsulmit. Së treti, megjithëse kemi epërsi në trupgjatësi, nuk mund të krahasohemi me ekipet e tjera në sulmin e shpejtë. Pas kthimit në atdhe, do të përgjithësojmë si duhet përvojën dhe mësimet e nxjerra në këtë kampionat."

Trajneri kryesor i ekipit kinez Jonas Kazlauskas shprehu mendimin se megjithëse basketbolli kinez ka Yao Ming-in, që të arrihen rezultate të mira në Lojërat Olimpike 2008, ekipi kinez duhet të ngrejë potencialin në tërësi. Tani mënyra më e mirë për arritjen e këtij objektivi është çuarja e basketbollistëve kinezë jashtë vendit. Kazlaukas tha:

"Është e dukshme që anëtarëve të ekipit tonë u mungon përvoja e ndeshjeve të nivelit të lartë. Duke pasur parasysh vitin 2008, mendoj se mënyra më efikase është t'i çojmë ata në ligat evropiane të klasit së parë. Atje ata do të përballojnë mbrojtjen e fortë të ekipeve greke, italiane dhe spanjolle. Kjo do të jetë shumë e mirë për shtimin e përvojës së tyre."

Në këtë kampionat botëror, mosha mesatare e ekipit kinez ishte 22.4 vjeç, më e reja ndër 24 ekipet pjesëmarrëse. Në takimet me ekipet e forta të botës, ekipi i ri kinez fitoi përvojë dhe gjithashtu pa diferencën. Shpresojmë se në dy vjetët e ardhshëm ky ekip do të ketë rritje të shpejtë dhe të arrijë përparim të dukshëm në Lojërat Olimpike 2008. (Wang Lei)