Ju flet Radio e Jashtme e Kinës. Të dashur dëgjues, ju përshëndes përsëri në rubrikën "Muzika Pop". Më 13 korrik të vitit 2001 Pekini fitoi të drejtën për organizimin e Lojërave Olimpike 2008, prandaj Kina ka zhvilluar shumë aktivitete të përmasave të mëdha që lidhen me Lojërat Olimpike. Sivjet janë zgjedhur 34 këngët më të mira. Në programin e sotëm do t'ju flas për disa fragmente të kësaj mbrëmjeje.

Po dëgjoni tani këngën me titull "One world One dream", teksti i së cilës është krijuar nga Guo Ruopeng ndërsa melodia është kompozuar nga Jin Zhiwen. Kjo këngë këndohet nga këngëtari tajvanez You Hongming dhe këngëtari i pjesës kontinentale të Kinës Guan Zhe. Melodia e kësaj kënge është e thjeshtë dhe plot me entuziazëm. Në këtë këngë thuhet "Fosfori më ka treguar drejtimin. Do ta çliroj ëndrrën dhe ta hap zemrën time. Bota është plot me aromë lirie. Ëndrrat janë realizuar këtu..."  dëgjoni

Guan Zhe u shpreh se ai është një muzikant i ri e si një muzikant i tillë ai është i gëzuar nga pjesëmarrja në këto aktivitete. Ai është i gëzuar gjithashtu që mund të mësojë nga këngëtarët e vjetër.

Të dashur dëgjues, një këngë olimpike e mirë është një produkt i përbërë nga sporti dhe arti. Që nga viti 2003, Komiteti i Lojërave Olimpike të Pekinit filloi të zhvillojë aktivitetet e përzgjedhjes së këngëve për Lojërat Olimpike 2008. Zv.drejtori i drejtorisë së aktiviteteve kulturore të këtij komiteti Wang Ning u shpreh se tani janë përzgjedhur 34 këngët më të bukura për Lojërat Olimpike 2008. Ndër to ka jo vetëm krijime muzikore të dashamirësve të muzikës, por edhe krijime të muzikantëve profesionistë brenda dhe jashtë Kinës.

Po dëgjoni tani këngën me titull "Sporti në të gjithë botën" të kënduar nga grupi muzikor "Fulterëz". Teksti i kësaj kënge është bërë nga Fu Lin dhe melodia e saj është kompozuar nga Zhang Zhuoya. Në këtë këngë thuhet "Sporti në të gjithë botën na sjell gëzim dita ditës. Sporti në të gjithë botën është për ju, për mua dhe për atë. Le të hapim faqen e re të Olimpiadës"  dëgjoni

Grupi muzikor "Fulterëz" përbëhet nga katër djem dhe dy vajza. Ia vlen të përmendet që në këtë këngë, tingujt e veglave muzikore të ndryshme imitohen nga anëtarët e këtij grupi.

Këto aktivitete filluan më 1 janar të këtij viti dhe mbaruan më 1 qershor, duke mbledhur më shumë se 8000 tekste dhe më shumë se 700 këngë. Më në fund 16 këngë fituan çmimin e këngëve më të bukura.

Po dëgjoni tani këngën me titull "Po fryn era e Olimpiadës", të krijuar nga Wang Chijiu dhe Liu Qing dhe të kënduar nga Fu Lishan, Zhu Sha dhe Yan Dangdang. Kjo këngë thotë se Lojërat Olimpike do t'i sjellin Pekinit gëzim, miqësi dhe fantazi. Në këtë këngë thuhet "Era e Olimpiadës fryn tek shtëpia ime dhe më ka sjellë dashurinë më të çmuar. One World One dream, në vitin 2008 Pekini ju mirëpret."  dëgjoni

Fu Lishan u shpreh se vitin e kaluar çdo aktor ishte shumë i emocionuar për shfaqjen e maskotit të Lojërat Olimpike të Pekinit (Fu Ua). Lojërat Olimpike janë shumë të rëndësishme në procesin e rritjes së sime.

Në shumë këngë të këtij viti, si për shembull në këngën "Po fryn era e Olimpiadës" ka një fjali të tillë "Pekini ju mirëpret". Do të dëgjoni tani këngën me titull "Në vitin 2008 le të takohemi në Pekin." të kompozuar nga Wang Jun dhe të kënduar nga këngëtari tajvanez Lin Zhixuan.  dëgjoni

Në këtë këngë thuhet "Buzëqeshja dhe urimi shkojnë tek ju dhe mbetet buzëqeshja në dritën e qiellit. Sido që sytë kanë ngjyra të ndryshme, mund të shohim retë e bardha dhe qiellin blu. E njëjta botë, e njëjta ëndërr, në vitin 2008 Pekini ju mirëpret."

Çdo kinez dhe çdo njeri në botë ka ëndrra të mira për Lojërat Olimpike të Pekinit në vitin 2008. Në fund të programit të sotëm, do të dëgjoni këngën me titull "Ëndrra fluturon" të krijuar nga Zhu Lianzhang dhe Meng Qingyun dhe të kënduar nga Tang Can dhe Cai Guoqing.  dëgjoni

Të dashur dëgjues, dëgjuat disa këngë të zgjedhura nga Mbrëmja e 3-të e dhënies së çmimeve për fituesit e aktivitetit të përzgjedhjes së këngëve për Lojërat Olimpike 2008. Mirudëgjofshim! (U Sen)