dëgjoni

Sapo u kurorëzua Kampionati i 11-të Botëror i Atletikës për të Rinj. Kjo veprimtari ndërkombëtare e nivelit të lartë i dha Pekinit edhe një rast të nxjerrjes së përvojës për punët organizative të Lojërave Olimpike të Pekinit dhe të stërvitjes së armatave të kuadrove administratorë. Qyteti i Pekinit dhe Komisioni Organizativ i Kampionatit Botëror të Atletikës për të Rinj i Pekinit i kushtuan rëndësi të madhe kësaj veprimtarie dhe bënë përgatitje të plota në garantimin e sigurisë, mjekimin dhe në kontrollin e dopingut, duke u parapërgatitur aktivisht për Lojërat Olimpike 2008. 

Kampionati Botëror i Atletikës për të Rinj është gara për të rinj e nivelit më të lartë e atletikës botërore. Në kampionatin e 11-të të organizuar në Pekin morën pjesë 1451 sportistë nga 180 vende e rajone të botës. Këto shifra ishin më të mëdhatë në historinë të këtij kampionati dhe kjo pjesëmarrje kaq e madhe nxori edhe kërkesa të larta para komitetit organizativ në administrim, pritje dhe funksionim.

Për një veprimtari sportive, garantimi i sigurisë është qendra e të gjitha punëve kryesore. Z. Cao Dongxiang është zv/përgjegjësi i drejtorisë së garantimit të sigurisë dhe të transportit të këtij kampionati. Ai tha se të gjitha punët për të cilat ai përgjigjej në këtë kampionat u zhvilluan sipas standardeve të Lojërave Olimpike.

"Gjatë administrimit të sigurisë në stadiumin sportiv, përdorëm modelin e garantimit të sigurisë së stadiumeve e pallateve olimpike, të cilin e kemi studiuar për një kohë të gjatë. Në bazë të traditës ndërkombëtare, kësaj here ne zbatuam "administrimin e mbyllur" në hotelet ku banuan sportistët, duke i konsideruar ato si fshat olimpik. Për sa i përket shërbimit të rojës, ne morëm modelin e administrimit në nivele të ndryshme, në mënyrë që të arrihej rezultati më i mirë në garantimin e sigurisë me më pak policë."

Për sportistët pjesëmarrës, krahas garantimit të sigurisë, edhe shëndeti i mirë kishte rëndësi të madhe. Përgjegjësi i drejtorisë së mjekimit pranë komitetit organizativ të këtij kampionati, z. Guo Jiyong, tha se komiteti organizativ ka hartuar një plan të saktë për mjekimin e sportistëve dhe të gjitha punët përkatëse janë zhvilluar sipas kërkesave të Lojërave Olimpike. Ai tha:

"Për punën e shpëtimit dhe e mjekimit kemi bërë përgatije të plota. Në stadium krijuam 3 pika mjekimi dhe një qendër mjekësore, ku u vendos personel mjekësor për të dhënë ndihmën e parë. Po në qoftë se në pikat e qendën mjekësore të stadiumit nuk mund të sigurohej mjekimi i duhur, do t'i çonim sportistët e dëmtuar në spitalin e përcaktuar."

Njihet nga të gjithë se problemi i "dopingut" ka qenë një gangrenë e sportit. Sot, suksesi i Lojërave Olimpike është i pandarë nga kontrolli i dopingut. Pak kohë më parë, kryetari i Federatës Ndërkombëtare të Atletikës Lamine Diak tha se federata e kryesuar nga ai do të shtojë lufën kundër dopingut, në mënyrë që të garantojë besueshmërinë e atletikës dhe të mbrojë dëlirësinë e pjesës dërrmuese të atletëve. Për sportistët e rinj, krijimi i një mjedisi të barabartë konkurrimi nganjëherë është më i rëndësishëm se arritja e rezultatit. Përgjegjësi i drejtorisë së kontrollit të dopingut të këtij kampionati, z. Zhao Jian tha:

"Në krahasim me të kaluarën, në këtë kampionat kontrolli i dopingut u zhvillua në përmasa të mëdha. Të gjitha disiplinat u përfshinë në sferën e kontrollit. Në drejtorinë tonë ka 25 kontrollues të regjistruar në Komitetin Kundër Dopingut të Kinës si dhe rreth 40 vullnetarë, që përgjigjen kryesisht për punën e shoqërimit. "

Shikuesit janë një faktorë i pamungueshëm në garat sportive. Atletika është sporti më i madh dhe kryesor në Lojërat Olimpike dhe me më shumë medalje të arta, prandaj ka tërhequr shumë vëmendjen e gjerë të publikut. Përqindja e mbushjes së stadiumit me shikues ka rëndësi të madhe për suksesin e garave olimpike. Në të kaluarën, Kina ka organizuar rrallë veprimtri ndërkombëtare të atletikës të nivelit të lartë, prandaj për kinezët atletika nuk ka një forcë tërheqëse aq të madhe sa futbolli, basketbolli, gjimnastika dhe sporte të tjera. Zv/sekretari i përgjithshëm i komisionit organizativ të Kampionatit Botëror të atletikës për të Rinj, z. Shen Chunde, tha se një nga punët kryesore të komitetit organizativ është që duke përfituar nga ky kampionat, të përgatitet për Lojërat Olimpike të Pekinit një kontingjent shikuesish, që i kuptojnë garat e atletikës dhe janë dashamirës të atletikës. Ai tha:

"Duke marrë parasysh që në Kinë atletika ndodhet në periudhën e përhapjes, vendosëm çmime shumë të lira biletash. Biletat për garat gjatë ditës kushtonin 10 juanë, ndërsa për ato në mbrëmje 20 juanë. Në fakt shpresonim që nëpërmjet këtij kampionati, shikuesit kinezë të mund të ndienin forcën tërheqëse të atletikës."

Kryetari ekzekutiv për Lojërat Olimpike i Komitetit Olimpik Ndërkombëtar, z. Gilbert Felli e inspektoi këtë kampionat. Ai shprehu mendimin se pajisjet e ndryshme në këtë kampionat mund të plotësonim krejtësisht kërkesat e këtij kampionati dhe njëkohësisht komisioni organizativ u ka afruar mbi 200 gazetarëve mjedise dhe kushte të mira pune. Nga organizimi i garave të tilla si Kampionati Botëror për të Rinj me nivel të lartë, mund të nxirret përvojë për punët organizative dhe ai do të ndihmojë në organizimin e Lojërave Olimpike 2008.(Wang Lei)