Më 30 gusht, u mbyll në Pekin mbledhja e krijimit tekniko-shkencor të industrisë së informacionit të Kinës. Në këtë mbledhje, një funksionar përkatës i Ministrisë së Industrisë së Informacionit të Kinës tha se vitet e fundit, aftësia e krijimit autonom të industrisë së informacionit të Kinës është ngritur pandërprerë, por në krahasim me vendet e zhvilluara të botës ekziston një disnivel relativisht i madh. Në të ardhmen, Kina do të marrë masat e ndryshme për të ngritur aftësinë e krijimit autonom të ndërmarrjeve dhe do të zhvillojë aktivisht shkëmbimet dhe bashkëpunimin ndërkombëtar e rajonal në fushën tekniko-shkencore.

Ministri i Industrisë së Informacionit i Kinës, z. Wang Xudong tha se tani industria e informacionit e Kinës është zhvilluar shumë shpejt. Në vitin 2005, vlera e shtimit e industrisë së informacionit të Kinës zuri mbi 7% e GDP-së së mbarë vendit. Ai tha, gjithashtu, se në krijimin autonom të industrisë së informacionit ekzistojnë ende shumë probleme.

"Problemet e zhvillimit të industrisë së informacinit të Kinës janë: niveli i teknologjisë thelbësore është i ulët, potenciali i konkurrencës i ndërmarrjeve është i dobët, në disa fusha kyçe janë mbështetur te teknologjitë e huaja, shumë produkte me teknologji të lartë janë mbështetur kryesisht te importimi. Përveç këtyre, problemet e mungesës së investimeve në fushën tekniko-shkencore dhe të mungesës së talenteve të dalluara janë shumë të dukshme".

Sipas njoftimeve, në industrinë e informacionit elektronik të Kinës, sasia e prodhimit të produkteve të mbi 30 llojeve, si celular, kompjuter privat, televizor me ngjyra, ekran etj. ka zënë vendin e parë në botë. Por në produktet eksportuese, produktet me marka autonome të Kinës vetëm kanë zënë 10% prej tyre. Kjo tregoi se ndërmarrjet e industrisë së informacionit të Kinës mungojnë aftësinë e krijimit autonom.

Ministri i Industrisë së Informacionit, z. Wang Xudong tha se në të ardhmen, Kina do të grijë më tej aftësinë e shfrytëzimit dhe të prodhimit të teknologjisë thelbësore të industrisë së informacionit, do të shpejtojë formimin e sistemit të krijimit teknologjik me ndërmarrje si kryesore, do të shtojë buxhetin financiar për përhrahjen e shfrytëzimit e të prodhimit tekniko-shkencor të industrisë së informacionit, do të përpiqet të krijojë një mjedis të favorshëm për ngritjen e aftësisë së krijimit autonom. Njëkohësisht Kina do të forcojë më tej të drejtat e autorit dhe do të godisë sipas ligjit veprimet e ndryshme që kanë ndërhyrë në të drejtat e autorit.

Zoti Wang tha, gjithashtu, se duke zhvilluar krijimin autonom, Kina do të vazhdojë të forcojë bashkëpunimin ndërkombëtar në fushën e industrisë së informacionit.

"Në bazë të barazisë me leverdi reciproke, ne duhet të zhvillojmë aktivisht dhe me forma të ndryshme efikase shkëmbimet dhe bashkëpunimin ndërkombëtar e rajonal në fushën tekniko-shkencor, do të zgjerojmë fushat e bashkëpunimit, do të ngrejmë nivelin e krijimit autonom dhe do të vazhdojmë të nxitim shkëmbimet dhe bashkëpunimin midis ndërmarrjeve të vendit dhe shoqërive shumëkombëshe".

Siç mësohet, në të ardhmen, Kina do të përpiqet për ngritjen e nivelit të shfrytëzimit dhe të prodhimit të ndërmarrjeve të vendit, do të përkrahë ndërmarrjet e vendit që të zgjerojnë eksportin e produkteve me teknologji të lartë dhe të re, të krijojnë jashtë vendit institucione studimore dhe bazë industriale dhe të marrin pjesë në aktivitetet e organizatave ndërkombëtare të koordinimit. Njëkohësisht ndërmarrjet e Kinës duhet të forcojnë shfrytëzimin dhe studimin e objekteve të mëdha në fushën e industrisë së informacionit, si qarkullimi i integruar, soft, pjesë këmbimi të tipit të ri, televizor digjital me qartësi të lartë, telekomunikacion i lëvizshëm pa tel të brezit të gjerë dhe duhet të krijojnë platformën shërbyese të teknologjisë së informacionit. (Sihai)