Ju flet Radio e Jashtme e Kinës, të dashur dëgjues, ju përshëndes përsëri në rubrikën "Fakte nga jeta". Në programin e sotëm, do t'ju flas për krijimin e markave autonome të Kinës.

Prodhimi i orëve nga Kina zë 75% të vëllimit të përgjithshëm botëror, ndërsa vlera e këtyre produkteve kineze zë vetëm 6% të vlerës së përgjithshme të botës. Në Kinë nuk ka marka të nivelit botëror. Në vitin 2005, ndër 500 markat më të fuqishme në botë, SHBA-ja kishte 249 të tilla, Franca 46 e Japonia 45, ndërsa duke përfshirë CCTV-në Kina kishte vetëm 4. Ndër 100 markat më të vlerësuara në botë, Kina nuk ka asnjë.

Kjo listë e përmendur na tregon se Kina është një vend i madh i prodhimit dhe një vend i vogël i markës. Drejtori i Drejtorisë së Tregtisë së Jashtme pranë Ministrisë së Tregtisë të Kinës Lu Jianhua ka marrë pjesë shumë herë në bisedimet kino-amerikane mbi produktet tekstile. Ai u shpreh se ndonëse Kina është një vend i madh në tregtinë botërore, përqindja e produkteve me marka autonome dhe me patenta autonome është shumë e vogël në fushën e eksportit. Numri dërrmues i mallrave të eksportuara nga Kina janë përpunuar nga marka të huaja, kështu që pjesa më e madhe e fitimeve janë marrë nga tregtarët e pakicës, tregtarët e importit etj.

Kina ka shpenzuar shumë, si në burimet energjetike, lëndën e parë, krahun e punës etj, ndërsa ka marrë pak përfitime. Mund të marrim 0.3 dollarë amerikanë kur eksportojmë një këmishë dhe me fitimet nga eksporti i 800 milionë këmishëve mund të blejmë një "Airbus A-308".

Procesi i zhvillimit të ekonomisë të disa vendeve të zhvilluara është një proces i zhvillimit të markave autonome të tyre, si SHBA-ja, Gjermania, Japonia, Koreja e Jugut etj.

Strategjia e zhvillimit të markave është një masë e rëndësishme në ndryshimin e rrugëve të zhvillimit të ekonomisë. Markat mund të na tregojnë cilësinë dhe forcën konkurruese të mallrave. Krijimi i markave dhe ndryshimi i rrugëve të zhvillimit të ekonomisë varen nga krijimi i të rejave autonome dhe investimi në shkencë dhe teknologji.

Tani në zhvillimin e markave të Kinës, ekzistojnë shumë faktorë pengues në iniciativën e ndërmarrjeve, në tregun brenda dhe jashtë vendit, në mjedisin shoqëror, në politika etj.

Ndërmarrjet mbajnë peshën kryesore për të krijuar marka autonome, por shumë prej tyre nuk kanë interes për këtë gjë. Në vitin 2005, investimet e ndërmarrjeve për kërkimin shkencor zunë vetëm 1% të të ardhurave të shitjes së mallrave, shifër kjo 2% më e ulët se ajo e 500 ndërmarrjeve më të fuqishme në botë. Sipas të dhënave statistikore, tani ndër 50 markat më të fuqishme në Kinë, gjysma nuk janë të regjistruara jashtë.

Këshilltari i ministrit të Tregtisë të Kinës Huang Hai i tha korrespondentit se sistemi i ekonomisë së tregut i Kinës ende nuk është përsosur, kështu që zhvillimi i markave autonome përballet me shumë pengesa. Për shembull, në disa vende ka monopole administrative, kështu që produktet nga jashtë nuk miratohen të shiten në këto vende.

Për të ndryshuar këtë gjendje, vitin e kaluar, Ministria e Tregtisë së bashku me Komitetin e Zhvillimit dhe të Reformës, Ministrinë e Ekonomisë dhe me Ministrinë e Shkencës krijuan një mekanizëm të koordinimit të strategjisë së markës autonome.

Krijimi i markave autonome është një punë afatgjatë që kërkon përpjekjet e qarqeve të ndryshme. (U Sen)