dëgjoni

Ju flet Radio e Jashtme e Kinës. Të dashur dëgjues, unë jam Pina, po takohemi përsëri në programin e sotëm muzikor. Në këtë program do t'ju paraqit disa melodi nga albumi i interpretuesit të njohur mongol të veglës muzikore popullore matouqin, me titull "Kuajt e kthyer".

Melodia që po dëgjoni titullohet "Malet shkëmbore" dhe është përpunuar në bazë të një kënge mongole me të njëjtin titull. Në këngë thuhet: "Në vargmalet shkëmbore dhe shkretëtirën e argjendtë ndodhet vendlindja e nënës sime, më merr shumë malli për atë vend të bukur." Melodia e përpunuar shpreh me ndjenja të thella mallin e pakufishëm të një biri që ndodhet larg të afërmve për vendlindjen dhe për nënën.

Të dashur dëgjues, sapo dëgjuat melodinë e interpretuar në matouqin nga He Xige me titull "Malet shkëmbore".

Matouqini është një vegël muzikore me tela që pëlqehet shumë nga banorët mongolë në veri të Kinës. Në krye të saj është e gdhendur një kokë kali. Tingujt e matouqinit janë melankolikë dhe të brishtë Qysh nga dita e lindjes së saj, kjo vegël muzikore me forcë të pasur shprehëse dhe prekëse është përhapur gjerësisht në gjirin e banorëve mongolë dhe është bërë miku i tyre i pamungueshëm në jetën kulturore. Interpretuesi i ri He Xige e konsideron matouqinin si mikun e tij të ngushtë dhe shpreh me të për ditë ndjenjat e veta.

He Xige ka lindur në vitin 1976 në stepën Korçin të Mongolisë së Brendshme në veriperëndim të Kinës. Në moshën 12 vjeçare, tingujt e veglës muzikore tradicionale mongole me tela sihu e prekën në zemër He Xige-në e vogël, i cili i tha të atatit se dëshironte të mësonte sihu. E ëma porositi me 10 juanë një sihu për të te një zdrukthtar i fshatit. Qysh atëherë ai filloi t'i binte sihu-së duke mësuar nga një artist popullor. Në moshën 16 vjeçare He Xige mësoi vetë t'i bjerë matouqinit, e më vonë ai mësoi me zell nga mjeshtri i njohur mongol i matouqinit Bayila. Sot mjeshtëria e interpretimit dhe stili i veçantë i He Xige-ut janë mirëpritur shumë nga spektatorët.

Të dashur dëgjues, sapo dëgjuat melodinë e interpretuar në matouqin me titull: "Mëzi i kuq ".

Albumi me titull "Kuajt e kthyer" është albumi i parë me melodi të interpretuara nga He Xige në matouqin, në të cilin përfshihen 8 melodi të përpunuara në bazë të këngëve mongole, si "Malet shkëmbore", "Mëzi i kuq" etj., dhe 4 melodi të tjera si "Kam ardhur nga stepa", "Stepa e bukur, shtëpia ime" etj. Këto melodi të bukura të interpretuara në mënyrë pak melankolike në matouqin kanë një shije tjetër.

Të dashur dëgjues, melodia që po dëgjoni është melodia kryesore e albumit me të njëjtin titull "Kuajt e kthyer". Ky album ka ruajtur karakteristikat e muzikës së kombësisë mongole, e në të njëjtën kohë ka përdorur edhe shumë elemente muzikore tradicionale dhe popullore. Në këtë album instrumenti kryesor matouqin shoqërohet edhe nga veglat muzikore popullore guzheng, fyell etj. të kombësisë hane, dhe kitara, basi etj. Përdorimi i këtyre elementeve muzikore i ka shtuar këtij albumi shije të modës. Të gjitha meloditë e albumit janë interpretuar në mënyrë elegante, të përzemërt, modeste dhe të rrjedhshme. Tani do të shijojmë së bashku një nga këto melodi, me titull: "Stepa e bukur, shtëpia ime".

Kjo melodi është përpunuar në bazë të këngës me të njëjtin titull, të krijuar nga kompozitori mongol Alatenvula. Kjo melodi që interpretohet në matouqin, duke u shoqëruar me veglat muzikore popullore kineze guzhen, xiao dhe fyell, piano etj., përshkruan hollësisht kullotën e gjelbër, lopët dhe dhentë e bardhë si dëborë dhe stepën e bukur, duke shprehur dashurinë e banorëve mongolë për stepën dhe vendlindjen.

Ju flet Radio e Jashtme e Kinës. Të dashur dëgjues, dëgjuat disa melodi nga albumi i interpretuesit të ri mongol He Xige në matouqin me titull "Kuajt e kthyer". Mirudëgjofshim të shtunën tjetër, në mikrofon për ju Pina.