Dikur banorët e zonës Jinshan merreshin me bujqësi dhe të ardhurat e tyre ishin shumë të pakta. Z. Song Jie i tha korrespondentit se në të kaluarën ai mendonte gjithmonë se si të fitonte pak më shumë para, por vitet e fundit jetesa e fshatarëve është përmirësuar shumë. Ai tha:

"Fshatarët që banonin në shtëpi përdhese tani kanë hyrë në ndërtesa disa katëshe, të gjitha familjet e fshatit janë lidhur me rrugë të asfaltuar . Në çdo fshat janë krijuar qendëra të aktiviteteve të të moshuarve, ambulancë etj."

Brenda 3 vjetëve, zona Jinshan me një sipërfaqe prej 580 kilometrash katrore dhe me 800 mijë banorë është zhvilluar nga një zonë periferike që merrej kryesisht me prodhimin bujqësor në një vend të çmuar të investimeve me industrializim dhe urbanizim fillestar.. Përgjegjësi i Administratës qeveritare vendëse z. Liu Zhengxian u shpreh:

"Vitin e kaluar, vëllimi i prodhimit të përgjithshëm industrial të zonës Jinshan arriti në 61 miliardë juanë dhe rritja mesatare vjetore e 5 vjetëve të fundit 33,8%. Është formuar në përgjithësi sistemi industrial me degët industriale kimike, farmaceutike, mekanike e elektronike, tekstile dhe veshjeve, automobilave, pjesëve të këmbimit etj. si forcë kryesore. Përqindja e urbanizimit të kësaj zone ka arritur 55%."

Pse Jinshani ka marrë një zhvillim kaq të shpejtë brenda një kohe të shkurtër ? Lidhur me këtë po ju flas për zhvillimin e industrisë kimike të saj.

Në vitin 1979, qyteti i Shangait ka ndërtuar në zonën Jinshan Kompaninë Petrokimike të Shangait, një ndërmarrje të madhe industriale. Vitet e fundit, Administrata qeveritare vendëse e ka gjithnjë e më të qartë rolin nxitës të industrisë kimike për zhvillimin ekonomik të zonës dhe vendosi të zhvillojë kryesisht degët industriale kimike me vlerë të lartë të shtesës si industrinë e imtë kimike, farmaceutikën biologjike, industrinë kimike të tekstileve dhe të industrisë së lehtë etj.

Sipas planit, në vitin 2010 në Jinshan do të krijohet një zonë industriale kimike 60 kilometra katrore, rafinimi vjetor i naftës dhe prodhimi vjetor i etilenit do të arrijë përkatësisht 30 milionë tonë dhe 4 milionë tonë. Në të njëjton kohë do të shpejtohet ndërtimi i bazës së furnizimit të mallrave të industrisë kimike dhe të objekteve të shërbimeve komplekse. Tani shumë ndërmarrje kineze dhe të huaja si Instituti Kërkimor i Industrisë Kimike të Shangait, Kompania gjermane Henkel, Kompania amerikaneApature, Ndërmarrja e feniletilenit e Shangait etj. kanë investuar në industrinë kimike të Jinshanit.

Shkaku tjetër i ndryshimeve të mëdha në zonën Jinshan është se në vitin 2003, në këtë zonë filloi të krijohet një park industrial i teknologjisë së re e të lartë për zhvillimin e degëve industriale të informacionit elektronik, të ndërtimit të maqinerive, të farmaceutikës biologjike, të materialeve të reja etj. për të ngritur nivelin e zhvillimit ekonomik.

Përgjegjësi i Komitetit Administrativ të këtij parku z. Sun Yinliang e informoi korrespondentin me karakteristikat e tij. Ai tha:

"Parku ynë industrial është projektuar sipas ides së modernizimit, indivitualizimit dhe të mbrojtjes së mjedisit ekologjik, sipas planit në park do të ketë 8 qendra banimi me instalime pushimi, argëtimi, biznesi, me restorante etj. Kështu do të kursehen burimet natyrore dhe do të pakësohet kostoja tregtare e ndërmarrjeve."

Z. Sun tha se pas fillimit të ndërtimit të këtij parku industrial, Administrata qeveritare vendëse ka hedhur mbi 1 miliard juanë në ndërtimin e infrastrukturës së transportit, telekomunikacionit, furnizimit me ujë, me energji etj. Deri më sot është realizuar 20% e ndërtimeve të planifikuara.

Fakti që tërheq vëmendjen e njerëzve është se krahas zhvillimit të shpejtë të industrisë, Jinshani nuk ka prishur mjedisin dhe burimet. Përgjegjësi i Administratës qeveritare vendëse z. Liu Zhenxian u shpreh se sektorët përkatës kanë bërë të gjitha përpjekjet për parandalimin e ndotjes, për të realizuar zhvillimin e vazhdueshëm ekonomik e shoqëror. Ai tha:

"Nga viti 2003 deri në vitin 2005 kemi zbatuar "planin 3-vjeçar të veprimeve", kemi ngritur stacionin vëzhgues të cilësisë së mjedisit dhe të ajrit, kaldajat me djegie të qymyrgurit të 39 ndërmarrjeve u zëvendësuan me burimet të pastra energjetike, u mbollën mbi 3 mijë hektarë pyje të ndryshme dhe u sistemuan 7 lumenj, dhe si rezultat qielli i Jinshanit është më i kaltër, toka është më e gjelbër dhe uji është më i pastër."

Duke shfrytëzuar epërsinë e bregdetit, zona Jinshan ka ndërtuar një vijë turistike bregdetare, ku u organituan dy herë ndeshjet botërore të futbollit në plazh, duke e ngritur më tej famën e kësaj zone. Sipas të dhënave jo të plota, vitin e kaluar të ardhurat nga turizmi arritën në 250 milionë juanë dhe u pritën 450 mijë turistë. Kohët e fundit u përuruan korridori 1,6 kilometra i gjatë turistik dhe një lagje tregtare bregdetare. Në të ardhmen do të krijohen klubi i jahtëve, qendra e konferencave dhe e biznesit etj.

Banorët e zonës Jinshan janë të bindur se Jinshani do të bëhet një vend tërheqës i investimeve të Shangait , madje të mbarë Kinës. (Pina)