Vitet e fundit, Kina ka arritur suksese historike në tenisin për femra. Medalja e arit e çiftit kinez Li Ting dhe Sun Tiantian në Lojërat Olimpike të Athinës është pika e kthimit e tenisit të Kinës. Fitoret e çiftit Zheng Jie dhe Yan Zi në "Australian Open" dhe "Wimbledon Open" vërtetuan që tenisi për femra i Kinës ka zërë një vend të rëndësishëm në tenisin botëror. Krahas tenisit si çift, Kina ka arritur sukses edhe në tenisin e femrave si individ. Kohët e fundit, gjashtë tenistet kryesore të Kinës radhiten në 100 vendet e para të renditjes botërore të tenisteve.

Arritjet e dukshme të tenisteve kineze janë lidhura ngushtë me zhvillimin e tenisit në Kinë. Megjithëse tenisi ka hyrë në Kinë prej vetëm disa dhjetëra vjetësh dhe ka vetëm pak kohë që është bërë një sport profesionist, përhapja e tij ka përgatitur një kontingjent të madh tenisdashësish për Kinën.

Sot do t'ju flasim për një nga dashamirësit e tenisit në Pekin, Yan Shuo, e cila është edhe gjyqtare e kategorisë së dytë të Kinës në tenis.

Yan Shuo ka lindur në Pekin në vitin 1986. Ashtu si edhe vajza të tjera, përveç se gjatë orës së fizkulturës në shkollë, Yan Shuo nuk merrte pjesë shumë në aktivitetet sportive. Një ditë, ajo pa në televizion një ndeshje të tenistes së njohur gjermane Steffi Graf dhe u tërhoq thellësisht nga paraqitja e saj në ndeshje. ------

"Jam e dhënë pas tenisit, sepse më pëlqen shumë tenistja gjermane, Steffi Graf. U tërhoqa shumë pasi pashë paraqitjen e saj të hijshme në televizion. Ishte Steffi Graf që ma "hapi" mua derën e botës së tenisit." tha Yan Shuo: "Atë kohë në Kinë nuk transmetoheshin shumë ndeshjet e tenisit, prandaj unë ndiaja pothuajse të gjitha ndeshjet e transmetuara, veçanërisht ato të Grafit. Unë ndihesha gjithmonë e stimuluar dhe pritja para televizorit shumë kohë përpara ndeshjes."

Me kalimin e kohës, Yan Shuo nuk kënaqej më vetëm me ndjekjen e ndeshjeve para televizorit, por ajo nisi edhe të merrej me këtë sport fantastik. Ajo e kishte ëndërr që një ditë të kishte raketën e vet dhe të luante tenis si Steffi Graf. Kur ishte 16 vjeçare, ëndrra e saj u realizua. Ajo mori raketën e parë dhe provoi vetë gëzimin që të sjell tenisi.

Duke kujtuar herën e parë të saj në fushën e tenisit, Yan Shuo tha: "Kur luajta për herë të parë tenis, mendova se do të ishte shumë e lehtë dhe hyra në fushë me besim të plotë. Por më erdhi shumë keq që madje nuk munda as ta prek topin."

Koha kur luantë tenis ishte shumë e gëzueshme, çdo fundjavë Yan Shuo luante tenis nën drejtimin e trajnerit. Gjatë pushimeve të verës, ajo e kalonte pothuajse të gjithë kohën në fushën e tenisit. Shpeshherë ajo luante tërë ditën.

Në vitin e fundit të shkollës së mesme, për shkak se kishte shumë mësime, Yan Shuo duhej të largohej nga fusha e tenisit dhe të përqendrohej në studim. Por Yan Shuo nuk mësonte fare. Për të, një jetë pa tenis është e mërzitshme. Trajneri i surgjeroi asaj që të marrë pjesë në provimin për gjyqtar tenisi, kështu ajo mund të bëjë diçka të lidhur me tenisin gjatë kohës së lirë. Me këtë ide të mirë, Yan Shuo jo vetëm mund të merret me tenis, por edhe mund të fokusohet në mësim.

Tenisi i Kinës ka arritur sukses të madh. Ky sport ka pasur ecuri të mirë në Kinë dhe niveli i tenistëve kinezë po ngrihet dita-ditës, por niveli i gjyqtarëve kinezë të tenisit është i ulët. Për shkak se në Kinë nuk zhvillohen turne të nivelit të lartë botëror, tani ka vetëm një gjyqtar profesionist Chen Shu ndërsa pjesa tjetër e gjyqtarëve kinezë janë me kohë të pjesshme. P.sh, në komisionin e gjyqtarëve të tenisit të Pekinit, të gjithë anëtarët e tij janë pothuajse pensionistë ose studentë të shkollave sportive.

Megjithëse niveli i gjyqtarëve kinezë është i ulët, Yan Shuo, si gjyqtare, ka mendimin e veta: -----

"Dy vjetët e fundit, më shumë gjyqtarë kinezë kanë marrë pjesë si kryegjyqtarë ose vëzhgues në turnetë më të rëndësishme të botës. Këtë vit, kishte gjithsej gjashtë gjyqtarë kinezë që morën pjesë në "Australian Open", gjë që është hera e parë në historinë e Kinës. Megjithëse këta gjashtë gjyqtarë punonin vetëm si gjyqtarë vije, kemi arritur një hap të madh përpara."

Me afrimin e Lojërave Olimpike të vitit 2008, qoftë sportistët, qoftë gjyqtarët, po bëjnë aktivisht përgatitje për këtë festë sportive. Për t'u përgatitur për ndeshjet olimpike, Federata Ndërkombëtare e Tenisit ka organizuar disa kurse për trajnimin e gjyqtarëve kinezë. Lidhur me ndeshjet e Lojërave Olimpike të vitit 2008, Yan Shuo shpreson që të marrin pjesë në to më shumë gjyqtarë kinezë.

Ajo tha: ------

"Vitet e fundit, tenistet kineze janë paraqitur shumë mirë dhe kanë arritur suksese të dukshme. Edhe në Kinë janë zhvilluar disa turne të nivelit të lartë, duke u krijuar raste të mira gjyqtarëve kinezë. Ndërkohë, Federata Ndërkombëtare e Tenisit ka ofruar disa mundësi për gjyqtarët kinezë, si p.sh. disa prej tyre kanë marrë pjesë në "Australian Open" dhe në "Wimbledon Open" të këtij viti. Besoj se me përkrahjen e Federatës Ndërkombëtare të Tenisit dhe me zhvillimin e mëtejshëm të tenisit në Kinë, do të shikojmë më shumë gjyqtarë kinezë në ndeshjet olimpike."

Tenisi kinez ka arritur suksese të kënaqshme, por që Kina të bëhet një vend i fortë në tenis, vetëm disa fitore të një ose dy lojtarëve nuk janë aspak të mjaftueshme. Përparimi i tenisit në Kinë kërkon jo vetëm zhvillimin e mëtejshëm të këtij sporti, por edhe një grup gjyqtarësh me nivel të lartë botëror. Besojmë se do të ketë më shumë njerëz që të marrin pjesë ashtu si Yan Shuo në zhvillimin dhe përhapjen e tenisit. Le të shpresojmë së bashku për një hov më të madh të tenisit kinez dhe për pjesëmarrjen e më shumë gjyqtarëve kinezë në turnetë kryesore botërore. (Jiang Lei)