dëgjoni

Pekinasit ose të huajt që jetojnë në Pekin, mund takohen shpesh nëpër bulevarde, lagje të banorëve, urat e kalimit etj shitësit e disketave piraterike, ndër to janë filma të rinj artistikë dhe softe të lojërave të ndryshme. Duke parë punonjësit ligjzbatues këta shitësa ikin menjëherë dhe pasi largohen punonjësit ligjzbatues, këta shitës kthehen përsëri për shitjen e produkteve piraterike

Incizimet që dëgjoni janë marrë nga ceremonia e nisjes së " Aksionit 100 ditor i luftës kundër piraterisë", të organizuar së bashku nga më se l0 sektorë qeveritarë të Kinës në pallatin e bibliotekës Xidan në qendër të qytetit të Pekinit.

Gjatë këtij aksioni, do të goditen kryesisht të gjitha ndërmarrjet dhe individët që merren me prodhimin, kopjimin, depozitimin dhe shitjen e produkteve audio-vizuale si dhe të softeve piraterike për kompjutera.

Në Kinë, kompentencat e administrimit qeveritar mbi sektorët audio-vizualë dhe të softeve i kanë kryesisht Drejtoria e Përgjithshme e Botimeve të Shtypit, Drejtoria Shtetërore mbi të drejtat e autorit dhe Ministria e Kulturës, njëkohësisht është krijuar edhe një grup kombëtar i punës " për goditjen e botimeve të paligjshme" që përgjigjet posaçërisht për kontrollin dhe dënimin e botimeve të paligjshme.

Nënkryetari i Grupit Kombëtar të punës "për goditjen e botimeve të paligjshme" Chen Jiping vuri në dukje se vitet e fundit, Kina ka arritur rezultate të dukshme në luftën kundër piraterisë, por përsëri ndodhet përpara disa problemeve serioze. Ai tha : " Në tregun e botimeve ekzistojnë ende disa probleme të dukshme. Tani aktivizohen ende shumë nga veprimtaritë kriminale për prodhimin, kopjimin, debozitimin dhe shitjen e produkteve audio-vizuale dhe softeve piraterike, duke trazuar rendin normal ekonomik e shoqëror ".

Sipas planit, gjatë kryerjes së këtij aksioni, do të ketë një afat njëmujor për dorëzimin me inisiativë të produkteve piraterike nga personat dhe ndërmarrjet shkelëse të ligjit. Një nga përgjegjësit e këtij aksioni, zv-drejtori i Drejtorisë së Përgjithshme të Botimeve të Shtypit të Kinës z. Liu Binjie tha në një intervistë me korrespondentin e Radios së Jashtme të Kinës se ky "aksion l00 ditor i luftës kundër piraterisë" ka 4 objektiva: 1, Rregullimi i të gjitha tregjeve që merren me shitjen e produkteve piraterike. 2. Lufta e ashpër kundër shitjes së paligjshme të produkteve piraterike. 3, Rregullimi i ndërmarrjeve dhe sektorëve që merren me prodhimin dhe kopjimin e produkteve piraterike dhe anullimi i të drejtës së tyre të prodhimit duke parandaluar që nga burimet hyrjen e produkteve piraterike në treg. 4, Me anën e këtij aksioni, do të ngrihet më tej ndërgjegja e gjithë popullit për mbrojtjen e të drejtave të pronësisë intelektuale. " Liu Binjie tha se qysh nga hyrja e saj në Organizatën Botërore të Tregtisë, Kina ka zbatuar konkretisht premtimet përkatëse për mbrojtjen e të drejtave të pronësisë intelektuale. Por të nxitur nga fitimet e mëdha, ende ekzistojnë ndërmarrje dhe individë që merren me trafikun, prodhimin dhe shitjen e produkteve piraterike.

Qeveria kineze ashtu si gjithmonë do të luftojë me rigorozitet kundër veprimeve që shkelin të drejtat e pronësisë intelektuale. Siç mësohet, ekzistenca e produkteve piraterike ka dëmtuar aftësinë krijuese dhe zhvillimin e industrisë së kulturës të Kinës. Sektorët e ndryshëm qeveritarë të niveleve të ndryshme kanë organizuar shumë herë aksione rregulluese duke arritur disa suksese. Në 3 muajt e ardhshëm, krahas zhvillimit të këtij aksioni në përpjesëtime të mëdha, mjedisi i prodhimit e të shitjes së produkteve auto-vizuale dhe të softeve do të përmirësohet shumë. ( Zhai)