dëgjoni

Duke folur për tenistet më të shquara si çift këtë vit në arenën ndërkombëtare të tenisit, nuk mund të lësh pa përmendur çiftin e ri kinez, Zheng Jie/Yan Zi. Nga tre turnetë e titullit të madh të zhvilluara këtë vit, ky çift kinez u shpall kampion në dy prej tyre në turneun "Australian Open" dhe në atë të "Wimbledon Open" u shpall ky çift kinez. Paraqitja e tyre e shkëlqyeshme i bën tenistet kineze pretendente të forta për fitimin e medaljes së artë në Lojërat Olimpike të Pekinit 2008. 

Zheng Jie dhe Yan Zi vijnë nga qyteti Chengdu i provincës Sichuan. Prindërit e tyre i çuan ato të ushtrohen në tenisit me qëllim që të kishin shëndet të mirë dhe trup të fortë. Qysh nga mosha 7-vjeçare, ato jetonin dhe stërviteshin së bashku në një shkollë fizkulture në Chengdu, prandaj bashkërendimi i tyre ka një harmoni, të pakrahasueshme me asnjë çift tjetër tenistesh. Në ndeshje, para dhe pas çdo kalimi të topit, ato bisedojnë në të folmen e vendlindjes, e folmja e Sichuanit, duke tokur duart me njëra-tjetrën për inkurajim. I ati i Yan Zi-së tha:

"Në fillim edhe midis tyre kishte konkurrencë, por gjatë procesit të mëvonshëm të rritjes, ato gjetën rrugën e vet të zhvillimit. Gjatë ngjitjes drejt majave të tenisit, ato kanë kapërcyer shumë vështirësi, në teknikë dhe në bashkërendim, duke përfshirë edhe besimin reciprok. Të paktën unë vetë nuk kam parë që ato të jenë ankuar për njëra-tjetrën."

Sot Zheng Jie është bërë një nga tenistet kryesore kineze. Me klasifikimin në vendin e 29-të në botë, ajo përfshihet edhe në radhët e tenisteve më të shquara botërore. Zheng Jie filloi stërvitjen në tenis qysh 6 vjeçe dhe 10 vjet më vonë hyri në ekipin e tenisit të provincës Sichuan. Pas hyrjes në ekipin kombëtar në vitin 2001, ajo ka përparuar mjaft. Në turneun "French Open" të vitit 2004, Zheng Jie hyri në raundin e 4-t si individ për femra, gjë që ishte rezultati më i mirë i atëhershëm i tenistëve kinezë në turnetë e "Titullit të Madh". Në arenën ndërkombëtare të tenisit të femrave, e cila kontrollohet nga tenistet e tipit të forcës, Zheng Jie me gjatësi prej vetëm 163 centimetrash nuk ka epërsi në gjatësi të trupit dhe të krahut dhe as shërbimit të fortë të topit, por në fushën e tenisit, mund të shohim lëvizjet e saj të shkathëta, taktikat e ndryshuara dhe frymën e saj këmbëngulëse në ndeshje. Këto vite Zheng Jie ka pasur rezultate shumë të dalluara në tenisin si çift dhe u ngjiit në vendin e 3-të të renditjes botërore. Duke vlerësuar rezultatet e veta si individ dhe si çift, Zheng Jie tha:

"Qoftë si individ apo si çift, deri në renditjen aktuale, më dhimbset të heq dorë nga secila prej tyre. Prandaj do të përpiqem të kem rezultate të mira në të dyja disiplinat."

Yan Zi, që ka lindur më 1984 është një teniste e re me potencial të madh. Ajo shfaqi talent të madh qysh në fëmijëri. Kur u përfshi në ekipin e provincës Sichuan, ajo ishte vetëm 14 vjeçe. Në fillim të vitit 1999, ajo u çua për mësim në shkollën amerikane të tenisit Kniks dhe pasi u kthye në atdhe më 2001 ajo u zgjodh në ekipin kombëtar dhe filloi të bëhet partnere me Zheng Jie-në. Në finalen e femrave si çift të turneut "Wimbledon Open", shikuesit në pallatin sportiv u mahnitën nga teknika e saj e lartë e kthimit para rrjetës. Bashkërendimi harmonik midis saj dhe Zheng Jie-së ishte pa asnjë defekt dhe brenda një seti mund të shihen ndryshimet e 5 a 6 taktikave.

Pas shpalljes kampione në turneun "Wimbledon Open", këto dy vajza thanë: "Shpallja kampione në Wimbledon, në fushën me bar, ku nuk kemi epërsi, na shton më shumë vetëbesimin."

Në qoftë në ndeshjet e turneut "Australian Open" Zheng Jie dhe Yan Zi nuk ishin të njohura për kundërshtaret dhe shpallja e tyre kampione ka elemente të fatit, atëherë fitimi i kupës në Wimbledon, me histori 120 vjeçare mund të pasqyrojë plotësisht potencialin e tyre. I ati i Yan Zi-së tha:

"Ato u shpallën kampione në Wimbledon me potencial të vërtetë, gjë që njihet nga të gjithë. Kësaj here mund të shihnim se në shumë rrethana të vështira, ato arritën të gjenin mënyra për t'i përballuar dhe kjo tregon se ato janë pjekur. Nuk mund të parashikoj se ato do të fitojnë në të gjitha ndeshjet e ardhshme, por duke u pjekur më tej ato do të luftojnë në të gjitha sfidat."

Ditët e fundit Zheng Jie festoi ditëlindjen e saj të 23-të, ndërsa Yan Zi është një vjet më e vogël. Ato, në moshë kaq të re, kanë arritur rezultate kaq të mira, ndaj në të ardhmen ato kanë mundësi të plotë të arrijnë suksese më të mëdha. Edhe kinezët kanë arsye të plotë të parashikojnë fitimin e medaljes së artë të tenisit si çift për femra në Lojërat Olimpike të Pekinit. (Wang Lei)