dëgjoni

Krijimi i kushteve sa më të rehatshme në shtëpi është bërë sot prirja e gjithnjë e më shumë kinezëve, por krijimi i këtyre kushteve nuk arrihet vetëm me zbukurimin e dhomave. Është një gjë e mirë që, tani në Kinë, një lloj administratori i ri elektronik i shtëpisë e bën jetesën e popullit edhe më të rehatshme dhe më të lehtë.

Zoti Vang Yao, që punon në një kompani pasurisht të paluajtshme si punonjës i shitjes së apartamenteve, është shumë i zënë me punë, prandaj e ka ëndërruar prej kohësh që, me t'u kthyer në shtëpi, ta gjente darkën të gatuar dhe ujin e banjës të gatshëm. Ai ka ëndërruar gjithashtu që, para se të dilte nga puna, ta hapte që në zyrë kondicionerin e ajrit të shtëpisë, duke përdorur një telekomandues.

"Meqenëse bën shumë vapë në verë, një kondicioner ajri i shtëpisë është i domosdoshëm për ne. Por nuk mund ta lëmë atë të hapur 24 orë, sepse ashtu do të harxhonim shumë energji elektrike dhe do të paguanim shumë. Prandaj kam ëndërruar më parë që, para se të dilja nga puna, të hapja kondicionerin, duke e telekomanduar atë me celular, me qëllim që të ndieja freskinë me të hyrë në shtëpi."

Tani, një dëshirë e tillë nuk është më një ëndërr. Zoti Vang mund ta gjejë gjithçka të gatshme kur kthehet në shtëpi, mjafton që të njoftojë me telefon "administratorin elektronik" të shtëpisë së tij dhe t'ia japë urdhrin përkatës.

Ky lloj administratori elektronik i shtëpisë është në fakt një sistem i rrjetit elektroshtëpiak, i cili mund të lidhë kompjuterin privat të të zotit të shtëpisë me të gjitha aparatet e tij elektroshtëpiake. Kur ky sistem i rrjetit elektroshtëpiak është i lidhur me internetin, çdokush mund të telekomandojë aparatet e tij elektroshtëpiake me anën e një celulari, në të cilin janë instaluar programet përkatëse.

Ky administrator elektronik i shtëpisë jo vetëm ka funksione telekomandimi, por edhe ka një nyjë qendrore trajtuese në sistemin e tij, e cila mund të kontrollojë të gjitha aparatet elektroshtëpiake, siç janë aparatet e ndriçimit, aparatet e kuzhinës, magnetofoni dhe videofoni. I zoti i shtëpisë mund të telekomandojë të gjitha aparatet e tij elektroshtëpiake me anën e kësaj nyje qendrore trajtuese, në vend të përdorimit të telekomanduesve të aparateve të ndryshme. Zoti Qiu Fengxiang, që merret me instalimin e këtyre pajisjeve, foli për lehtësitë që sjell administratori elektronik i shtëpisë.

"Përdorimi i kinemasë elektroshtëpiake ka qenë një punë plot me telashe, sepse kemi për të hapur në radhë të parë televizorin dhe aparatin DVD dhe pastaj të rregullojmë edhe ndriçimin, domethënë, kemi për të përdorur disa telekomandues të ndryshëm. Kurse, po të kemi një administrator elektronik të shtëpisë, ai do t'i rregullojë të gjitha."

Zoti Qiu Fengxiang tha se tani në Kinë ekzistojnë dy lloje administratorësh elektronikë të shtëpisë: lloji me kabllo dhe lloji pa kabllo. Për të instaluar një administrator elektronik me kabllo, duhet të shtrijmë një linjë komanduese. Për një shtëpi me dhoma të zbukuruara mirë, puna për të shtrirë një linjë të tillë është plot me talashe dhe me kosto të lartë, sepse kemi për të hequr kabllot e instaluara tashmë. Kurse administratori elektronik pa kabllo është një lloj pajijesje që jep sinjale të radio-frekuencës për të transmetuar komandat me anën e një telekomanduesi. Në qoftë se aparatet tuaja elektroshtëpiake mund të marrin sinjalet infra te kuqe, ato mund të komandohen nëpërmjet një ndërcelësi sinjalesh.

"Televizorët nuk marrin sinjalet e radio-frenkuencës, por mund të marrin sinjalet infra të kuqe. Ne mund t'i shndërrojmë sinjalet e radio-frekuencës në sinjale infra të kuqe nëpërmjet qendrës komanduese infra të kuqe. Në këtë mënyrë, mund të telekomandoni katin e sipërm duke ndenjur në katin e poshtëm dhe të telekomandoni të gjitha dhomat duke ndenjur në sallë."

Administratori elektronik i shtëpisë jo vetëm e bën jetesën më të rehatshme dhe më të lehtë, por edhe mund të rritë koeficientin e sigurimit të banesave. Drejtori i shitjes pranë kompanisë së aparateve elektroshtëpiake "Yijia të Pekinit, zoti Shi Song tha se produktet e kompanisë së tij kanë funksione të sigurimit kundër hajdutëve që futen në shtëpi për të vjedhur.

"Produktet tona kanë funksionet e 'sigurimit të shtëpisë me taktikë'. Nëse i zoti i shtëpisë do të shkojë në krahina të tjera, televizori dhe dritaret e shtëpisë së tij mund të lihen të hapura dhe të mbyllura në kohë të caktuar, me qëllim që të gjithë të pandehin se ka njerëz në këtë shtëpi. Produktet tona kanë edhe pjesët frikësuese, që fillojnë të vezullojnë dhe të hapin të gjitha aparatet elektroshtëpiake, sapo të hyjnë hajdutët."

Konsumatorët shqetësohen se mos këto pajisje janë të shtrenjta. Por banorët mund të blejnë një kompleks pajisjesh të tilla vetëm me 5000 juanë. (Zheng)