dëgjoni

Në simpoziumin ndërkombëtar "Gesar" që përfundoi pak kohë më parë, specialistët dhe studiuesit e pranishëm nga Kina, Japonia, SHBA-ja, Rusia, Kanadaja dhe Austrialia paraqitën propozimin për ndërtimin e 3 korridoreve kulturore " Gesar " dhe krijimin e 3 linjave turistike kulturore "Gesar", në mënyrë që kjo epikë e gjallë " Gesar" të rrojë përgjithmonë.

Pjesa që po dëgjoni është interpretuar nga një artist i njohur folklori 70 vjeçar që përshkruan frymën e mostrembjes nga dhuna, vështirësitë e rreziqet e protagonistit Gesar, si dhe heroizmat e tij të luftës me vullnet dhe forcë magjike kundër armiqve për lumturinë e popullit, duke i thurur lavdi luftës së madhe të drejtësisë mbi të pa drejtën dhe të dritës mbi errësirën. Epika historike " Gesar" me një madhështi krenare dhe mjeshtëri të lartë artistike pasqyron etapat e rëndësishme historike dhe gjendjen themelore të zhvillimit shoqëror të kombësisë tibetiane, duke përfaqësuar sukseset më të larta të kulturës folkloristike të kombësisë tibetiane në kohën e lashtë e duke qenë edhe një enciklopedi e shoqërisë së lashtë të kombësisë tibetiane.

"Gesar" është një formë e interpretimit me fjalë e me këngë e filluar nga shekulli i parë para erës sonë deri në shekullin e 6-të të erës sonë dhe e trashëguar me anën e gojëdhënës, ndërsa pas shekullit të l7-të filloi të shënohet me letërsinë e shkruar. Epika "Gesar" ka rreth 500 seri dhe gjithë ajo ka rreth 500 mijë rreshta. Ajo është epika më e gjatë në botë dhe e vetmja epikë e gjallë e zbuluar deri tani në botë. Epika "Gesar" është radhitur në listën e aktiviteteve përkujtimore të mijëvjeçarit të UNESKO-s. Z. Liji, që është marrë për një kohë të gjatë me punën e kulturës së pakicave kombëtare të Kinës ka bërë një studim të thellë mbi kulturën tibetiane. Ai tha : "Në botë, shumica e poezive historike janë të shkruara, vetëm epika "Gesar" është një epikë e gjallë dhe deri tani, më se një qind artistë veteranë po e trashëgojnë këtë epikë që është një vepër e çmuar e kombit kinez dhe thesar i çmuar shpirtëror i gjithë njerëzimit."

Epika historike "Gesar" është e përhapur kryesisht në krahinat e kombësisë tibetiane, të rajonit të kombësisë mongole, të kombësive Tu dhe Nasi, pra ajo është thesar i përbashkët kulturor i shumë kombësive të Kinës. Qysh nga vitet 50 të shekullit të kaluar, Kina filloi punën për koleksionimin, rregullimin dhe studimin e epikës "Gesar" dhe krijoi para disa vjetësh zyrën kombëtare të punës mbi epikën " Gesar" për të koordinuar punën e provincave dhe rajoneve të ndryshme autonome për mbrojtjen dhe trashëgiminë e epikës "Gesar". Tani janë botuar gjithsej më se një qind vepra të epikës "Gesar" në gjuhën tibetiane, më se 20 vepra të epikës " Gesar" në gjuhën mongole dhe janë përkthyer më se 30 vepra të kësaj epike nga gjuha tibetiane në gjuhën letrare kineze.

Edhe shumë shkolla të larta kanë vendosur institucione për studimin e epikës "Gesar". Tani në Kinë ka më se një qind artistë që interpretojnë posaçërisht epikën " Gesar", ndër të cilët, shumica janë tibetianë. Në mënyrë që kjo epikë e interpretuar me gojë nga interpretuesit të trashëgohet brez pas brezi, sektorët përkatës kinezë i kanë regjistruar interpretimet e tyre në CD dhe në video.

Simpoziumi i sivjetëm ndërkombëtar "Gesar" i organizuar në distriktin Maqy të qarkut autonom të kombësisë tibetiane në pjesën jugore të provincës Gansu është edicioni i 17-të.

Studiuesit e pranishëm ishin të mendimit për të forcuar më tej mbrojtjen e epikës "Gesar", duke propozuar krijimin e tre korridoreve në rrjedhën e sipërme të Lumit të Verdhë, në rrjedhën e sipërme të lumit Jance dhe në zonën e Tibetit ku është e përhapur epika "Gesar", si dhe për hapjen e tri linjave turistike kulturore "Gesar", në mënyrë që njerëzit të njihen më mirë me këtë epikë të gjallë.

Vitet e fundit, në krahinat e ndryshme të provincës Qinhai janë krijuar pallate përkujtimore "Gesar", qendra kulturore e studimore "Gesar", trupa e operës tibetiane "Gesar", shoqata e një mijë interpretuesve të epikës " Gesar". Të gjitha këto kanë luajtur një rol të rëndësishëm për nxitjen e zhvillimit të shëndoshë të aktiviteteve kulturore të masave popullore dhe për ngritjen e cilësisë kulturore të kombit kinez.

Kryetari i Akademisë së Shkencave Shoqërore të rajonit autonom të Tibetit Civangjunmei është një dijetar vendor tibetian. Ai shprehu mendimin se mbrojtja e epikës "Gesar" nga Kina është një shembull i mbrojtjes së kulturës tradicionale të të gjithë kombit.

Ai tha :" Shteti ynë ka bërë një punë të madhe për mbrojtjen e kulturës dhe letërsisë nacionale. "

Qeveria kineze e ka caktuar të shtunën e 2-të të qershorit të çdo viti si "ditën kombëtare të trashëgimisë kulturore", duke forcuar në mënyrë të gjithanshme mbrojtjen e kulturës folkloristike, duke përfshirë edhe trashëgiminë jo materiale.( Zhai)