dëgjoni

Më 20 gusht në mbrëmje u mbyll në Pekin Kampionati i 11-të Botëror i Atletikës për të Rinj, që zgjati për 6 ditë. Në këtë kampionat, ekipi kinez fitoi 5 medalje të arta, 5 argjendta dhe 7 të bronzta, duke u radhitur në vendin e dytë përsa u përket medaljeve të arta dhe në vendin e parë për numrin e përgjithshëm të medaljeve. Megjithëse arritën rezultate të mira, qarqet e atletikës të Kinës nuk krenohen, por vunë në dukje me gjakftohësi se rezultatet në këtë kampionat nuk mund të sigurojnë përparimin e hovshëm të atletikës kineze në Lojërat Olimpike të Pekinit. Do të dëgjoni tani një reportazh të hollësishëm lidhur me këtë.

Kampionati Botëror i Atletikës për të Rinj, që organizohet një herë në dy vjet, është konsideruar si djepi i kampionëve botërorë dhe olimpikë. Kampionët olimpikë të Kinës, si atletja e vrapimit të distancave të gjata Wang Junxia dhe atleti i vrapimit me pengesa Liu Xiang etj., kanë shënuar rezultate të mira në këtë veprimtari.

Në kampionatin e 11-të të zhvilluar në Pekin, morën pjesë 1451 sportistë nga 180 vende e rajone. Numri i pjesëmarrësve shënoi rekord në historinë e kësaj veprimtarie. Pavarësisht nga konkurrenca e ashpër, atletët kinezë arritën rezultate të mira. Qarqet ndërkombëtare të atletikës kanë treguar vëmendje për disa atletë të rinj kinezë, si Huang Haiqing , që fitoi medaljen e artë në kërcënimin së larti për meshkuj, Bo Xiangdong dhe Liu Hong që u shpallën kampionë përkatësisht në ecjen sportive 1 mijë metra për meshkuj dhe për femra etj. Mirëpo qarqet kineze të atletikës tregohen gjakftohtë përpara rezultateve. Trajneri i përgjithshëm i ekipit kombëtar të atletikës të Kinës Feng Shuyong tha hapur se atletët kinezë pranojnë stërvitjet sistematike të teknikave profesionale qysh në moshë të re, prandaj kjo epërsi e pasqyruar në kampionatin e atletikës për të rinj është e përkohshme.

"Në këtë kampionat, sportistët e rinj kinezë bënë një paraqitje të kënaqshme dhe ndodhemi në vendet e para të listës së medaljeve. Kjo tregon se në mesin e të rinjve kinezë ka një kontingjent talentesh. Po t'i hedhësh një vështrim historisë së Kampionatit të Atletikës për të Rinj, sheh se sportistët e rinj kinezë kanë rezultate më të mira se ata të rritur. Një gjendje e tillë shkaktohet nga shumë faktorë. Sportistët kinezë hyjnë që në moshë të re në stërvitjet profesionale dhe fillojnë herët edhe stërvitjet e posaçme në disipilina të caktuara sportive. Në krahasim me sportistët e rinj të huaj, stërvitja e të rinjve kinezë pa dyshim është më sistematike dhe më e rregullt. Në fazën e rinisë, sportistët e huaj zhvillojnë rrallë stërvitje sistematike dhe të organizuara."

Mbeten më pak se dy vjet nga hapja e Lojërave Olimpike të Pekinit. A do të luajnë rol kyç në Lojërat Olimpike atletët e rinj kinezë të shquar në këtë kampionat? Trajneri Feng Shuyong është i mendimit se vetëm një numër i vogël prej tyre mund ta marrin përsipër këtë barrë të rëndë. Për arritjen e një rezultati të mirë në Lojërat Olimpike 2008, atletika kineze mund të mbështetet vetëm te disa disiplina të dalluara sportive dhe disa yje, si Liu Xiang etj. Ai tha:

"Mendoj se vetëm pak prej tyre do të luajnë rol të madh. Ne mbështetemi më shumë te disa atletë të rritur kryesorë në disiplinat kryesore, të cilat përpiqen të ngrenë potencialin e vet në dy vjetët e ardhshëm. Këta të rinj që spikatën në këtë kampionat, do të kenë një rrugë të gjatë, e po ashtu edhe atletika kineze do të përpiqet për një kohë të gjatë."

Duke folur për atletikën, nuk mund të mos përmendet SHBA-ja. Ajo është jo vetëm një vendi i zhvilluar në atletikë, por dhe ka pasur epërsi absolute në shumë disiplina të atletikës. Në këtë kampionat ekipi amerikan qëndroi në "heshtje". Feng Shuyong shprehu mendimin se rezultatet jo i mbresëlënëse të ekipit amerikan kanë disa arsye.

"Një miku im amerikan më tha se të rinjtë amerikanë kishin marrë pjesë në gara të ndryshme qysh nga marsi dhe deri në gusht ishin shumë të lodhur. Tjetër arsye, e ndiej se ata nuk u kushtojnë shumë rëndësi garave të tilla si kampionati i atletikës për të rinj. Mirëpo, megjithëse të rinjtë amerikanë nuk u paraqitën mirë në këtë periudhë, ata kanë shumë epërsi në gjatësinë dhe cilësinë e trupit. Kështu kur të rriten, në qoftëse merren seriozisht me ndonjë disiplinë sportive, shumë prej tyre do të kenë përparime të hovshme. Pikërisht për këto arsye, ata sportistë amerikanë, që nuk spikatin në garat për të rinj, bëjnë paraqitje shumë të mirë në moshë të rritur."

Si të zvogëlohen diferencat ekzistuese midis atletëve kinezë dhe atyre të vendeve të forta në atletikë është bërë një temë e rëndësishme studimi nga qarqet kineze të atletikës. Në një intervistë për gazetarë të vendeve të ndryshme, Feng Shuyong pohoi se shkëlqimi i Kinës në Kampionatin Botëror të Atletikës për të Rinj nuk tregon se ekipi kinez do të arrijë rezultate të përafërta edhe në Lojërat Olimpike të Pekinit. Ai tha se para vitit 2008 atletët kinezë kanë nevojë urgjente të ngrenë cilësinë e stërvitjes dhe të pasurojnë përvojë në gara të mëdha.

"Në këtë kampionat, mbi 50 % të atletëve kinezë paraqitën nivelin e vet më të mirë, duke arritur rezultate më të mira vetjake. Por në Lojërat Olimpike dhe në garat të tjera ndërkombëtare për të rritur, sportistët kinezë zakonisht e kanë të vështirë të bëjnë një paraqitje të tillë. Në fakt niveli i përgjithshëm i kampionatit të të rinjve ka ende distancë të madhe nga Lojërat Olimpike, prandaj atletët tanë të rinj nuk kanë ende aftësinë e duhur. Në dy vjetët e ardhshëm, sportistet kinezë duhet të ngrenë nivelin e tyre individual nëpërmjet stërvitjeve të plota, në mënyrë që të garantohet një paraqitje e qëndrueshme në garat e mëdha. Mendoj se paraqitja e qëndrueshme ka të njëjtin rëndësi me potencialin. Do të marrim masa që të sigurojmë që të rinjtë të kenë drejtim profesional dhe do t'u krijojmë atyre kushte që të konkurrojnë më shumë me sportistë të huaj të nivelit të lartë." (Wang Lei)