dëgjoni

Vera e këtij viti në Pekin nuk është aq e nxehtë sa vitet e kaluara, ndërsa në libraritë e ndryshme të Pekinit ka marrë hov zhvillimi i aktiviteteve të ndryshme, si cikle leksionesh, shitja e librave me nënshkrimin e autorëve, takime lexuesish etj.

Në nënrubrikën e sotme " Kultura në fokus" do të dëgjoni reportazhin me titull : " Gjatë pushimeve të verës në libraritë e mëdha të Pekinit zhvillohen aktivitete të pasura".

Libraria e "Ëanfujinit" është një librari e madhe në qendër të qytetit të Pekinit. Në mënyrë që të rinjtë të kalojnë pushimet e verës duke u kënaqur me leximin e librave dhe të gjejnë me lehtësi librat me temë të ndryshme, kjo librari ka hapur disa pavijone me libra për nxitjen e të rinjve, për popullarizimin e njohurive shkencore dhe të letërsisë. Njëkohësisht libraria ka organizuar edhe leksione tematike, si : leksionin për " Riparimin e veturave moderne", leksionin e " Njohjes njëditore me shqiptimin e gjuhës angleze", leksionin mbi Lojërat Olimpike Humanitare, leksionin me pjesëmarrjen e arsimtarëve të njohur në ndihmë të nxënësve, si dhe takimin e autorit të librit " Shënime mbi tërmetin e madh" me lexuesit etj.

Për të plotësuar kërkesave të lexuesve, në këtë librari shfaqen cdo të premte edhe filma me tema të ndryshme, si filma serialë zbulimi, filma të vjetër artistikë, filma fantastiko shkencorë, filma klasikë etj.

Pjesa që po dëgjoni është nga filmi " Nga pamja e jashtme duket bukur", i shfaqur në librarinë "Wanfujin" falas për shikuesit. Ky është një film që përshkruan botën e fëmijëve duke u nisur nga këndvështrimi i tyre, film i cili u pëlqen jo vetëm fëmijëve, por edhe të rriturve. Vitin e kaluar, ky film është vlerësuar lart në festivalet ndërkombëtare kinematografike si të Berlinit dhe të Venecies etj. Shfaqja e këtij filmi në librari ka tërhequr shumë lexues dhe shikues.

Sivjet është 30-vjetori i luftës për zhdukjen e pasojave të tërmetit të madh të Tanshanit. Shumë shtëpi botuese kanë botuar libra me temën e tërmetit. Ndër ta, libri "Shënime mbi tërmetin" ka tërhequr vëmendjen e lexuesve. Një nga autorët e këtij libri është edhe shkrimtari i njohur Su Shuyang. Gjatë takimit të organizuar nga libraria "Wangfujin" me lexuesit, historia e treguar nga Su Shu Yang tërhoqi shumë lexues.

"Tërmeti i fuqishëm i rënë më 28 korrik të vitit l976 në Tanshan ishte një ngjarje me rëndësi të madhe në historinë moderne të Kinës. Ky tërmet ka ndryshuar fatet e shumë njerëzve, prandaj shkrimi i këtij libri ka një rëndësi të madhe. Jam i bindur se ky libër është një mësim për njerëzit që nuk janë prekur nga tërmeti i Tanshanit, ndërsa për ata që janë prekur nga ky tërmet ose kanë marrë pjesë në luftën për zhdukjen e pasojave të tij, ky libër është përshkrimi i ngjarjeve dhe kujtimeve të paharrueshme.

Takime të tilla midis shkrimtarëve dhe lexuesve si dhe leksione të ndryshme janë organizuar në shumë librari. Pallati i librit në Sidan është një librari tjetër e madhe në qendër të qytetit të Pekinit. Në këtë librari, përveç organizimit të leksioneve të ndryshme rreth letërsisë, historisë, gjeografisë, anglishtes dhe mbrojtjes urgjente nga fatkeqësitë etj, janë zhvilluar posaçërisht edhe " Leksione mbi Lojërat Olimpike", ku ishin ftuar profesorë, gazetarë, sportistë dhe personalitete të njohura për paraqitjen e teorive mbi Lojërat e gjelbëra Olimpike, Lojërat tekniko-shkencore Olimpike, idenë e Lojërave humanitare Olimpike, si dhe për popullarizimin e njohurive mbi Lojërat Olimpike për të çuar më përpara frymën e tyre.

Me afrimin e Lojërave Olimpike të vitit 2008, entuziazmi i qytetarëve për përvehtësimin e gjuhës angleze po bëhet gjithnjë e më i madh. Në shumë librari organizohen leksione publike për mësimdhënien e gjuhës angleze. Incizimi që porsa dëgjuat është marrë nga një leksion i gjuhës angleze i organizuar po në Pallatin e madh të librit të Sidanit. Mësuesi Wang, i ftuar nga kjo librari, ka dëshirë të japë mësim në leksione të tilla. Ai tha :"Për të pritur Lojërat Olimpike, popullarizimi i njohurive bazë të gjuhës angleze me anën e leksioneve është një formë e mirë dhe kjo do t'i ndihmojë qytetarët pekinas në përvetësimin e gjuhës angleze."

Vitet e fundit, libraritë e Pekinit po kthehen nga vendshitje të librave në vende të shkëmbimeve kulturore. Kështu libraria e re e hapur pak kohë më parë me emrin " Poli i tretë i Pekinit", vlerësohet si libraria më e madhe e librave në gjuhnë kineze, ku gjen të gjitha llojet e librave dhe produkteve audiovizuale. Në katet e ndryshme të librarisë janë vendosur libra me temë të përgjithshme si të modës, humanitare, tekniko-shkencore dhe mbi jetën. Në çdo kat janë vendosur edhe pavijone me tema më të vogla. Edhe veçoritë e librarive karakteristike, si libraria e Shangait, libraria tibetiane, libraria e Honkongut dhe Tajvanit etj, janë ekspozuar në këtë librari. Në këtë librari u ofrohen lexuesve edhe shërbime të tjera, si stola të vegjël, letër dhe lapsa, madje ka edhe dhomë për fëmijët dhe karroca foshnjash etj. Brenda e jashtë librarie ka edhe horizonte të hapura publike artistike për organizimin e shpeshtë të ekspozitave artistike.

Nëpërmjet atmosferës së theksuar kulturore dhe të shërbimeve humanitare, libraria ka vendosur një urë lidhëse midis lexuesve dhe autorëve. Përveç blerjes së librave, lexuesit kënaqen edhe me shërbime të ndryshme, e si rezultat, edhe shitja e librave në këtë librari po shtohet gjithnjë e më shumë.

Studenti Zhang që ka ardhur për të blerë libra, është shumë i kënaqur me këtë librari si vend i shkëmbimeve kulturore sepse libraria është bërë më e afërt për lexuesit, si dhe një vend i përhapjes së njohurive. Ai tha :"Këtu gjen të gjitha llojet e librashve. Unë kam blerë disa libra për të shtuar njohuritë gjatë pushimeve të verës."

Në të kaluarën, shumë lexues ashtu si z. Zhang, kanë blerë libra për t'i lexuar në shtëpi. Kurse këtë verë, librari të ndryshme duket sikur kanë dëshirë t'i mbajnë lexuesit në librari dhe t'u paraqitin atyre më shumë libra të rinj dhe t' u ofrojnë atyre më shumë shërbime kulturore. 

Tani gjithnjë e më shumë lexues shkojnë në librari jo vetëm për të blerë e libra, por edhe për të marrë pjesë në leksionet e specialistëve dhe për t'u takuar me autorët e librave, që të shkëmbejnë me ta mendime lidhur me librat e tyre. Mënyra të tilla të administrimit të librarive po përhapen në gjithnjë e më shumë librari, e po ashtu edhe koncepti i lexuesve për të shëtitur në librari ka ndryshuar gradualisht. (Zhai)