dëgjoni

Për të inkurajuar dhe për të ndihmuar zhvillimin e produkteve që kursejnë energjinë, si dhe për të popullarizuar teknologjinë dhe produktet që kursejnë energjinë, në dhjetëditorin e dytë të këtij muaji u organizua në Pekin një ekspozitë e kursimit të energjisë dhe e mbrojtjes së mjedisit. Kjo ekspozitë ka tërhequr pjesëmarrjen e ndërmarrjeve të shumta. Në këtë ekspozitë janë paraqitur produktet dhe teknologjitë e ndryshme të mbrojtjes së mjedisit dhe të kursimit të energjisë elektrike, të ujit, të vajit etj. Drejtori i Qendrës së kursimit të energjisë dhe të mbrojtjes së mjedisit, z. Chen Huaiwei tha: "Mbi 170 ndërmarrje morën pjesë në këtë ekspozitë, duke paraqitur shumë teknologji dhe produkte të reja të kursimit të energjisë, të mbrojtjes së mjedisit dhe të kursimit të ujit. Duhet të thuhet se kjo ekspozitë ishte shumë e pasur, duke fituar

përkrahjen e gjerë të qarqeve të ndryshme të shoqërisë".

Zhvillimi i energjive të pastra që mbrojnë mjedisin, si energjia e erës, energjia diellore etj, është një nga detyrat kryesore strategjike të energjetikës së re të Kinës. Në këtë ekspozitë, tërhoqi vëmendjen një stacion i prodhimit të energjisë bimore i prodhuar nga Shoqëria me përgjegjësi të kufizuar tekniko-shkencore e energjisë bimore "Shengcang". Drejtori i përgjithshëm i kësaj shoqërie, z. Fu Youhong, tha se stacioni i prodhimit të energjisë bimore bën shfrytëzimin e plehrave të bujqësisë dhe pylltarisë, si koçanët e misrit, kashta e grurit dhe e kulturave të tjera bujqësore dhe trungjet e drurëve, për t'i përpunuar këto në kokrra bimore djegëse. Kjo teknologji jo vetëm shfrytëzon plehrat e ndryshme, por edhe pakëson ndotjen. Kjo energji e pastër që mbron mjedisin, ka tërhequr vëmendjen e madhe të shumë ndërmarrjeve. Fu Youhong tha: "Në këtë ekspozitë, 8 ndërmarrje na kërkuan neve të transformojmë ngrohtoret e tyre për të përdorur energjinë e re. Ne dërguam disa inxhinierë në këto ndërmarrje që të grumbullojnë të dhëna për t'u hartuar atyre projektin e përdorimit të energjisë së re. Ne po përpiqemi që brenda 2 muajve të ardhshëm, 4 ose 5 ndërmarrje të përdorin energjinë e gjelbër".

Industria dhe industria e ndërtimit janë sektorët kryesorë të konsumit të energjisë në Kinë. Tani, ato zënë mbi 90% të konsumit të përgjithshëm të energjisë së shoqërisë. Kursimi i energjisë është një detyrë kryesore në këta sektorë. Në këtë ekspozitë, vëmendjen e njerëzve e tërhoqi një pajisje komplekse e kursimit të energjisë elektrike, e cila është prodhuar nga grupi "Kangneng". Duke folur për rolin e kësaj pajisjeje komplekse, drejtori i përgjithshëm i këtij grupi, z. Li Zhihong, tha se kjo pajisje komplekse jo vetëm mund të mbrojë pajisjet e energjisë elektrike, por edhe mund të zgjatë kohën e përdorimit të këtyre pajisjeve. Efektiviteti i kursimit të energjisë elektrike është shumë i dukshëm.

"Tani, kjo pajisje, për nga efektiviteti i kursimit të energjisë elektrike, zë një vend të përparuar në botë, duke u përdorur në ndërmarrjet e mëdha të Kinës".

Zoti Li Zihong tha, gjithashtu, se pas një viti kërkesa e tregut për këtë pajisje është shumë e madhe. Grupi "Kangneng" nënshkroi kontrata me shumë ndërmarrje të mëdha në këtë ekspozitë. Sektorët e ndërtimit të infrastrukturës publike të qytetit Chongqing dhe të qyteteve të tjera dëshirojnë ta blejnë këtë pajisje të kursimit të energjisë për të transformuar sistemin e ndriçimit në autostrada dhe në qytete. Drejtori i përgjithshëm Li shprehu kënaqësi për perspektivën e shitjes së pajisjes së kursimit të energjisë elektrike në treg. Ai tha se deri në vitin 2010, të ardhurat nga shitja e kësaj pajisjeje në treg do të arrijnë në 30 miliardë juanë.

Në Kinë ka mungesë të madhe të burimeve ujore, sidomos në krahinat veriore. Prandaj, produktet dhe teknologjitë e kursimit të ujit kanë tërhequr vëmendjen e përgjithshme të gjithë pjesëmarrësve.

Në këtë ekspozitë, një shoqëri me përgjegjësi të kufizuar e pajisjeve të kuzhinës paraqiti makinën larëse të zarzavateve të prodhuar dhe të shfrytëzuar nga ajo. Një drejtues i kësaj shoqërie i tha gazetarit se efektiviteti i kursimit të ujit nga makina larëse e zarzavateve është shumë i mirë. Disa hotele të Pekinit, sektorë qeveritarë dhe ndërmarrje të mëdha e kanë blerë këtë makinë.

Si rezultat, këtë vit kjo shoqëri ka prodhuar makinën larëse shtëpiake të zarzavateve, e cila ka tërhequr interesin e madh të konsumatorëve. Zoti Li Fuli tha: "Unë dëshiroj të blej një makinë larëse shtëpiake të zarzavateve. Efektiviteti i sterilizimit i saj është shumë i mirë, përveç kësaj, kjo makinë ka aftësinë e kursimit të ujit dhe të energjisë elektrike".

Gjatë disa ditëve të ekspozitës, shumë hotele nënshkruan kontrata për të blerë makinën larëse të zarzavateve. Disa zona banimi të nivelit të lartë i kërkuan kësaj shoqërie të organizojë ekspozita në këto zona, në mënyrë që banorët të njohin plotësisht se sa ujë kursen ky produkt. Në forcimin e konceptit të kursimit të ujit, kërkesa e tregut për makinën larëse shtëpiake të zarzavateve do të jetë e madhe.

Teknologjia e trajtimit të plehrave në anën e përzierjes me dhe e eksportuar nga një shoqëri tekniko-shkencore e mbrojtjes së mjedisit, përputhet me objektivin e administratës së qytetit të Pekinit për organizimin e Lojërave të gjelbra Olimpike dhe për realizimin e bërjes së 96% të plehrave të padëmshme. Drejtorja e zyrës së kësaj shoqërie, zj. Cao Yang, tha se kjo teknologji e trajtimit të plehrave ka tërhequr interesin e sektorëve të administratës së qytetit të Pekinit.

Për të përkrahur zhvillimin e ndërmarrjeve të kursimit të energjisë, do të popullarizohet më tej aplikimi i teknologjive dhe produkteve të mbrojtjes së mjedisit dhe të kursimit të energjisë. (Sihai)