dëgjoni

Kanë kaluar 5 vjet nga shpallja e Pekinit të Kinës si qytet organizator i Lojërave Olimpike të vitit 2008 nga Komiteti Olimpik Ndërkombëtar. Zhvillimi i punëve përgatitore për Lojërat Olimpike kanë qënë gjithmonë në fokusin e vëmendjes në arenën ndërkombëtare. Ditët e fundit në një intervistë me mediat kryesore të Kinës, kryetari i Komitetit Organizativ të Lojërave Olimpike të Pekinit Liu Qi tha se gjatë 5 vjetëve të kaluara, të gjitha punët përgatitore për Lojërat Olimpike të Pekinit kanë ecuar mbarë dhe janë realizuar në etapa objektivat e parapërcaktuara duke hedhur një bazë të sigurtë për organizimin e Lojërave Olimike të vitit 2008 me karakteristika të veçanta dhe me nivel të lartë.

Do të dëgjoni shënimin me titull : "Përgatitjet 5 vjeçare për Lojërat Olimpike të vitit 2008 kanë ecuar mbarë"

Liu Qi tha se qysh nga l1 korriku i vitit 2001, dita e dhënies se të drejtës për organizimin e Lojërave të 20-ta Olimpike Pekinit, qyteti Pekin ka nisur punët përgatitore për Lojërat Olimpike të vitit 2008. Nga fundi i vitit 2003, filluan radhazi ndërtimet e pallateve sportive dhe stadiumeve të Lojërave Olimpike dhe projektet e planit po shndërohen në realitet. Janë rregulluar rendi i ditës të 38 llojeve të lojrave sportive dhe 301 programeve të vogla sportive të vendosura nga Lojërat Olimpike të Pekinit. Nga gushti i vitit 2006 deri në pranverë të vitit 2008, do të zhvillohen rreth 40 gara kontrollesh, rezultatet e zhvillimit të tregut të fondeve të mbledhura për Lojërat Olimpike të Pekinit janë me perspektivë optimiste dhe mund të plotësojnë kërkesat për organizimin e Lojërave Olimpike. Më se 30 ndërmarrje kineze dhe të huaja janë bërë partnere në nivele të ndryshme të Lojërave Olimpike të vitit 2008, edhe punët përgatitore për organizimin e Lojërave Olimpike të sportistëve me të meta fizike po zhvillohen njëkohësisht.

Liu Qi tha se nga fitorja e të drejtës organizuese deri në zhvillimin e mbarë të të gjithë punëve përgatitore, një veçori e vecantë në përgatitjet për Lojërat Olimpike të Pekinit ka qënë përkrahja e njëzëshme e qeverisë dhe qarqeve të ndryshme shoqërore të Kinës. Qeveria Qendrore Kineze i ka kushtuar një rëndësi të madhe dhe i ka dhënë një përkrahje të fuqishme politike asaj, gjithashtu dhe masat popullore

"Punët përgatitore të Lojërave Olimpike kanë gjetur përkrahje të gjerë dhe pjesëmarrjen aktive të masave popullore dhe të qarqeve të ndryshme shoqërore. Gjatë konkurrimeve për stemën, maskotin, parrullat tematike dhe këngët e Lojërave Olimpike, ne kemi marrë shumë projekte dhe vepra të dërguara nga miqtë që preokupohen për Lojërat Olimike. Nga këto vepra, ne ndjejmë plotësisht emocione dhe shpresa të miqve të Pekinit dhe të krahinave, kombësive dhe qarqeve të ndryshme të mbarë vendit si dhe të emigrantëve e kinezë përtej detit si dhe miqve të huaj."

Gjatë kohës së organizimit të Lojërave Olimpike, në Pekin do të vijnë rreth 1 milionë e 500 mijë turistë, kështu që del pyetja si do të zgjidhet problemi i trafikut të komunikacionit?

Liu Qi tha se në këtë drejtim, Pekini ka përgatitur projektin e zgjidhjes së këtij problemi."Së pari, do të forcohet ndërtimi i instalimeve bazë të komunikacionit. Së dyti, do të zbatohet kontrolli i përkohshëm i komunikacionit duke vendosur linja speciale për Lojërat Olimpike."

Përveç këtyre, Pekini ka bërë përpjekje të madhe edhe për përmirësimin e mjedisit dhe për realizimin e premtimeve për "Lojërat e gjelbra Olimpike" duke transferuar kombinatin metalurgjik Shoudu që ka kontribut të madh për ekonominë e Pekinit në një zonë tjetër.

Duke përfunduar, Liu Qi tha: "për popullin kinez, Lojërat Olimpike janë një urë e forcimit të miqësisë me popujt e botës dhe i shprehjes së idesë "një botë një endërr". ( Zhai)