dëgjoni

Më 13 gusht u kurorëzua me sukses Turneu i parë Ndërkombëtar i Taekundosë i Kinës, që zgjati për 3 ditë. Kjo është hera e parë që Kina organizon një turne ndërkombëtar të taekundosë dhe njëkohësisht ai u dha Kinës dhe lojtarëve nga vende e rajone të ndryshme një rast parapërgatitjeje për Lojërat Olimpike të Pekinit. Në këtë garë, ekipi kinez paraqiti një forcë të madhe në disiplinat e femrave dhe konsiderohet se mund të arrijë rezultat të mirë në Lojërat Olimpike të Pekinit.

Në këtë turne morën pjesë mbi 180 sportistë e trajnerë nga 15 vende e rajone, si ekipet e Kinës, të Tajpeit, të Koresë së Jugut, Jordanisë, Iranit, Polonisë, Francës, që kanë nivel të lartë në taekundo. Në këtë turne u zbatua sistemi i Lojërave Olimpike, d.m.th. ai u nda gjithsej në 8 shkallë për meshkuj dhe për femra. Pas ndeshjeve të forta 3-ditore, sportistet kineze bëmë të vetat të katra medaljet e arta në disiplinat për femra, ndërsa ekipi kinez u radhit në vendin e parë për numrin e medaljeve, me 4 medalje ari, 4 argjendi dhe 5 bronzi. Ky rezultat është gjithashtu më i miri për ekipin kinez gjatë pjesëmarrjes në 4 turnetë kryesorë ndërkombëtarë të taekundosë. Ekipi koreanojugor u radhit në vendin e dytë me 2 medalje të arta dhe 2 të argjendta. Ekipi i Tajpeit fitoi dy medalje të bronzta për femra.

Turneu Ndërkombëtar i Taekundosë i Kinës është turneu i 4-t i miratuar nga Federata Botërore e Taekundosë, pas turneve të Iranit, SHBA-së dhe të Koresë së Jugut. Megjithëse ishte hera e parë që zhvillohej, Turneu i Kinës ishte me përmasat më të mëdha ndër 4 turnetë kryesorë të taekundosë. Z. Lu Xiudong, trajneri i përgjithshëm i ekipit kombëtar kinez të taekundosë është i mendimit se turneu i Kinës kishte nivel të lartë, ngaqë shumë ekipe i kushtuan rëndësi atij.

"Në këtë turne morën pjesë 15 ekipe dhe mund të themi se lojtarët pjesëmarrës janë me nivel të lartë. P.sh. ekipi i Koresë së Jugut, ekipi i Tajpeit dhe ekipi i Vjetnamit dërguan lojtarë kryesorë. Shumë ekipe e konsideruan këtë turne si provë për Lojërave Olimpike 2008, duke u përshtatur me pallatet sportive, klimën e Pekinit si dhe atmosferën e ndeshjeve, prandaj në këtë turne shumë ekipe morën pjesë dhe i kushtuan rëndësi."

Ekipi i fortë i Tajpeit dërgoi kësaj here shumë lojtarë të nivelit të lartë në këtë turne. Trajneri i përgjithshëm i ekipit të Tajpeit, z. Xu Laifa, pohoi plotësisht përparimet e mëdha të ekipit kombëtar të taekundosë të Kinës.

"Turne i Kinës u organizua mirë. Megjithëse ishte hera e parë për Kinën që organizonte një veprimtari të tillë, në përgjithësi u paraqit shumë mirë. Mendoj se nga ana e potencialit, në Lojërat Olimpike 2008 ne kinezët kemi epërsi të madhe. "

Zv/kryetari i Shoqatës së Taekundosë të Kinës, Zhao Lei, u shpreh se në këtë turne ekipi kinez fitoi disa medalje të arta, por për të, pjesëmarrja në këtë garë është më i kënaqshëm se rezultati. Ai tha:

"Në përgjithësi ekipi i meshkujve dhe ekipi i femrave u shfaqën shumë mirë. Lojtarët e shumë vendeve që morën pjesë në këtë turne nuk synuan fitimin e medaljeve të arta, por e konsidenruan si pjesë përbërëse të stërvitjes, prandaj ishte vështirë të shihnim nivelin e tyre të vërtetë. Prandaj tregova më shumë vëmendje për pjesëmarrjen në garë dhe jo numrin e medaljeve të fituara nga ne. Meriton të përmend edhe përparimet e mëdha të ekipit kinez të meshkujve. Para disa vjetëve, në veprimtari ndërkombëtare, sportistët meshkuj kinezë eliminoheshin në raundin e parë ose të dytë, kurse kësaj here, kishte një konkurrencë të ashpër midis sportistëve meshkuj të Kinës dhe atyre të huaj. Edhe kur humbën, diferenca ishte vetëm 1 a 2 pikë, jo shumë e madhe. Sigurisht duhet të shohim edhe problemet tona të shfaqur në këto ndeshje, si teknika bazë jo e fortë, përvoja jo e pasur në ndeshje etj. Këto probleme duhen zgjidhur në stërvitjet e ardhshme. "

Duke folur për përgatitjet e ekipit kinez të femrave për Lojërat Olimpike të Pekinit, trajneri i përgjithshëm Lu Xiudong tha se ekipi kinez jo vetëm do të konsolidojë pozitën e përparuar në nivelin e peshave të rënda, por do të ngrejë edhe aftësinë konkurruese në peshat e lehta.

"Në Lojërat Olimpike të Athinës, ekipi kinez mori pjesë në dy disiplina të peshave të rënda dhe fitoi të dy medaljet e arit, prandaj mund të themi se kjo epërsi jona po i afrohet pikës së ngopjes. Tani duhet të ndërmarrim një sulm të gjithanshëm, që të përpiqemi të kemi përparime edhe në disiplinat e peshave të lehta, në mënyrë që të kemi potencial më të fortë për fitimin e medaljeve të arta olimpike." (Wang Lei)