dëgjoni

Kohët e fundit, Banka Qendrore e Kinës ka ngritur përqindjen e interesave të depozitimeve dhe të kredive të zhenminbisë prej 0.27%. Qysh nga fillimi i këtij viti, kjo është hera e dytë e shtimit të interesave të zhenminbisë të Bankës Qendrore të Kinës. Qëllimi kryesor i shtimit të interesave të zhenminbisë është shmangia e rritjes tepër të shpejtë të investimeve dhe të kredive. Njëkohësisht, politika konkrete për shtimin e interesave ka për qëllim që të lehtësojë tensionin e jetesës së banorëve të thjeshtë.

Qysh nga fillimi i këtij viti, ekonomia kineze ka ruajtur ritmin e rritjes mbi 10%. Investimet në pasuri të paluajtshme dhe eksporti janë 2 faktorë kryesorë nxitës të rritjes së shpejtë ekonomike. Gjatë gjashtëmujorit të parë të këtij viti, investimet në pasuri të paluajtshme u shtuan 30% në krahasim me të njëjtën periudhë të vitit të kaluar, dhe vëllimi i kredive të zhenminbisë të bankave të ndryshme tregtare ka afruar vëllimin e përgjithshëm të kredive të planit vjetor. Investimet dhe kreditë e larta kanë shkaktuar gjendjen e mosbaraspeshuar të strukturës së ekonomisë kineze dhe gjendjen serioze të mungesës së energjisë dhe të burimeve dhe kanë shkatërruar vazhdueshmërinë e zhvillimit ekonomik.

Duke folur për shtimin përsëri të interesave të depozitimeve dhe të kredive të zhenminbisë, ekonomisti i Qendrës Studimore për zhvillimin ekonomik pranë Këshillit të Shtetit të Kinës, z. Xia Bin tha se nga ana e koordinimit të ekonomisë del se qëllimi i shtimit të interesave është edhe shmangia e rritjes tepër të shpejtë të investimeve dhe kredive.

"Shtimi i interesave është krejtësisht për gjendjen e tanishme makroekonomike. Për të siguruar ritmin e qëndrueshëm të zhvillimit të ekonomisë së ardhshme, Banka Qendrore e Kinës ka marrë këtë masë. Për të shmangur rritjen tepër të shpejtë të investimeve afatgjata, përqindja e interesave të kredive afatgjata duhet të ngrihet shumë".

Zoti Xia tha, gjithashtu, se ngritja e përqindjes së interesave të kredive bankare do të shtojë kosto të kredive të ndërmarrjeve, duke zbutur gjendjen e rritjes tepër të shpejtë të investimeve dhe të kredive. Xia Bini vuri në dukje se qëllimi ynë jo vetëm mbështetet te ngritja e përqindjes së interesave për të kontrolluar rritjen tepër të shpejtë të ekonomisë, por edhe ne duhet të marrim masat në kordinimin e strukturës industriale dhe në fusha të tjera.

Pas shtimit të interesave të zhenminbisë, shumë kinezë i kanë shndërruar fondet e tyre në depozitimet afatgjata për të marrë interesat e lartë. Gazetari mësoi nga dega e një banke se pas publikimit të shtimit të interesave, disa qindra njerëz kanë ardhur këtu për të depozituar fondet e tyre. Një nënpunëse e kësaj dege Liu Ying tha: "Në ditën e parë të publikimit të shtimit të interesave të zhenminbisë, shumë depozitues nuk ishin të qartë për përqindjen e interesave të zhenminbisë. Prandaj sasia e punës ishte shumë e madhe".

Në rrethanat e ngritjes së vazhdueshme të çmimit të banesave, ngritja e interesave të kredive mund të shkaktojë shqetësime shoqërore për konsumin e blerjes së banesave. Banka Qendrore e Kinës ka marrë masat konkrete dhe të favorshme për blerjen personale të banesave. Ekonomisti i Qendrës Studimore për zhvillimin ekonomik pranë Këshillit të Shtetit të Kinës Xia Bin tha se kjo tregon se banorët kinezë mund të gëzojnë një interes shumë të favorshëm nëpërmjet kredive tregtare për blerjen e banesave. Duke ndërmarrë politikën, qeveria ka menduar plotësisht aftësinë e masave popullore për blerjen e banesave.

Bankat e ndryshme tregtare reaguan shumë shpejt politikën e Bankës Qendrore. Shumë banka vendosën që të zbatojnë përqindjen e interesave të favorshëm për blerjen personale të apartamentit të parë.

Për koordinimin e interesave të kredive, mendimet e masave popullore të Kinësnuk janë të njëllojta. Zoti Li Lei që punon në media, tha: "Për sa më përket mua, ngritja e përqindjes së interesave të kredive nuk mund të ndikojë blerjen e banesave, sepse vetëm një pjesë rroge mujore sime mund të paguajë përqindjen mujore të kredive".

Masa e shtimit të interesave të marrë nga Banka Qendrore e Kinës ka tërhequr edhe vëmendjen e komunitetit ndërkombëtar, i cili është i mendimit se Kina po hyn në periudhë të re të shtimit të interesave. Në të ardhmen, Kina do të marrë straetgjinë e shtimit të përhershëm të interesave. Për këtë, ekonomisti Xia Bin tha se në të ardhmen, shtimi i interesave do të varet nga gjendja e qarkullimit makroekonomik.

Ju flet Radio e Jashtme e Kinës. Të dashur dëgjues, dëgjuat korrespondencën me titull: "Banka Qendrore e Kinës ka shtuar përsëri interesat e depozitimeve dhe të kredive të zhenminbisë për të ruajtur rritjen e vazhdueshme ekonomike". (Sihai)