dëgjoni

Para disa ditësh u hap në Pekin edicioni i 8-të i Festivalit Ndërkombëtar të Korit të Kinës, ku morën pjesë më se 40 grupe të korit kinez dhe të huaj, me qëllim për të transmetuar me këngë miqësi dhe lutje për paqen. Në ceremoninë e hapjes së këtij festivali, më se 10 kore kineze dhe të huaja interpretuan këngë shumë të bukura. Në nënrubrikën e sotme " Shkëmbime kulturore " do t'ju njohim me disa pjesë të zgjedhura të interpretuar në ceremoninë e hapjes së këtij festivali...

Kënga që po dëgjoni titullohet " 5 kukulla të fatmirësisë " interpretuar nga kori i Institutit kinez të femrave. Kukulla të fatmirësisë janë maskotat e Lojërave Olimpike të vitit 2008 të Pekinit që përfaqësojnë peshkun, pandën, antilopën tibetiane, dallëndyshen pekinase dhe zjarrin e shenjtë olimpik. Këto 5 kukulla kanë secili nga një emër të bukur siç janë " Beibei", " Jingjing", "Huanhuan", " Yingying" dhe " Nini". Në Kinë shqiptimi i njëjtë i dy hieroglifeve në emër është një shprehje tradicionale e dashurisë për fëmijë. Duke u bashkuar emrat e këtyre 5 kukullave të fatmirësisë, del një fjali me kuptimin " Ju mirëpret Pekini", që tregon ftesën e Pekinit dërguar mbarë botës. Kënga " 5 kukulla të fatmirësisë" shpreh pikërisht një dëshirë të bukur të transmetimit të miqësisë , paqes, të frymës pozitive progresiste dhe të harmonisë midis njeriut dhe natyrës....

Festivali Ndërkombëtar i Korit i Kinës u krijua në vitin l992 dhe organizohet një herë në dy vjet. Ky festival është një festival me përpjesëtimet më të mëdha ndërkombëtare të korit të organizuar në Kinë. Fokusi i edicionit të sivjetëm të festivalit të korit është lidhja me Lojërat Olimpike të Pekinit. Për arsye se objektivi i festivalit të korit " Për të nesermen ? paqe dhe miqësi " është në përputhje me frymën e festivalit kulturor olimpik, prandaj Komiteti Organizativ i Lojërave të 29-ta Olimpike të Pekinit e përfshiu posaçërisht edicionin e 8-të të festivalit ndërkombëtar të korit në kornizën e festivalit kulturor olimpik, në mënyrë që ky festival i korit të jetë një pjesë e rëndësishme përbërëse e festivalit kulturor olimpik.

Në konkurrim për pjesëmarrjen në këtë festival të korit morën pjesë gjithësej 200 kore dhe më në fund 40 kore fituan të drejtën e pjesëmarrjes. Ndër ta, rreth 10 kore të huaja nga vendet me tradita në interpretimin në kor si nga Danimarka, Bahama, Filipinet, Rusia, Lestonia etj....

Ndër këta kore, më tërheqës është interpretimi i korit rus në rang shteti " Sirin Ensembie". Me mjeshtrinë e shkëlqyer profesionale në interpretimin vokal, ky kor ka fituar shumë herë në konkurset ndërkombëtare të korit dhe ka tërhequr gjithmonë vëmendjen e qarqeve ndërkombëtare të korit.

Kënga që po dëgjoni është "Urimet më të mira" të interpretuar nga kori " Sirin Ensembie", interpretimi i bukur dhe i harmonishëm u kanë lënë muzikëdashësve përshtypje të thella......

Kori i kombësisë Lisu në Baoshan të provincës Zunan të Kinës jugperendimore është një kor i fshatarëve me zë origjinal pa muzikë shoqëruese. Ky kor u krijua në vitin 2001 dhe të gjithë anëtarët e korit janë fshatarë të kombësisë Lisu. Ata i përgatisin programet në kohën e lirë dhe kanë marrë pjesë shumë herë në shfaqjet artistike të organizuar nga bashkia e qytetit Baoshan për turistë kinezë dhe të huaj. Interpretimet e tyre në mënyrë burimore me stil të thjeshtë dhe të natyrshëm janë vlerësuar lartë nga spektatorët. Interpretimet e tyre janë vlerësuar si " zëri qiellor i ardhur nga zonat e largta malore".Në ceremoninë e hapjes, kori i kombësisë Suli interpretoi këngën "Në tokën e bukur " duke e admiruar vendlindjen e tyre me këngën e tyre të thjeshtë.....

Krahas afrimit të Lojërave Olimpike të Pekinit të vitit 2008, bota po i kushton një vëmendje gjithnjë e më të madhe Pekinit. Koret e huaj që marrin pjesë në këtë festival të korit, krahas inisiativës për paqen, kanë ardhur edhe për t'u njohur me Pekinin dhe Kinën.

Një nga organizatorët e festivalit të korit, drejtori i drejtorisë turistike të qytetit të Pekinit Du Jinag tha se qysh nga krijimi i tij, festivali ndërkombëtar i korit të Kinës, ka luajtur një rol të madh nxitës për turizmin e Kinës. Ai tha : ..

"Gjatë 7 edicioneve të kaluara të festivalit të korit, dhjetra mijëra muzikëdashës të korit realizuan dëshirën e këngës për paqe dhe lidhje të miqësisë, me anën e programeve të larmishme turistike janë njohur me historinë e lashtë, kulturën moderne si dhe vitalitet e gjallëri të periudhës së re të Pekinit. Pra, festivali ndërkombëtar i Kinës ka krijuar një model të ri dhe është bërë një kartë vizite kulturore për daljen e Pekinit në botë dhe për njohjen e botës me Kinën."

Në mbrëmjen e ceremonisë së hapjes së festivalit të korit, edhe koret e orkestrat e ardhura nga Zelanda e Re, Japonia, Filipinet dhe Bahama dhanë shfaqje të mrekullueshme, ndër to, shfaqjet e korit të nxënësve kinezë dhe bahamanezë u lanë spektatorëve përshtypje shumë të thellë.

Kori i nxënësve bahamanezë përbëhet kryesisht nga nxënësit e shkollës së mesme dhe mosha mesatare e anëtarëve është 15 vjeçe. Ata kanë marrë pjesë në festivalet dhe aktivitete të rëndësishme të Bahamas dhe janë vlerësuar lart nga spektatorët. Festivali i korit është aktiviteti i parë konkurrues ndërkombëtar që mori pjesë ky kor. Anëtarët e korit, me kostume të bukura me ngjyra të larmishme, duke kënduar e duke kërcyer, me këngë ritmike dhe me stil të theksuar të detit të Karaibeve, patën ndikim shumë të madh tek spektatorët e pranishëm duke i nxitur ata të bashkohen në këngët e tyre.....

Në fund të mbrëmjes, të gjithë artistët kënduan së bashku këngën tematike të këtij festivali ndërkombëtar " Kënga e paqes dhe e miqësisë " duke shprehur dëshirën për paqen dhe miqësi. ....

Kënga që po dëgjoni është pikërisht " Kënga e paqes dhe e miqësisë ", në këngë thuhet " Ne i bashkojmë gëzimet e haren, ne i lidhim tingujt e këngëve, popujt e mbarë botës po bashkohen për paqe dhe miqësi. Hajde, të lidhemi në një mur të paqes, hajde të këndojmë, për miqësinë e përjetshme".( Zhai)