Dëgjoni

Në fund të javës së kaluar, më se 400 drejtorë të shkollave të mesme dhe fillore dhe funksionarë të qarqeve arsimore amerikane erdhën për vizitë në Pekin duke filluar vizitën njëjavore në Kinë. Këtë vizitë e kanë organizuar së bashku zyra e grupit drejtues e Shtetit të Kinës për përhapjen e gjuhës kineze në arenën ndërkombëtare dhe Këshilli i Shkollave të Mesme të SHBA-së, me qëllim që me anën e vizitës së drejtorëve të shkollave të mesme dhe fillore dhe të funksionarëve amerikanë të arsimit në Kinë, të njihet drejtpërdrejt sistemin kulturor dhe arsimor të Kinës dhe të nxiten shkëmbimet gjuhësore e kulturore midis të dyja palëve.

Në nënrubrikën e sotme " Shkëmbime kulturore " do të dëgjoni reportazhin me titull : "Drejtorët e shkollave të mesme dhe fillore amerikane ndiejnë nga afër magjinë e gjuhës dhe kulturës kineze gjatë vizitës në Kinë"....1.. Kultura kineze ka një histori të lashtë dhe forcë tërheqëse. Si në Kinë ashtu edhe në vende të tjera, njerëz të panumërt ndjekin me interesim të madh këtë kulturë. Edhe gjuha kineze, si një mjet i transmetimit të kulturës kineze, pas pasurimit mijëra vjeçar, është bërë një gjuhë e parapëlqyer. Tani , shumë të huaj dëshirojnë të mësojnë gjuhën kineze dhe të njihen me kulturën e Kinës.

Në SHBA, ka gjithnjë e më shumë njerëz që mësojnë gjuhën kineze. Prandaj, Këshilli i Shkollave të larta të SHBA-së vendosi në vitin 2003, në programin e njohur AP, të hapen lëndët mësimore dhe provimet e gjuhës kineze. AP është një lëndë mësimore parauniversitare e vendosur në shkollën e mesme. Ata që kalojnë provimet e kësaj lënde mund të marrin para kohe numrin e pikëve që është në favor të pranimit në shkollat e larta. Prandaj, shumë nxënës të shkollës së mesme mësojnë lëndën AP dhe marrin pjesë edhe në provimin e saj. Vendimi i Këshillit të Shkollave të larta të SHBA-së ka gjetur edhe përkrahjen e zyrës së grupit drejtues të Shtetit të Kinës për përhapjen e gjuhës kineze. Të dyja palët ranë në marrëveshje që të marrin një sërë masash për të nxitur mësimin e gjuhës kineze në SHBA dhe vizita e drejtorëve të shkollave të mesme dhe fillore në Kinë është njëra nga këto masa. Sipas vëzhgimeve të Këshillit të Shkollave të larta të SHBA-së, rreth 2500 shkolla të mesme dhe fillore amerikane dëshirojnë të hapin lëndën mësimore të gjuhës kineze, dhe drejtorët amerikanë që kanë ardhur kësaj here për vizitë në Kinë janë pikërisht nga këto shkolla.

Zv-drejtori i zyrës së grupit drejtues të Shtetit të Kinës për përhapjen e gjuhës kineze z. Ma Jianfei tha :Tani në SHBA ka 2500 shkolla që kanë dëshirë për të hapur lëndën mësimore të gjuhës kineze, por në fakt, për ta shndëruar dëshirën në realitet duhet shumë për të bërë. Drejtorët e shkollave të mesme dhe fillore amerikane nuk njohin mirë Kinën. Vetëm duke ardhur personalisht në Kinë, ata mund të shohin nga afër burimet matariale të përgatitura nga ana jonë si pedagogë, materialet mësimore, dhe të ndijejnë personalisht kulturën kineze. Dhe këto përshtypje të marra Drejtpërdrejt nga Kina do t'i nxisin ata ta kthejnë dëshirën në realitet. "

Edhe drejtorët e shkollave të mesme dhe fillore amerikane që kanë ardhur kësaj here për vizitë në Kinë, pikërisht kanë këtë qëllim. Drejtori i shkollës së mesme të ciklit të lartë të qytetit Harbor të shtetit Maryland të SHBA-së Albert Edvard Thimpson tha : "Objekti i pjesëmarrjes sime në këtë turizëm në Kinë është për t'u njohur me me kulturën kineze dhe për të ndarë kënaqësinë me nxenësit e mi, në mënyrë që ata të kenë interesim për të mësuar gjuhën kineze dhe të njihen me botën."

Drejtorët dhe funksionarët amerikanë të arsimit bënë vizita në Pekin në parkun veror e në lagjet e banimit me karakteristika kineze dhe dëgjuan referatin tematike mbi gjuhën dhe letërsinë kineze mbajtur nga nënkryetari i Komitetit të Përhershëm të Asamblesë Kombëtare Popullore dhe gjuhëtari i njohur kinez Xu Jialu.

Këto aktivitete i bënë drejtorët dhe arsimtarët amerikanë të ndiejnë nga afër kulturën kineze dhe të njihen më tej me Kinën. Përveç këtyre, drejtorët dhe funksionarët arsimorë amerikanë të arsimit vizituan edhe shkollat e mesme dhe fillore të Pekinit, ata zhvilluan biseda me pedagogë dhe nxënës të shkollave duke u njohur me metodën e mësimdhënies të shkollave të Kinës.

Në shkollën e mesme pranë Universitetit të Popullit të Kinës, ata u njohën me mendimin pedagogjik për inkurajimin e zhvillimit të gjithanshëm të nxënësve dhe me studimin e gjuhës kineze nga nxënës të huaj. Shefi i sektorit të jashtëm të kësaj shkolle, z.Yang Jinping, tha: " përveç lëndës mësimore të gjuhës kineze, kemi edhe lëndët e kulturës, muzikës, sportit etj. Pas studimit njëvjeçar, shumica e nxënësve do të kuptojnë leksionet e pedagogëve kinezë dhe mund të vazhdojnë normalisht studimet. " Kjo shkollë u la drejtorëve dhe funksionarëve amerikanë të arsimit përshtypje të thella.

Drejtorët dhe funksionarët amerikanë të arsimit vizituan edhe ekspozitën e librave shkollë të mësimit të gjuhës kineze. Dhjetëra lloje librash shkollorë të mësimit të gjuhës kineze të botuar nga më se l0 shtëpi botuese morën pjesë në këtë ekspozitë. Drejtoresha e Drejtorisë Arsimore të Shtetit të Minesotës Alice Seagren tha se " Ne shpresojmë të marrim librat tuaj shkollorë dhe dëshirojmë ta bëjmë mësimdhënien e gjuhës kineze me metodën më të mirë. Prandaj, ne dëshirojmë të mësojmë se si keni vepruar ju."

Pas vizitës në Pekin, drejtorët dhe funksionarët arsimorë amerikanë të arsimit u ndanë në l5 grupe për vizitë dhe shkëmbime në l5 provinca e rajone autonome të Kinës, si në Shensi, Liaoning, Jiangsu etj. Megjithëse ata kishin vetëm një javë vizitë në Kinë, magjia e karakteristika e veçantë e gjuhës kineze dhe zhvillimi i shpejtë i Kinës u lanë drejtorëve dhe funksionarëve amerikanë përshtypje të thella. Ata janë të mendimit se në të ardhmen, gjuha kineze do të përhapet gjithnjë e më shumë në botë.

Funksionari i arsimit i qytetit Heights të shtetit Ohio tha se " Si në fushën ekonomike, ashtu edhe në fushën ideologjike e kulturore, Kina është një forcë e rëndësishme. Gjatë kontakteve të botës së ardhshme, ne duhet të dëgjojmë më shumë mendimet e të tjerëve, Veçanërisht mendimet e kinezëve. Siç mësohet, vizita e drejtorëve të shkollave të mesme dhe fillore amerikane në Kinë është vetëm një pjesë përbërëse e shkëmbimeve gjuhësore e kulturore midis Kinës dhe SHBA-së.

Sipas marrëveshjes së të dyja palëve, vizita do të tilla do të organizohen vazhdimisht në 5 vjetët e ardhshëm. Edhe zyra e grupit drejtues e shtetit të Kinës për përhapjen e gjuhës kineze në arenën ndërkombëtare do të organizojë 3 vjet me radhë 50 vullentarë për mësimdhënien e gjuhës kineze në shkolla amerikane, do t'i japë bursa nxënësve të dalluar amerikan për studimin e tyre në Kinë dhe do të organizojë kursin për përgatitjen e pedagogëve amerikanë për mësimdhënien e gjuhës kineze. ( Zhai)