Kohët e fundit, qeveria kineze ka hartuar politikën për investuesit e huaj që dëshirojnë të blejnë ndërmarrje brenda territorit kinez. Rregulloret e reja do të zbatohen pas dy javëve. Personalitetet përkatëse vunë në dukje se rregulloret e reja do të lejojnë për herë të parë dhe qartë investuesit e huaj të blejnë ndërmarrje brenda territorit kinez nëpërmjet shkëmbimit të të drejtave të aksioneve.

Në vitin 2003, Kina hartoi rregulloret e përkohshme për investuesit e huaj për blerjen e ndërmarrjeve brenda territorit kinez. Në fillim të këtij viti, Kina filloi të zbatojë "Ligjin e shoqërive" të rishikuar. Pas lehtësimit të mëtejshëm të kufizimeve për formën, afati etj të investimeve të biznesmenëve të huaj, qeveria kineze rishikoi rregulloret e përkohshme dhe të dikurshme sipas frymës së "Ligjit të ri të shoqërive", dhe hartoi rregulloret e reja.

Në kapituj të shumtë të rregulloreve të reja, lejimi i investuesve të huaj për të blerë ndërmarrje me të drejtat e aksioneve si një mjet pagues brenda territorit të Kinës, është një pikë tërheqëse. Duke sqaruar rregulloret e reja, specialisti i Institutit studimor pranë Ministrisë së tregtisë të Kinës, z. Mei Xinyu vuri në dukje se blerja e ndërmarrjeve me të drejtat e aksioneve si një mjet pagues është një mënyrë relativisht e përgjithshme gjatë blerjes së ndërmarrjeve ndërkombëtare. Kina i lejon investuesit e huaj të blejnë me këtë mjet ndërmarrje kinez, gjë që tregon se shkalla e hapjes së Kinës me botën e jashtme është ngritur më tej.

"Nëpërmjet shkëmbimit të të drejtave të aksioneve për blerjen e ndërmarrjeve mund të ulet kostoja e blerjes. Për sa i përket palës blerëse, blerja e ndërmarrjeve, duke paguar me para, gjë që është e vështirë. Në qoftë se përdoret shkëmbimi i aksioneve për blerjen e ndërmarrjeve, për palën blerëse, mund të ulet kostoja e blerjes. Lejimi i investuesve të huaj për të blerë ndërmarrje nëpërmjet shkëmbimit të të drejtave të aksioneve mund të përmirësojë mjedisin e investimeve të huaja në Kinë".

Një përmbajtje tjetër tërheqëse në rregulloret e reja është që qeveria kineze ritheksoi të drejtën e shqyrtimit kundër monopolizimit ndaj veprimeve të investuesve të huaj për blerjen e ndërmarrjeve brenda territorit kinez. Njerëzit shprehën dyshimin se në Kinë është shfaqur proteksionizëm tregtar. Duke folur për këtë, specialisti i Institutit studimor të ekonomisë dhe tregtisë ndërkombëtare pranë Ministrisë së Tregtisë të Kinës, z. Shen Danyang tha se Kina nuk ka zgjeruar më tej shqyrtimin kundër monopolizimit, duke koordinuar politikën për blerjen me investime të huaja të ndërmarrjeve kineze. Në krahasim me rregulloret e përkohshme të dikurshme, rregulloret e reja nuk ndryshojnë kushtet e shqyrtimit kundër monopolizimit, ndërsa ky shqyrtim është më transparent.

"Rregulloret e reja kanë shtjelluar më hollësisht kohën, kushtet dhe kërkesën e shqyrtimit dhe theksojnë më shumë mbrojtjen e konkurrencës së barabartë dhe të sigurisë ekonomike shtetërore". rregulloret e reja kërkojnë që për blerjen e ndërmarrjeve brenda territorit kinez, që prek industritë kryesore, duhet t'i paraqitet kërkesa Ministrisë së Tregtisë të Kinës. Ministria e Tregtisë e Kinës duhet të tregojë sa më parë cilat janë industri kryesore dhe duhet të ndryshojë pandërprerë listën e industrive kryesore sipas gjendjes së zhvillimit të ekonomisë kineze.

Duke iu përgjigjur pyetjeve të gazetarëve, palët e ndryshme blerëse kanë bërë reagime të ndryshme.

Rregulloret e reja do të ushtrojnë ndikim pozitiv mbi pjesëmarrjen e kapitaleve të huaja në aktivitetet e blerjes së ndërmarrjeve kineze. Kjo tregon se sistemi i politikës së hapjes kineze me botën e jashtme është përmirësuar më tej. (Sihai)