dëgjoni

Me afrimin e vitit 2008, Lojërat Olimpike të Pekinit po tërheqin gjithnjë e më shumë vëmendjen e komunitetit ndërkombëtar. Pak kohë më parë, gazetari i redaksisë së gjuhës japoneze të Radios së Jashtme të Kinës intervistoi ministrimin fuqiplotë të Japonisë në Kinë, z. Ide Keiji. Z. Ide shprehu urime të bukura për këto Lojërat Olimpike dhe tregoi vëmendje për ndryshimet që ato mundësi t'i sjellin Pekinit.

Gjatë intervistës, z. Ide Keiji shprehu në radhë të parë optimizmin për Lojërat Olimpike të Pekinit. Ai tha:

"Organizimi i Lojërave Olimpike është një detyrë e vështirë, prandaj banorët e Pekinit dhe populli kinez kanë shumë për të bërë. Shpresoj se kinezët do të organizojnë me sukses Lojëra Olimpike që do t'i kënaqin të gjithë."

Z. Ide Keiji ka qenë në Pekin për dy vjet me radhë. Ai tha se këto lojëra olimpike në Pekin do të jenë një miting i madh sportiv dhe i pritur shumë nga japonezët në Kinë. Njëkohësisht, ai tregon vëmendje edhe për ndryshimet e Kinës në saje të Lojërave Olimpike. Ai tha se për të është shumë e dobishme që nëpërmjet shkëmbimeve me kinezët të kuptojë më mirë mendimet e tyre.

Duke folur për Lojërat Olimpike, zoti Ide Keiji kujtoi edhe Lojërat Olimpike të Tokios të vitit 1964. Ai tha: "Atëherë isha në vitin e parë të shkollës fillore dhe pashë ceremoninë e hapjes së Lojërave Olimpike nëpërmjet transmetimit televiziv. Po atë vit, u vu në shfrytëzim edhe "Nju Broduej". Mund të themi se ajo ishte periudha e zhvillimit të Japonisë me shpejtësi të madhe dhe gjithashtu, fillimi i ndërkombëtarizimit të Japonisë."

Lidhur me ndikimin që Lojërat Olimpike të Pekinit do të ushtrojnë mbi marrëdhëniet kino-japoneze, Ide shprehu mendimin se në periudhën e përgatitjes për Lojërat Olimpike të Pekinit, ekipet sportive të të dy vendeve mund të shtojnë bashkëpunimin dhe shkëmbimet. Ai tha se në vitet `70 trajneri i njohur japonez Daimatsu Hirofun e kishte ndihmuar ekipin kinez të volejbollit të femrave dhe kishte bërë shumë punë për ngritjen e mëvonshme të volejbollit kinez të femrave. Njerëzit e përmendin shpesh këtë kur flasin folur për historinë e shkëmbimeve midis Kinës dhe Japonisë. Krahas kësaj, trajnerët japonezë u kanë dhënë sportistëve kinezë ndihmë në xhudo dhe në bejsboll. Të gjitha këto janë veprime të favorshme për shtimin e miqësisë dhe përparimin e përbashkët të sportistëve kinezë dhe japonezë.

Z. Ide Keiji i vlerësoi lart përpjekjet e Pekinit për përgatitjen e Lojërave Olimpike të vitit 2008. Ai admiroi në veçanti entuziazmin e pekinasve për pjesëmarrjen në Lojërat Olimpike. Ai tha:

"Pekini ka punuar mirë në përgatitjen e vullnetarëve. Shpresoj se këta vullnetarë do t'u shërbejnë mirë mysafirëve të huaj dhe do t'i kënaqin."

Përveç këtyre, zoti ministër fuqiplotë shprehu mendimin se meriton të vlerësohen edhe përpjekjet e Pekinit për ngrijten e cilësisë së qytetërimit të banorëve. Ai përmendi një shembullin e gazetës kineze "Beijing Qingnianbao", ku është hapur posaçërisht një rubrikë për njohjen e rregullave të edukatës e të mirësjelljes. Nganjëherë në këtë rubrikë njoftohet edhe për ndonjë veprim të paqytetëruar të banorëve. Z. Ide është i mendimit se njoftime të tilla në mediat kineze janë gjë e guximshme dhe kuptimplotë.

Në ndërtimin urbanistik të Pekinit, z. Ide Keiji paraqiti edhe propozime të sinqerta. Ai tha:

"Krahas Lojërave Olimpike, edhe Lojërat Paralimpike kanë rëndësi të madhe. Mirëpo tani në Pekin nuk ka një mjedis mjaft të përshtatshëm për invalidët. P.sh. Kina nuk ka akoma rregulla për qen për të verbër. Gjatë Lojërave Olimpike dhe atyre Paralimpike me siguri shumë të huaj të verbër do të vijnë në Pekin me qentë e tyre, prandaj Kina ka nevojë të përpilojë rregullat përkatëse. Në Pekin, në mes të disa rrugëve për të verbër, ka pengesa që ndërpresin rrugën. Për të krijuar kushte sa më lehtësuese për invalidët që do të vijnë për të marrë pjesë në Lojërat Paralimpike, Pekini ka ende shumë punë për të bërë. " (Wang Lei)