dëgjoni

Gazeta kineze "Renminribao" njoftoi se siç bëhet e ditur nga mbledhja e punës së mbrojtjes së trashëgimive kulturore jomateriale të mbarë vendit, Kina ka krijuar gradualisht sistemin e regjistrimit të trashëgimive kulturore jomateriale.

Në maj të këtij viti, u publikua lista e parë e trashëgimive shtetërore kulturore jomateriale duke nxitur krijimin e sistemit të regjistrimit të këtyre trashëgimive. Deri tani shumë provinca, rajone autonome dhe qytete kineze kanë krijuar listën e vet të trashëgimive kulturore jomateriale.

Do të zhvillohet në malin Utai të Kinës festivali i kulturës budiste

Korrespondenti i Radios së Jashtme të Kinës njoftoi se më 27 gusht, do të zhvillohet në malin Utai të Kinës Festivali i 3-të Ndërkombëtar i Kulturës Budiste.

Siç bëhet e ditur nga konferenca e shtypit e zhvilluar më 3 gusht në Pekin, ky festival do të zgjasë 1 muaj. Festivali do të paraqitë kryesisht kulturën dhe artin e shkëlqyeshëm budist dhe do të nxitë shkëmbimet e bashkëpunimin ndërkombëtar të kulturës dhe artit budist.

Mali Utai ndodhet në provincën Shanxi të Kinës veriore dhe është një mal i famshëm budist në Kinë dhe vend i famshëm i veprimtarisë budiste në botë.

Do të zhvillohet Festivali i 8-të i Filmit i Changchunit

Agjencia kineze e lajmeve Zhongxin njoftoi se më 23 gusht do të hapet Festivali i 8-të i Filmit i Changchunit të Kinës. Në këtë festival do të marrin pjesë në konkurrim 187 filma, ndër të cilët 92 filma të pjesës kontinentale të Kinës, të Hongkongut, Makaos dhe Tajvanit. Festivali do të zgjasë 3 ditë.

Tema kryesore e festivalit është "Filmat në gjuhën kineze të mbarë botës". Gjatë festivalit do të zhvillohen edhe java e filmit rus, shfaqja e filmave francezë, shfaqja e filmave me temë nga fshati, propaganda e kulturës kinematografike në shkollë etj.

Festivali i Filmit i Changchunit u krijua në vitin 1992 dhe zhvillohet një herë në çdo dy vjet. Ky është një festival kombëtar.

Pallati i Dimrit mbledh fotografi historike në mbarë botën

Gazeta kineze "Beijingyulexinbao" njoftoi se në tetor të këtij viti, do të zhvillohet ekspozita e fotografive me rastin e 80-vjetorit të krijimit të muzeumit të Pallatit të Dimrit. Duke filluar nga 30 gushti, komisioni organizator i ekspozitës do të mbledhë në mbarë botën fotografi historike të Pallatit të Dimrit.

Pallati i Dimrit ka qenë pallati perandorak i dinastisë Ming dhe i dinastisë Qing. Ky pallat filloi të ndërtohej në vitin 1406 dhe u përurua pas 14 vjetëve. Gjithsej 24 perandorë kanë banuar në këtë pallat. (Fani)