dëgjoni

Korrespondentja e Radios së Jashtme të Kinës njoftoi se nga 22 deri më 26 gusht, u zhvillua në Pekin Panairi i 13-të i Artit i Kinës.

Në këtë panair u ekspozuan afro 10 mijë vepra artistike të qindra artistëve kinezë dhe të huaj duke përfshirë piktura me bojë vaji, piktura kombëtare kineze, gravura, skulptura etj.

Panairi i Artit i Kinës u krijua në vitin 1993 dhe është një takim madhështor artistik në Kinë.

U zhvillua në Pekin Ekspozita e 4-t Ndërkombëtare e Filmave dhe Dramave Televizive e Kinës

Korrespondentët e Radios së Jashtme të Kinës njoftuan se nga 24 deri më 26 gusht, u zhvillua në Pekin Ekspozita e 4-t Ndërkombëtare e Filmave dhe Dramave Televizive e Kinës. Më se 20 kompani të huaja morën pjesë në këtë ekspozitë.

Kompania amerikane "Walt Disney" solli dy filma të Hollivudit, filma vizatimorë dhe drama televizive të një niveli të përparuar botëror. Filmat e dramat televizive të kompanisë indiane "Zee Telefilms" kishin karakteristika kombëtare. Edhe veprat e kompanive të Singaporit, Republikës së Koresë, Spanjës, Venezuelës etj. kishin karakteristikat e veta.

Ekspozita ndërkombëtare e filmave dhe dramave televizive e Kinës filloi në vitin 2003 dhe është një nga aktivitetet e Panairit Ndërkombëtar të Radio-Film-Televizionit të Kinës.

Do të zhvillohet në Pekin Forumi Ndërkombëtar i Të drejtave të Autorit

Gazeta kineze "Renminribao" njoftoi se më 5 shtator, do të zhvillohet në Pekin Forumi Ndërkombëtar i Të drejtave të Autorit për vitin 2006. Në këtë forum do të marrin pjesë 200 përfaqësues të ardhur nga vende të ndryshme, të cilët do të diskutojnë për gjendjen e të drejtave të autorit në Kinë etj.

Siç bëhet e ditur, në forum disa ndërmarrje të njohura kineze do të propozojnë të krijojnë "Lidhjen e të drejtave të autorit të ndërmarrjeve kineze".

Kjo është hera e parë që qeveria kineze organizon një forum ndërkombëtar në fushën e të drejtave të autorit.

Zhvillohet në Pekin Festivali i Filmit Indian

Gazeta kineze "Rinia e Pekinit" njoftoi se më 25 gusht, u hap në Pekin Festivali i Filmit Indian. Ky festival është një nga aktivitetet e "Vitit të miqësisë kino-indiane".

10 filmat që janë shfaqur ose do të shfaqen në festival janë xhiruar pas vitit 1990 dhe pasqyrojnë jetën moderne të Indisë.

Në vitin 2005, qeveria kineze dhe qeveria indiane shpallën vendosjen e marrëdhënieve të partneritetit dhe bashkëpunimit strategjik dhe e përcaktuan vitin 2006 si "Vitin e miqësisë kino-indiane". (Fani)