Të dashur dëgjues, ju përshëndes përsëri në rubrikën "Muzika Pop". Në programin e sotëm do t'ju paraqit disa këngë të reja dhe të vjetra.

Në fillim të këtij viti, në qarqet muzikore të krahinave të brendshme të Kinës u shfaq një grup muzikor i quajtur "Jian Mili". Ai nxori një album të stilit të muzikës elektronike me titull "Jeta private". Grupi muzikor "Jian Mili" përbëhet nga Su Na, një vajzë kineze dhe Xiao Wen, një djalë francez, dhe është grupi i parë shumëkombësh në krahinat e brendshme të Kinës.  dëgjoni

Në vitin 2005, grupi muzikor "Jian Mili" nxori në Francë disa këngë, duke përfshirë edhe këngët "Jeta private", "Sealed beast" dhe "The Final Countdown". Për shkak se këto këngë të publikuara në Francë, u pritën shumë mirë atje, kompania "Zhu Shu" e publikoi albumin e "Jian Mili-s" në Francë. Do të dëgjoni tani këngën me titull "Jeta private".

Na Ying është një këngëtare e famshme në krahinat e brendshme të Kinës. Ajo është mirëpritur shumë nga dëgjuesit, për shkak të zërit kumbues dhe të stilit të veçantë. Në vitin 1998, Na Ying nxori albumin e tretë me titull "Pushtimi". Në këtë album ka kryesisht këngë dashurie. Këngët "Zgjohem", "Pushtimi", "Vetëm me të dashuria do të jetë e përsosur" na tregojnë ndjenjat e femrës dhe ndjeshmërinë e saj. Kështu që janë pëlqyer nga publiku femëror. Do të dëgjoni tani "Zgjohem".  dëgjoni

Në këtë këngë, mund të dëgjoni zërin e Uang Fei-t, këngëtare e famshme hongkongase. Zëri i Na Ying-ut është pak i ulët, ndërsa zëri i Uang Fei-s ngjan si mjegull dhe re në qiell. Bashkëpunimi midis tyre konsiderohet shumë klasik. 

Vitet e fundit, në qarqet muzikore të krahinave të brendshme të Kinës, kanë dalë shumë këngëtare të stilit krijues. Yue Xia, e cila është 19 vjeçare, është një nga ato. Në prill të këtij viti, ajo nxori albumin e parë me titull "Të dashuroj më shumë se veten". Në këtë album, Yue Xia mori përsipër të krijojë vetë të gjitha tekstet. Me meloditë e fuqishme dhe zërin e kontrolluar të Yue Xia-s, këto këngë na shfaqen si piktura muzikore tërheqëse. Forca e këndimit të saj është më e madhe se ajo e të rinjve të tjerë. Do të dëgjoni tani këngën me titull "Të dashuroj më shumë se veten".  dëgjoni

Melodia e kësaj kënge është kompozuar nga muzikanti japonez Nishiyama Masharu. Ai ka krijuar një sfond të muzikës simfonike për këtë këngë. Melodia e saj na tregon dashurinë e vazhdueshme. Në këtë këngë thuhet "Ju kujtoj me një qiell të tillë. Qielli është plot me re dhe yje. Çdo yll thotë "Të dua". Në botën time, ti je i vetmi për mua..."  dëgjoni

Në qarqet e sotme muzikore, edhe disa këngëtarë të moshuar shfaqen si këngëtarë të rinj. Jiang Mu, 43 vjeçar, u diplomua në konservatorin e Shen Yang-ut. Kohët e fundit, Jiang Mu nxori albumin e parë me titull "I sëmuri i muzikës". Për miqtë e Jiang Mu-së, ai është një "i sëmurë" i çmendur për muzikë.

Do të dëgjoni tani këngën me titull "Të kam humbur". Në këtë këngë thuhet "Nëse më në fund jam i pasuksesshëm, nuk të fajësoj. Ka mundësi që Zoti e ka vendosur këtë përfundim dhe ka përcaktuar datën. Të kam dashuruar dhe do të të kujtoj gjithë jetën time."  dëgjoni

Në 10 vjetët e kaluar, Zheng Jun-i nxori një këngë me titull "Jam kthyer në Lhasë". Kjo këngë ka prekur zemrat e shumë njerëzve. Në fund të programit të sotëm, do të dëgjoni këngën me titull "Jam kthyer në Lhasë". Programi mbaroi, mirudëgjofshim!