dëgjoni

Filmi i ri i regjisorit të njohur kinez Zhang Yimou është në xhirimin e sipër, por ai është bërë fokus i vëmendjes së opinionit publik. Ky film i ri, me një investim prej 360 milionë yuanësh, ka tërhequr vëmendjen e publikut me metodë të re të regjimit, me paraqitje të re dhe me pjesëmarrjen e shumë aktorëve të njohur.

Filmi "Qyteti me mburojë të artë" është përpunuar duke u mbështetur në dramën klasike kineze "Shtrëngata". Në dramën "Shtrëngata", shtjellohet një tragjedi e ndodhur në një familje të madhe feudale në sfondin e shoqërisë kineze në vitet 20 të shekullit të kaluar. Pronari Zhou Puyuan, pasi bëri djalin e madh Zhou Ping me shërbëtoren e familjes Lu Shiping, e largoi këtë të fundit nga shtëpia. Djali i madh Zhou Ping, pasi nga mërzit me dashuria me njerkën e re Fan Yi, filloi të dashuronte shërbëtoren e re të shtëpisë Sëfen, por ai nuk e dinte se shërbëtorja e re Sëfen ishte pikërisht motra e tij nga nëna. Kur e vërteta u zbulua, Sefen dhe Zhouping u vetëvranë, ndërsa djali i dytë Zhou Chong, që gjithashtu dashuronte shërbëtoren Sëfen vdiq nga korrenti. Si do të dalë kjo tragjedi klasike në filmin e regjisorit Zhang Yimou.

Filmi i regjisorit Zhang Yimou " Qyteti me mburojë të artë" e ka vendosur sfondin e kohës në pallatin perandorak të dinastisë Tang të Kinës në shekullin e 9-të. Edhe emri i këtij filmi është marrë nga poezia e udhëheqësit të njohur të kryengritjes së atëhershme fshatare Huang Chao. Në këtë film përshkruhen kryesisht dashuria e urrejtja si dhe intrigat në pallatin feudal perandorak, duke demaskuar thelbin e jetës perandorake të veshur bukur nga jashtë, por të kalbur nga brenda si dhe fatet e njerëzve në këtë mjedis të jashtëzakonshëm, siç ishte pallati perandorak.

Zhang Yimou theksoi se atij i pëlqejnë kontradiktat midis personazheve të dramës "Shtrëngata", por filmi "Qyteti me mburojë të artë" nuk është kurrsesi një kopje e dramës "Shtrëngata". Zhang Yimou tha : " Për kthimin e dramës në film, sipas mendimit tim, më kryesorja është heqja e një numri të madh pjesësh të tekstit të folur, dhe kthimi i tyre në veprim dhe shprehje që i përshtaten filmit. Edhe figurat e personazheve duhet të jenë krejtësisht krijime të reja dhe të gjejmë me të gjitha mundësitë marrëdhëniet e reja midis personazheve si dhe mënyra të reja të shprehjes së personazheve të reja."

Gjatë dy vjet përgatitjeve, Zhang Yimou e ka rishikuar më se l0 herë skenarin e filmit duke përpunuar me kujdes dhe hollësi temën kryesore, sfondin, pamjen e filmit si dhe pjesëmarrjen e artistëve. Në këtë film, Zhang Yimou theksoi se duhet të përqendrohet vëmendja në krijimin e figurave të personazheve. Ai tha:"Zakonisht njerëzit janë të mendimit se realiyimi i një filmi jo të bukur vjen si rezultat i mosshtjellimit si duhet të ngjarjeve, kurse sipas mendimit tim, figurat e personazheve janë shpirti i një filmi. Prandaj, kësaj here, ne kemi bërë më shumë punë në krijimin e figurave të personazheve, në mënyrë që ato të jenë si figurat e njohura nga publiku të dramës " Shtrëngata", por njëkohësisht edhe figura të reja."

Në vitin 2002, Zhang Yimou drejtoi filmin e artit marcial "Heronjtë" që shtjellon ngjarjet e periudhës së luftës ndërshtetërore, Pastaj në vitin 2004, ai xhiroi edhe filmin e artit marcial" Shëtpia e kamave fluturuese". Këta dy filma kanë pasur sukses të madh në tregun amerikan. Për shkak të pjesëmarrjes së aktorëve yje , të xhirimit të shkëlqyer dhe të ngjarjeve magjike kineze, këta dy filma kanë pasur edhe shitje shumë të madhe në tregun botëror duke u lënë shikuesve përshtypje jashtëzakonisht të mira.

Edhe pjesëmarrja e shumë aktorëve yje është bërë një fokus i filmit artistik " Qyteti me mburojë të artë". Aktorët e mëdhenj botërorë Zhou Runfa dhe Gongli luajnë përkatësisht rolin e perandorit dhe perandoreshës. Zhou Runfa luan perandorin e djallëzuar, kurse Gonli luan perandoreshën e bukur dhe e pasur. Rolin e gjeneralit të madh që radhitet i treti në këtë film e luan këngëtari i njohur Zhou Gjelun, të gjitha luftërat e këtij filmi janë shkaktuar prej tij. Megjithëse ky është filmi i dytë i luajtur prej tij , Zhou Gjelun është vlerësuar lart nga regjisori Zhang Yimou. Për Zhou Gjelun, ky film është gjithashtu filmi i parë me temën e lashtësisë. Aktorja e re Li Man luan në këtë film rolin e Sëfenit. Edhe ajo ka tërhequr vëmendjen e publikut. Atë e zgjodhi Zhang Yimou nëpërmjet kinoprovave në mbarë vendin dhe ajo u quajt si brezi i 4-t i " zonjushës Mou". ( aktorja që luajti për herë të parë në filmin e regjisorit Zhang Yimou). Të gjitha aktoret e reja kineze ëndërrojnë të luajnë ndonjë rol në filmat e regjisorit Zhang Yimou dhe të bëhen të njohura pas filmit të parë. Më parë, aktoret Gonli dhe Zhang Zili u bënë aktore të njohura ndërkombëtare pasi luajtën role në filmat e Zhang Yimout.

Duke folur për kriterin e tij nëpër zgjedhjen e aktorëve, regjisori Zhang Yimou tha : " Në fakt, aktoret e përzgjedhura varen nga rolet, pavarësisht nga mosha, fytyra ose ndonjë faktor tjeter. Sipas mendimit tim, për një aktor, më e rëndësishmja është përgatitja e duhur kulturore, d.m. th ata duhet të jenë të afta në kuptimin dhe njohjen e roleve dhe të kenë përgatitjen e duhur. Këto janë gjërat më themelore për një aktor."

Mund të themi se filmi i Zhang Yimout "Qyteti me mburojë të artë" shënoi rekord të ri të investimeve për një film në Kinë, me një vlerë prej 360 milionë yuanësh. Siç mësohet, në film 20 mijë aktorë pjesëmarrës do të luajnë rolet e ushtarëve, dhe të gjithë helmetat e kuajt e ushtarëve janë me ngjyrë të artë. Në xhirimin e këtij filmi do të përdoren edhe helikopterë dhe do të ketë një bashkëpunim me kompaninë amerikane me teknologji të lartë. Gjithashtu edhe përmasat e pallateve do të jenë shumë madhështore. Zhang Yimou tha se investimet e mëdha nuk janë elementi kryesor i krijimeve të reja. Ai tha : " Unë nuk shqetësohem për investime të mëdha apo të vogla. Unë kam një përgjegjësi që ky film të mos ketë humbje dhe investuesit duhet të kenë fitime. "

Zhang Yimou është përfaqësuesi i brezit të 5-të të regjisorëve së Kinës dhe është quajtur si heroi i kulturës së Kinës në vitet '90 të shekullit të kaluar. Filmat e tij kanë një bazë të fortë të kulturës tradicionale dhe janë plot patos.

Tani janë xhiruar më se 2/3 e filmit artistik "Qyteti me mburojë të artë". Projektimet e kostumet e shtrenjta, aktorët e mëdhenj, si dhe realizimi i fazës së fundit të filmit në SHBA i kanë joshur shikuesit kinezë dhe të huaj. ( Zhai)