dëgjoni

Gazeta kineze "Xinjingbao" njoftoi se më 21 gusht, u hap në Pekin ekspozita e fotografive të Zyrës së Refugjatëve të OKB-së. Në ekspozitë janë vendosur më se 50 fotografi të bëra nga punonjës të kësaj zyre dhe fotografë të vendeve të ndryshme.

Tema kryesore e ekspozitës është "Krijimi i një vatre të përbashkët". Fotografitë shfaqin incidentet kryesore të refugjatëve gjatë 55 vjetëve pas krijimit të Zyrës së Refugjatëve të OKB-së, si kriza e refugjatëve në Afrikë, cunami në Azinë juglindore, tërmeti në Pakistan etj. Krahas këtyre, 8 fotografi shfaqin posaçërisht veprimtarinë e bamirësisë të personaliteteve.

Do të zhvillohet në Pekin konkursi i pianos "Shopen" për fëmijë dhe të rinj

Gazeta kineze "Beijingyulexinbao" njoftoi se nga 9 deri më 17 shtator të këtij viti, do të zhvillohet në Pekin konkursi i 5-të ndërkombëtar i pianos "Shopen" për fëmijë dhe të rinj. Qysh nga ky vit, ky konkurs do të zhvillohet me radhë një herë në dy vjet në Moskë dhe në Pekin.

Siç bëhet e ditur, komisioni organizator i konkursit vendosi ta zhvillojë konkursin e pianos "Shopen" për fëmijë dhe të rinj në Pekin për shkak të talentit të lartë të interpretuesve kinezë. Në konkursin e kaluar, 4 interpretues kinezë fituan medaljen e artë dhe medaljen e bronztë duke u vlerësuar lart nga komisioni organizator.

Konkursi ndërkombëtar i pianos "Shopen" për fëmijë dhe të rinj u krijua në vitin 1992 dhe është zhvilluar 4 herë në Moskë.

Trupa e valleve e Irlandës "Shpirti i valles" do të japë shfaqje në Pekin

Gazeta kineze "Xinjingbao" njoftoi se nga 22 shtatori deri më 7 tetor, trupa e valleve e Irlandës "Shpirti i valles" do të japë shfaqje në Pekin. Pekini është ndalesa e parë e turneut të trupës në mbarë botën. Trupa e valleve "Shpirti i valles" do të japë shfaqje edhe në 5 qytete të tjera të Kinës.

Trupa e valleve "Shpirti i valles" lindi në vitin 1996. Në vitin 2000 dhe vitin 2004, kjo trupë dha dy herë shfaqje në Pekin duke fituar përshëndetjen e shikuesve.

Shkollat e larta të provincës Yunnan do të krijojnë kurse lidhur me Azinë Jugore dhe Azinë Juglindore

Gazeta kineze "Renminribao" njoftoi se duke filluar nga vjeshta e këtij viti, të gjitha shkollat e larta në provincën Yunnan të Kinës jugperëndimore do të hapin kurse lidhur me gjuhët dhe kulturat e Azisë Jugore dhe të Azisë Juglindore.

Spas planit, shkollat e larta të provincës Yunnan do të zhvillojnë bashkëpunim dhe shkëmbime me vendet e Azisë Jugore dhe Azisë Juglindore.

Në të ardhmen, provinca Yunnan do të krijojë edhe 10 institute të Konfucit dhe shumë qendra të gjuhës dhe kulturës kineze në Azinë Jugore dhe Azinë Juglindore. (Fani)