Në programin e sotëm, do t'ju paraqes këngëtaren e re të krahinës së brendshme të Kinës Wang Zheng dhe këngët e saj.

Wang Zheng ka lindur në një familje artistësh dhe i pëlqente shumë muzika. Në moshën 17 - vjeçare ajo u pranua në Institutin e Arteve të Ushtrisë Çlirimtare Popullore Kineze. Atje ajo mësoi belkanto, kompozim dhe piano. Por në atë kohë ajo nisi të pëlqejë muzikën pop dhe shkonte në studio të ndryshme të Pekinit për të marrë pjesë në regjistrimin e albumeve të disa këngëtarëve. Ndërkohë, ajo këndonte në bar, duke pritur rastin e ngritjes.

Në vitin 1997, Wang Zheng kompozoi një këngë me titull "Të dashuruarit" për këngëtaren Han Hong. Kështu ajo tërhoqi vëmendjen e kompozitorit Xiao Ke. Në vitin 2002 Xiao Ke krijoi kompaninë "Tai You" dhe Wang Zheng u regjistrua në të. Pastaj Wang Zheng nxori albumin e parë "Era Pranverore". Xiao Ke është prodhuesi i këtij albumi, dhe Wang Zheng ka krijuar tekstet e katër këngëve si "Nesër pasdite", "Letra mbështjellëse", "Era Pranverore" dhe "Dritarja e hapur gabimisht". Këngët "Era Pranverore" dhe "Dritarja e hapur gabimisht" kanë melodi të stilit të Xiao Ke-së. Tekstet e kompozuara nga Wang Zheng ngjajnë si të poetëve surrealistë. Mënyra e të kënduarit të saj e bëri atë të fitojë emrin "Sarah Brightman kineze". Po dëgjoni tani këngën me titull "Era Pranverore".  dëgjoni

Në albumin "Era Pranverore" ka një këngë të pëlqyer nga dëgjuesit dhe të vlerësuar lart nga muzikantët profesionistë me titull "Çfarë tjetër dëshiron ti?". Në fillim të kësaj kënge, zëri i ngadaltë i Wang Zhengut na tregon dëshirën e kërkimit të dashurisë. Do të dëgjoni tani këngën me titull "Çfarë tjetër dëshiron ti?".  dëgjoni

Për shkak se kompania e saj nuk punoi mirë, albumi i parë "Era Pranverore" nuk është pëlqyer gjerësisht. Në vitin 2005, Wang Zheng u regjistrua në kompaninë "Le Lin". Pas përpjekjeve 1-vjeçare, në mars të këtij viti, ajo nxori albumin e ri me titull "Ne jemi fëmijë të mirë". Në këtë album, Wang Zheng mori pjesë në krijimin e melodive dhe të teksteve të disa këngëve dhe u bë prodhuese e albumit për herë të parë, kështu që shpërfaqi talentin e saj muzikor.

Po dëgjoni tani këngën me titull "Ne jemi fëmijë të mirë". Në këtë këngë thuhet "E hap dritaren dhe shoh zogj të bardhë në qiell. Më kujtohet buzëqeshja jote me aromën bari. Në atë kohë, vrapoj në shesh. E di që të thërras 'Të dua'? Në atë kohë nuk trembem nga asgjë. Më the duhet ta dashurojmë njëri tjetrin përgjithmonë. Ne jemi fëmijë të mirë..."  dëgjoni

Ky është ditari i rritjes së vajzës, por edhe kujtimet e bukura të njerëzve për dashurinë.

Në këtë album të ri. Vërejmë ndryshimet në të kënduarit e Wang Zhengut. Në të kaluarën, në çdo këngë ajo përziente stilin e belkantos. Ndërsa tani Wang Zheng këndon me zë natyror. Do të dëgjoni tani këngën me titull "Me një gotë kafeje, kaloj deri në mëngjes".  dëgjoni

Wang Zheng ka bërë shumë përpjekje në paraqitjen e saj në kopertinën e këtij albumi. Ajo ka provuar shumë veshje, duke përfshirë edhe veshjet angleze të kuqe, veshjet sportive etj.

Në fund të programit të sotëm, le të admirojmë këngën e stilit xhaz "Të dua".  dëgjoni