dëgjoni

Në rast se ju udhëtoni me autobus në qytetet kineze, ju mund të kujtoni se ky është një automjet i zakonshëm, por ai mund të jetë një automjet elektrik, që quhet "automjeti i së ardhmes". Për arsye të faktorëve të vendburimeve të energjisë dhe të mbrojtjes së mjedisit, ky lloj automjet i ri po i afroheht shpejt jetesës së popullit.

Pak kohë më parë, Kina ngriti edhe një herë çmimin e shitjes së karburantit, gjë që shtoi më tej shpenzimet e konsumatorëve. Njëri prej këtyre konsumatorëve është zoti Zhang Rui i qytetit Shen-yang të Kinës Verilindore.

"Gjatë dy muajve të fundit, çmimi i karburantit u ngrit radhazi. Tani, për të mabjtur një makinë, vetëm shpenzimet për karburantin janë të papërballueshme. Nga ana tjetër, djegia e kaq shumë karburanti është i dëmshëm për mjedisin. Do të ishte mirë të vinte një ditë, kur të mos do të përdorej më karburanti për të ngasur një automjet."

Dëshira e zotit Zhang nuk është e kot si iluzion në mitet arabe. Në fakt automjetet, që nuk konsumojnë karburantin dhe që vihen në lëvizje me motor elektrik, po i afrohen gjithnjë e më shumë jetes së përdorimit në jetën e përditshme të popullit. Kina filloi eksperimentimin dhe prodhimin e automjeteve elektrike qysh në vitet 90 të shekullit të fundit. Sot, disa lloje automjetesh elektrike, të projektuara dhe të prodhuara nga vetë kinezët, kanë dalë nga laboratori i eksperimentimit dhe janë vënë në përdorim. Siç mësohet, këto automjete elektrike ndahen në 3 lloje: lloji i parë përdor bateritë e vetë automjetit për fuqinë lëvizëse; lloji i dytë është automjeti me fuqi lëvizëse të përzier, i cili vihet në lëvizje edhe me djegien e karburantit, edhe me energjji elektrike; lloji i tretë është automjeti që vihet në lëvizje me bateri të lëndëve djegëse, domethënë vihet në lëvizje me energji elektrike të prodhuar me lëndë djegëse të hidrogjenit.

Zonja Han Ke, pedagoge e Universitetit të Shkencës dhe Inxhinierisë të Pekinit, që ka marrë pjesë në këtë punë qysh nga fillimi, tha se automjetet elektrike, të eksperimentuara dhe të prodhuara nga universiteti i saj, janë vënë tashmë në përdorim si autobusë urbanë. Ajo tha:

"Nga pamja e jashtme, ky lloj autobusi duket ashtu si autobusi i zakonshëm që përdoret te ne, por ai është autobus plotësisht me motor elektrik. Bateritë e këtij autobusi janë njësoj si bateritë e celularëve, që i përdorim gjerësisht, dhe mund të ngarkohen drejtpërdrejt me energji elektrike. Me bateritë e tij të ngarkuara çdo herë me energji elektrike, ky lloj autobus mund të ecë 150-300 kilometra rrugë. Ai është vënë në përdorim në linjën numër 121 të autobusit të Pekinit".

Në stacionin e përgjithshëm të autobusit të linjës 121, shkruan korrespondenti ynë, "vumë re dhjetra e ca autobusë elektrikë, që ishin radhitur të rregullt dhe që prisnin nisjen. Shoferët thanë se autobusi elektrik fillon lëvizjen shumë lehtë dhe qetë, nuk ka shumë zhurmë gjatë ecjes dhe, sigurisht, nuk ka erë benzine. Zonja Su Xiumin, që udhëtoi me këtë autobus, tha se ajo ka qejf të udhëtojë me një autobus elektrik dhe jo me autobusin tradicional që përdor karburantin.

"Autobusi elektrik lëshon më pak gaz ndotës, prandaj, po të përdoren sa më shumë autobusë elektrikë në Pekin, ajri i Pekinit me siguri do të jetë shumë më i pastër."

Ashtu si në Pekin, edhe në qytetet Uhan, Tiencin, Veihai etj, banorët mund të udhëtojnë tani me autobusët elektrikë për të shkuar në punë dhe për t'u kthyer në shtëpi pas punës. Këta autobusë punojnë ditën në rrugë dhe lihen natën në park për të ngarkuar bateritë, duke shfrytëzuar energjinë elektrike në kohën kur rrjeti elektrik ka energji të tepëruar. Por ata kanë një të metë: nuk ecin me shpejtësi të madhe.

Atëherë, a mund të gjejmë një lloj autobus që të eci shpejt dhe që nuk mbështetet plotësisht te shfrytëzimi i benzinës? Po, mund të gjejmë një lloj autobus të tillë. Ky është automjeti me fuqi lëvizëse të përzier, i cili ka dy sisteme të motorëve të fuqisë lëvizëse: motor tradicional me djegien e karburantit dhe motor elektrik me bateri akumulatorësh.

Korporata Kineze Dongfeng e prodhimit të automjeteve ka kryer eksperimentimin e automjeteve elektrike me fuqi lëvizëse të përzier dhe ka vënë në prodhimin në seri. Zoti Shi Yong, punonjës i kësaj kompanie, tha se metoda e përdorimit të këtij automjeti me fuqi lëvizëse të përzier është njësoj si metoda e përdorimit të automjeteve me motorë të djegies së karburantit.

"Përsa i përket panelit të matësve, autobusi me fuqi lëvizëse të përzier nuk ka ndonjë dallim me autobusin tradicional. Në kohën e ndërrimit reciprok të sistemeve të fuqisë lëvizëse të djegies së benzinës dhe fuqisë së energjisë elektrike, shoferi nuk ndien ndonjë ndryshim. Ndryshimi i vetëm është se, në këtë lloj autobus, ka një panel sinjalizues, që kontrollon gjendjen e punës së autobusit gjatë procesit të funksionimit. Në këtë mënyrë, shoferi ka më shumë lehtësi për të drejtuar autobusin." (Zheng)