dëgjoni

Ju flet Radio e Jashtme e Kinës. Të dashur dëgjues, unë jam Pina, po takohemi përsëri në programin e sotëm muzikor. Në këtë program do të dëgjojmë së bashku këngët popullore të kënduara nga kuarteti i djemve "8 sy".

Të dashur dëgjues, kënga që po dëgjoni është një këngë popullore me titull "Alamuhan" e Rajonit Autonom të Singjang-Ujgurit në veriperëndim të Kinës, e kënduar nga kuarteti i djemve "8 sy". Alamuhani është emri i një vajze, kënga i këndon Alamuhanit të bukur si lule. 4 këngëtarët e këndojnë këtë këngë në mënyrë të gjallë dhe interesante, duke pyetur dhe duke iu përgjigjur njëri tjetrit, duke i dhënë këngës afmosferë të gëzueshme.

Kuarteti i djemve "8 sy" është shumë i njohur në qarqet muzikore kineze. 4 anëtarët e kuartetit, Geng Guoji, Ma Wenjie, Yang Qing dhe Song Lu kanë krijuar stilin e vet të veçantë, duke ndërthurur mënyrën e këndimit klasik, popullor dhe modern. Më poshtë do të dëgjojmë këngën popullore të provincës Qinghai në veri-perëndim të Kinës me titull "Doli gjysmëhëna". Kjo këngë dashurie e kënduar nga ky kuartet do të na japë një kënaqësi të re.

Në këngë thuhet: "Doli gjysmëhëna, e cila ndriçon tryezën e tualetit të vajzës sime. Hape ti shpejt dritaren, këput dhe më hidh avash një trëndafil."

4 anëtarët e kuartetit të djemve " 8 sy" kanë mjeshtëri të madhe artistike. Qysh nga formimi i kuartetit në vitin 1990, ata e kanë pasuruar pandërprerë repertorin e tyre, si dhe janë përsosur vazhdimisht vetë nga ana artistike. Tani do të dëgjojmë së bashku këngën popullore të provincës Hebei në veri të Kinës me titull "Lakër e vogël" Kjo këngë me melodi të trishtuar shpreh ndjenjat e një vajze të vogël që ka mbetur pa nënë.

Ky kuartet djemsh ka nxjerrë shumë albume dhe ka marrë pjesë në shumë veprimtari artistike, ku është mirpritur ngrohtësisht nga spektatorët. Në fund të programit të sotëm do të dëgjojmë së bashku këngën e Rajonit Autonom të Singjiang- Ujgurit me titull "Ngreje shaminë që të mbulon kokën". Këtë këngë kuarteti e këndon në mënyrë shumë të bukur dhe të rrjedhshme.

Ju flet Radio e Jashtme e Kinës. Të dashur dëgjues, dëgjuat këngët popullore të kënduara nga kuarteti i djemve "8 sy". Mirudëgjofshim të shtunën tjetër, në mikrofon për ju Pina.