dëgjoni

Më 22 korrik u hap në Zagreb të Kroacisë Kampionati Botëror i Qitjes, që zhvillohet një herë në 4 vjetë. Kjo është gara e qitjes në përmasa më të mëdha dhe në nivel më të lartë para zhvillimit të Lojërave Olimpike 2008 dhe në të marrin pjesë pothuajse të gjithë qitësit më të shquar. Ekipi kinez e konsidenron këtë garë si parapërgatitje për Lojërat Olimpike. Krahas përpjekjeve për medalje, tjetër detyrë e ekipit kinez është fitimi i vendeve të pjesëmarrjes në Lojërat Olimpike.

Për shkak të kufizimit të numrit të pjesëmarrësve në Lojërat Olimpike, për të gjitha disiplinat sportive të Lojërave Olimpike sportistët duhet të kualifikohen për të marrë të drejtën e pjesëmarrjes, gjatë periudhës 4 vjetëve para këtyre Lojërave Olimpike.

Në Lojërat Olimpike të Sidneit 2000, ekipi kinez i qitjes fitoi 26 vende pjesëmarrjeje dhe më në fund fitoi 3 medalje ari. 4 vjet më vonë, në Athinë me të njëjtin numër të vendeve të pjesëmarrjes, ky ekip fitoi 4 medalje ari. Për Lojërat Olimpike 2008, ekipi kinez filloi konkurrimin për vende pjesëmarrjeje qysh nga fillimi i vitit 2005.

Gjatë kampionatit nga 22 korriku deri më 6 gusht, do të vendoset për 54 vendet pjesëmarrëse në Lojërat Olimpike të Pekinit, gjë që është rasti i fundit i këtij viti për konkurrim për vende pjesëmarrëse në Lojërat Olimpike.

Trajneri i përgjithshëm i ekipit kinez të qitjes Wang Yifu u shpreh se qëllimi kryesor i pjesëmarrjes në këtë kampionat është fitimi i vendeve të pjesëmarrjes në Lojërat Olimpike.

"Sivjet detyra jonë kryesore është marrja e vendeve për pjesëmarrjen në Lojërat Olimpike. Do të përpipemi të fitojmë 1 a 2 vende në disiplinat e qitjes me pushkë në ajër për meshkuj dhe me pushkë për meshkuj në pozicion të shtrirë, kështu do të kryejmë në përgjithësi detyrat e sivjetshme për marrjen e vendeve. Njëkohësisht, shpresojmë të kemi përparime edhe në qitje në pozicionin e shtrirë, gjë që do të jëtë shumë e dobishme për punët tona përgatitore për Lojërat Olimpike të Pekinit."

Aktualisht, Kina ka fituar 23 vende pjesëmarrjeje të Lojërave Olimpike të Pekinit në disiplinën e qitjes, duke përfshirë 9 vende të marra automatikisht si vend organizator. Kështu në qoftëse do të fitohen edhe 5 vende të tjera, Kina do të fitojë të gjitha 28 vendet e pjesëmarrjes së qitjes në Lojërat Olimpike 2008, maksimum për një vend pjesëmarrës.

Në vitin 2005, ekipi kinez i qitjes fitoi gjithsej 8 vende pjesëmarrjeje olimpike, që ishte një rezultat i mirë ndër ekipet e vendeve të ndryshme. Në vitin 2006, paraqitja e Kinës ka qenë gjithashtu e shquar. Në fillim të këtij viti, në turneun në Guangzhou të Kinës të Kupës së Botës, qitësja e famshme kineze Ren Jie, që ishte në heshtje për një kohë të gjatë, fitoi medalje ari dhe njëkohësisht mori edhe vendin e parë të Kinës në disiplinën e qitjes me pistoletë në ajër për femra në Lojërat Olimpike të Pekinit. Ren Jie tha:

"U gëzova shumë. Dëshiroja shumë të fitoja këtë vend, por rezultati nuk mund të kontrollohet gjithmonë nga vetja, ndërsa vetëm lëvizjet janë në dorën time. "

Është zhvilluar mbarë procesi i përgatitjes së ekipit kinez të qitjes për Lojërat Olimpike të Pekinit, por në historinë e Olimpiadës, asnjë vend nuk kishte marrë të gjitha vendet e pjesëmarrjes që ai mund të marrë. Trajneri i pëgjithshëm i ekipit kinez Wang Yifu tha se ekipi kinez do të përpiqet të fitojë 5 vende të tjera.

"Në fakt ekipi i qitjes nuk ka detyrë të fitojë të gjitha këto 28 vende pjesëmarrjeje, por ne trajnerët dhe qitësit kemi dëshirë të fitojmë të gjitha. Ndoshta kjo dëshirë nuk do të realizohet, por përpjekjet tona në këtë drejtim do të na sjellë përparim të papritur."