dëgjoni

Vitet e fundit, shumë interpretues të talentuar kinezë kanë fituar çmime në konkurse ndërkombëtare, duke u aktivizuar në skenat e muzikës botërore.

Në nënrubrikën "Shkëmbime kulturore" do t'ju njohim me njërin prej tyre. ... 

Melodia që po dëgjoni është nga pjesa violinistike " Melodi për violinë" e kompozitorit të njohur rus Çajkovski, interpretuar nga Xue Wei.

Xue Wei, 43 vjeç, lindi në provincën Hënan të Kinës qendrore dhe filloi të mësonte violinën qysh në moshën 8 - vjeçare. Kur ishte l4 vjeç, ai u pranua në shkollën e mesme pranë Konservatorit të Shangait dhe pastaj u pranua me konkurs në Konservatorin Qendror të Kinës, ku kishte mësues violinistët e njohur kinezë Lin Zaoji dhe Zheng Shisheng.

Gjatë studimit në Konservator, ai fitoi çmimin e dytë në Konkursin e violinës të Kinës dhe pasi u diplomua në konservator, vazhdoi studimet në Angli. Në korrik të vitit l986, Xie Wei fitoi çmimin e dytë në konkursin e 8-të ndërkombëtar violinistik " Çajkovski" të Moskës dhe dy javë më vonë, ai fitoi çmimin e parë në konkursin ndërkombëtar të violinës " Karl Flesç". Përveç këtyre, ai mori edhe "Çmimin e interoretuesit më të pëlqzer nga spektatorët", "Çmimin e filarmonisë më të mirëpritur" si dhe " Çmimin e interpretuesit më të mirë të sonatës". Po atë vit, ai fitoi edhe çmimin vjetor të violinistit të ri solo të Anglisë. Për shkak të talentit të tij të jashtëyakonshëm, Xie Wei 26 vjeçar u emërua nga Konservatori Mbretëror i Anglisë si profesor, dhe kështu u bë profesori më i ri dhe i vetmi person nga Lindja në këtë konservator të njohur në botë.

Muzika që po dëgjoni është nga kapitulli i parë i "Koncertit për violinë në tonin e madh D" të Çajkovskit, interpretuar nga violinisti Xie Wei. Kjo vepër e njohur e Çajkovskit është ndryshe nga veprat e tjera, me një melodi optimiste dhe plot dritë dhe me stilin e muzikës folklorike ruse.

Interpretimi i Xie Weit është tërheqës dhe plot emocion. Ai ka bashkëpunuar edhe me filarmoni dhe dirigjentë të njohur botërorë, si me orkestrën e Filarmonisë së Londrës, orkestrën simfonike të Radios së Berlinit, orkestrën simfonike të Moskës etj dhe është vlerësuar lart nga këto orkestra. Komentatorët ndërkombëtarë të muzikës kanë thënë se "niveli i tij i interpretimit ka arritur në një gjendje artistike të pakrahasueshme".

Në mbyllje të këtij emisioni, ju ftojmë të dëgjoni një fragment nga " Serenata e dëshpëruar" e Çajkovskit. ( Zhai)