dëgjoni

Gjiri Verior është një gji gjysmë i mbyllur i rrethuar nga pjesa kontinentale vietnameze e kineze dhe nga ishulli Hainan i Kinës. Rajoni autonom Guangxi Zhuang i Kinës që ndodhet në fund të Gjirit Verior, është një nga viset ku janë përqendruar më shumë pakicat kombëtare të Kinës. Ai kufizohet me 6 vende të ASEAN-it, si Malajzinë, Indonezinë etj. Me nxitjen e vazhdueshme të procesit të ndërtimit të zonës së tregtisë së lirë Kinë-ASEAN, Gjiri Verior ka tërhequr vëmendjen e njerëzve.

Pak kohë më parë, u zhvillua në qytetin Nannin, kryeqendër e rajonit autonom Guangxi Zhuang, Forumi i parë i bashkëpunimit ekonomik rreth Gjirit Verior. 160 funksionarë qeveritarë të Indonezisë, Malajzisë etj, si dhe të Kinës, specialistë, studiues dhe përfaqësues të ndërmarrjeve të njohura u mblodhën së bashku, për të diskutuar problemin e bashkëpunimit rajonal rreth Gjirit Verior. Në këtë forum u publikua një deklaratë e kryetarit, në të cilën thuhet se rajoni rreth Gjirit Verior, si nyjë lidhëse ndërdetare midis Kinës dhe ASEAN-it, duhet të thellojë bashkëpunimin në logjistikë, industri, tregti dhe investime dhe në fusha të tjera për të nxitur zhvillimin e shpejtë ekonomik të këtij rajoni.

Duke iu përgjigjur pyetjeve të gazetarëve, zv/drejtori i Bankës Aziatike të Zhvillimit, z. Van Der Linden tha se Banka Aziatike ka interes shumë të madh për forcimin e ndërtimit të infrastrukturës të rajonit rreth Gjirit Verior.

"Bashkëpunimi ekonomik i Gjirit Verior ka vitalitet shumë të madh. Banka Aziatike ka bërë investime në ndërtimin e autostradave nga Nanini i rajonit autonom Guangxi gjer në kufirin me Vietnamin. Kjo autostradë ka rëndësi shumë të madhe jo vetëm për rajonin autonom Guangxi, por edhe për lidhjen midis Kinës dhe Vietnamit. Banka Aziatike dëshiron të bëjë investime në ndërtimin e autostradave ose të porteve për të nxitur zhvillimin rajonal të Gjirit Verior".

Autostrada nga qyteti Nannin, kryeqendër e rajonit autonom Guangxi Zhuan gjer në Nanyou të "doganës kufitare të miqësisë" midis Kinës dhe Vietnamit, u përurua në nëntor të vitit të kaluar. Si autostrada e parë që lidh Kinën me vendet e ASEAN-it, gjatësia e përgjithshme e saj nuk i arrin të 180 kilometrat. Pas përurimit të kësaj autostrade, autobusit i duhen vetëm 2 orë për të arritur në "doganën e miqësisë" nga qyteti Nannin. Më e rëndësishmja është që kjo autostradë ka lidhur Kinën me vendet e ASEAN-it.

Sipas të dhënave statistikore doganore, pas përurimit të autostradës së Nanyout, vëllimi i import-eksportit të mallrave nëpërmjet doganës së miqësisë u shtua 38% në krahasim me të njëjtën periudhë të vitit të kaluar. Drejtuesja e doganës vendore, zj. Chen Xiaoying i tha gazetarit se duke filluar qysh nga fundi i vitit të kaluar, frutat e Tajlandës janë transportuar në Kinë nga "dogana e miqësisë".

"Në të kaluarën, duhej një kohë shumë e gjatë për të transportuarfrutat e importuara nga Tajlanda nëpërmjet detit në Kinë. Pas përurimit të kësaj autostrade, koha e transportimit të frutave u shkurtua shumë".

Shumë banorë të thjeshtë kinezë që banojnë në të dy anët e kësaj autostrade, thanë se pas përurimit të autostradës, domethënë, tregtia ndërshtetërore është shpërngulur në familjet e tyre. Autostrada e Nanyout, si një pikë kyçe, ka hapur portën e tregtisë tokësore midis Kinës dhe ASEAN-it, duke sjellë raste të zhvillimit ekonomik. Nënkryetari i rajonit autonom Guangxi Zhuang, z. Chen Wu tha se Guangxi do të punojë për ndërtimin e kanaleve tokësore midis Kinës dhe ASEAN-it.

"Ne kemi një mendim që do të ndërtohet një kanal i madh nga Nannini i Kinës gjer në Singapor. Pas përurimit të këtij kanali, me siguri ai mund të luajë një rol shumë të rëndësishëm për zhvillimin ekonomik të vendeve rreth tij".

Përveç ndërtimit të komunikacionit tokësor, edhe ndërtimi i logjistikës së porteve të qyteteve të ndryshme të Gjirit verior ka hyrë në fazën intensive. Në portin e Fangchengut dhe në portin e Qinzhout të rajonit autonom Guangxi Zhuang po shpejtohet ndërtimi i skelave të posaçme të konteinerëve dhe të kanalit të transportit ujor me thellësi të madhe. Njëkohësisht është përmirësuar sistemi i transportit të përbashkët të portit me hekurudhën dhe me autostradën. Sivjet, porti i Zhanjiangut i provincës Guangdong do ta ngrejë sasinë e ngarkim-shkarkimit të mallrave në 55 milionë tonë nga 26 milionë tonë mëparë. Porti i Sai Kungut dhe porti i Haiphongut të Vietnamit po shpejtojnë ndërtimin e tyre. Sipas parashikimit të sektorëve përkatës, brenda 3 vjetëve të ardhshëm, aftësia e ngarkim-shkarkimit të mallrave të porteve të zonave të Gjirit verior do të arrijë në 2 trilionë tonë. Do të krijohet rrjeti i tregtisë me vendet e ASEAN-it si kryesore, duke u mbështetur te portet.

Burimet e pasura turistike janë një epërsi e bashkëpunimit ekonomik rajonal rreth Gjirit verior. Pak kohë më parë, Kina dhe 9 qytete të Vietnamit nënshkruan "Manifestin e bashkëpunimit në fushën e turizmit rreth Gjirit verior" dhe vendosën që të ndërtojnë tregun turistik brenda rajonit. Tani vija detare turistike nga Deti i Kinës Veriore gjer në gjirin Halong të Vietnamit është bërë një vijë e artë e zhvillimit ekonomik dhe e bashkëpunimit turistik midis Kinës dhe Vietnamit.

Zv/drejtori i zyrës për zhvillimin e krahinave perëndimore pranë Këshillit të Shtetit të Kinës, z. Cao Yushu tha se zhvillimi i bashkëpunimit ekonomik rajonal rreth Gjirit verior ka rëndësi shumë tëmadhe për zhvillimin e krahinave perëndimore të Kinës.

"Gjiri Verior është e vetmja-rrugëdalje në det e krahinave perëndimore të Kinës. Historikisht, ekonomia e krahinave perëndimore ka qenë e prapambetur gjë që është shkaktuar nga kushtet e prapambetura të transportit. Zhvillimi i zonës ekonomike rreth Gjirit Verior është i domosdoshëm për zhvillimin e krahinave perëndimore".

Personalitetet përkatëse janë të mendimit se bashkëpunimi ekonomik rajonal rreth Gjirit Verior duhet të luajë rolin e kanalit detar. (Sihai)