Ju flet Radio e Jashtme e Kinës, të dashur dëgjues, ju përshëndes përsëri në rubrikën "Muzika pop". Në programin e sotëm, do t'ju paraqes albumin e ri të këngëtarit Zhou Huajian "Njeriu i shiut".

Po dëgjoni tani këngën me titull "Rruga e dashurisë". Në këtë këngë thuhet "Në rrugën e dashurisë ka pak mjegull, mjegulla humbet dhe mbetet vesa, e cila ka pllenuar tokën e dashurisë. Rruga e dashurisë është një rrugë me zigzage që ngjan si perlë. Në rrugën e dashurisë, me ju mund të zgjidh të gjitha problemet..." dëgjoni

Zhou Huajian ka lindur në vitin 1960 në Honkong. Në vitet 70' të shekullit 20, ai nisi studimet në Universitetin e Tajvanit. Gjatë asaj kohe, Zhou Huajian këndonte në klube ose restorante dhe në atë kohë ai filloi jetën e këngës. Në vitin 1984, Zhou Huajia u regjistrua nga kompania tajvaneze "Rolling Stone", pastaj nxori albumin e parë me titull "Valsi i fundit". Kështu ai filloi punë si këngëtar.

Në vitin 2006, Zhou Huajian nxori albumin e 29-të të tij me titull "Njeriu i shiut". Në këtë këngë, ai tregon dashurinë dhe kërkimin prej tij të muzikës, dashurisë dhe idealit. Tani do të dëgjoni këngën me titull "Njeriu i shiut". dëgjoni

Kompania "Rolling Stone" i kushtoi shumë rëndësi albumit "Njeriu i shiut" dhe ka shpenzuar shumë para për të prodhuar videon e kësaj kënge.

Videoja e këngës "Njeriu i shiut" na tregon për një djalë dhe një vajzë. Kur u rritën djali zhvilloi një koncert për vajzën. Kështu ata realizuan ëndrrën e tyre. Drejtuesi i këtij koncerti është Zhou Huajian dhe vajza është Hong Xiaolei. Me tingujt e muzikës ata kujtuan jetën e lumtur të fëmijërisë së tyre.

Në albumin "Njeriu i shiut" ka një këngë reklame me titull "Dashuria e të gjithë botës", e cila është rikompozuar nga kënga angleze "What The World Needs Now Is Love". Me ritmin e xhazit, melodinë popullore dhe me këndimin romantik të Zhou Huajian-it, kjo këngë pëlqehet nga gjithë dëgjuesit. Do të dëgjoni tani këngën me titull "Dashuria e të gjithë botës". dëgjoni

Në këtë këngë thuhet "Ne respektojmë dashurinë e vërtetë. Nëse dashuria humbet, bota do të jetë bosh. Dashurinë e të gjithë jetës, dashurinë e ëmbël, jo vetëm ju e unë, por edhe çdo njeri do ta ketë. Rrugë e gjatë, rrugë me zigzage, e kam gjetur rrugën time. Mos më ndaloni, hapni zemrën tuaj, do t'ju sjell dashurinë, dashurinë e të gjithë botës."

Në fillim të këtij viti, Zhou Huajian këndoi këngën kryesore të operës heroike "Heroi i Kondorit" me titull "Buzëqeshja e të gjithë botës". Kënga është mirëpritur shumë pas shfaqjes së kësaj opere. Melodia e kësaj kënge është kompozuar nga muzikanti i njohur tajvanez Xiao Chong. Ai shtoi disa elemente të muzikës rok në pjesën e fundit të kësaj kënge. Kështu që kjo këngë ka jo vetëm hidhërim, por edhe ndjenjë gëzimi. dëgjoni

Tani në skenën muzikore të gjuhës kineze ka shumë këngëtarë të rinj, si për shembull, Zhou Huajian, i cili ka qenë i pranishëm në skenën muzikore për 20 vjet dhe ka nxjerrë 30 albume, ku ka qindra krijime klasike. Albumet e Zhou Huajian-it janë të paqortueshme për shkak të origjinalitetit dhe të brishtësisë së muzikës së tij.

Në fund të programit të sotëm do të dëgjoni këngën me titull "Koha". Në të thuhet kështu "Faqja e fundit e bllokut të shënimeve është bosh. Kam vizatuar përsëri pamjen tënde.. Aroma jote ka ardhur dhe ka humbur, duke mbetur vetëm dritë. Kam kuptuar që koha ka kaluar, dëshiroj të qëndroj këtu. A mund të fillojë përsëri dashuria. Koha ka kaluar." dëgjoni

Ju flet Radio e Jashtme e Kinës. Të dashur dëgjues, dëgjuat albumin me titull "Njeriu i shiut". Programi i sotëm mbaroi. Mirudëgjofshim! (U Sen)