dëgjoni

Kohët e fundit, Drejtoria Shtetërore e Pylltarisë e Kinës publikoi progresin më të ri të punës eksperimentale të reformës së sistemit mbi të drejtat e administrimit pyjor të Kinës. Një funksionar i Drejtorisë Shtetërore të Pylltarisë tha se reforma e sistemit mbi të drejtat e administrimit pyjor e ka zgjeruar sistemin mbi të drejtat e administrimit të tokave të punueshme në kontrata të përgjegjësisë familjare që zbatohet në fshatrat e Kinës në tokat pyjore, gjë që do të luajë një rol pozitiv të nxitjes për ngritjen e forcave prodhuese të tokave pyjore dhe për shtimin e të ardhurave të personave që kanë nënshkruar këto kontrata të përgjegjësisë familjare, duke marrë nën administrimin e tyre tokat pyjore.

Puna eksperimentale e reformës së sistemit mbi të drejtat e administrimit pyjor të Kinës filloi në dhjetëditësh-in e dytë të muajit të kaluar. Qyteti Yichun i provincës Heilongjiang të Kinës verilindore është zonë e përcaktuar si zona eksperimentale e kësaj reforme. Duke folur për gjendjen e punës eksperimentale të reformës, kryetari i bashkisë së këtij qyteti, z. Xu Zhaojun tha:

"Në punën eksperimentale të reformës së sistemit mbi të drejtat e administrimit të pyjeve shtetërore që zbatohet në Yichun, kushti paraprak është mosndryshim i karakterit shtetëror për tokat pyjore. Të drejtat e pronës së pyjeve dhe të drurëve në tokat pyjore, dhe të administrimit të tokave pyjore u jepen individëve sipas kontratave të nënshkruara. Gjatë 50 vjetëve të ardhshëm, kjo politikë nuk do të ndryshojë".

Sipas të dhënave statistikore, tani, në qytetin Yichun ka mbi 3 mijë familje që merren me ekonominë pyjore, kanë nënshkruar kontrata të përgjegjësisë familjare me sektorët kryesorë të pylltarisë, duke marrë në administrim më se 31 mijë hektarë pyje.

Yichuni ka qenë një zonë me burime relativisht të pasura të pyjeve. Për shkak të administrimit të dobët u shkaktua pakësimi i shpejtë të pyjeve dhe drurëve, duke ndikuar rëndë punën dhe jetën e punonjësve vendorë të ndërmarrjeve pyjore shtetërore. Këtë herë, Yichuni si një zonë eksperimentale e reformës së sistemit mbi të drejtat e administrimit pyjor të Kinës, ka nënshkruar kontrata të përgjegjësisë me punonjësit e ndërmarrjeve pyjore në administrimin autonom. Kjo masë ka qëllim për përmirësimin e administrimit të tokave pyjore vendore dhe për prmirësimin e jetesë së këtyre punonjësve.

Zoti Ren Guoqiang është një punonjës i një ndërmarrjeje shtetërore pyjore të qytetit Yichun. Ai ka nënshkruar kontrata të përgjegjësisë personale, duke marrë në administrim 10 hektarë pyje. Afati i kontratës është 50 vjet. Zoti Ren shprehu shpresën e plotë për këtë gjë.

"Në vjeshtë, unë do të gërmoj në radhë të parë tokat. Në pranverën e vitit të ardhshëm, do të mbjell kryesisht disa fidanë pishe. Pas mbi 10 vjetëve, këto fidanë do të bëhen drurë, ne mund të fitojmë efektivitet ekonomik".

Drejtori i degës për punët e fshatit pranë Këshillit të Shtetit të Kinës, z. Huang Shouhong tha se reforma e sistemit mbi të drejtat e administrimit pyjor që po zbatohet në Kinë do të luajë një rol shumë të mirë nxitës për reformën e tokave me tokat e punueshme si kryesore. Në një forum të reformës së sistemit mbi të drejtat e administrimit pyjor të organizuar pak kohë më parë, drejtori i Drejtorisë Shtetërore të Pylltarisë, z. Jia Zhibang tha se kjo reformë është vazhdimi dhe përmirësimi i sistemit mbi të drejtat e administrimit të tokave të punueshme në kontrata të përgjegjësisë familjare të fshatit të Kinës.

"Në fakt, reforma e pylltarisë është zgjeruar në tokat pyjore nga tokat e punueshme. Nën kushte paraprake të mosndryshimit të pronës kolektive të tokave pyjore, do të garantohen sipas ligjit të drejtat e përdorimit, të administrimit etj.të fshatarëve".

Drejtori i degës së administrimit të burimeve pyjore pranë Drejtorisë Shtetërore të Pylltarisë të Kinës, z. Xiao Xingwei tha se nëpërmjet punës eksperimentale të reformës së sistemit mbi të drejtat e administrimit pyjor, ne duhet të nxitim ndryshimin e sistemit të administrimit të burimeve pyjore për të realizuar zhvillimin e vazhdueshëm të burimeve pyjore. Siç mësohet, deri tani, reforma e sistemit mbi të drejtat e administrimit pyjor që zbaton Kina në Yichun, ka ecur mbarë. Kohët e fundit, Kina do të organizojë simpoziume dhe shkëmbime për këtë reformë dhe do ta popullarizojë këtë reformë në mbarë vendin. (Sihai)