Dëgjoni

Më 9 e 10 korrik, u zhvillua në Pekin Forumi Ndërkombëtar për Lojërat Olimpike të Pekinit, një pjesë përbërëse e Festivalit të 4-t të Kulturës Olimpike "Pekin 2008". Tema e këtij forumi është "industria e krijimtarisë kulturore dhe zhvillimi urbanistik". Dhjetra specialistë kinezë dhe të huaj morën pjesë në këtë forum dhe dhanë këshilla nga këndvështrime dhe shtresa të ndryshme për zhvillimin e industrisë së krijimtarisë kulturore të Lojërave Olimpike të Pekinit.

Industria krijimtarisë kulturore është industria më e zjarrtë në botë. Si të bashkohen Lojërat Olimpike me industrinë krijimtarisë kulturore është një temë e madhe kërkuese. Ekonomisti i famshëm anglez, Xhon Houkins, që erdhi në Pekin posaçërisht për pjesëmarrjen në këtë forum, është quajtur edhe "Babai i ekonomisë krijuese". Ai ka qenë këshilltar i qeverive e institucioneve kulturore të shumë vendeve. Ai është i mendimit se pavarësisht nga sporti apo arti, sekreti i suksesit janë të përafërta. Ai propozoi që duke përfituar nga Lojërat Olimpike 2008, të mbledhë në Pekin sportistët më të dalluar dhe artistë më të talentuar. Ai tha:

"Mendoj se Lojërat Olimpike të Pekinit janë një rast shumë i mirë që të përqendrohet vëmendja e të gjithë botës mbi Kinën. Shumë njerëz do të vijnë në Kinë në vitin 2008, prandaj për Pekinin ky do të jetë një rast i rrallë që t'i paraqesë botës figurën e vet më të bukur. Nëpërmjet Olimpiadës Pekini mund t'u tregojë të tjerëve se në këtë qytet banorët kanë mendime dhe ide krijuese dhe mund të shprehin lirisht këto mendime e ide artistike dhe kulturore. Kjo do të jetë në të mirë të përmirësimit të figurës së qytetit."

Aktualisht, mediat dhe publiku kinez janë në përgjithësi të mendimit se Pekini dhe Kina duhet të kapin fort rastin e mirë të Lojërave Olimpike për të nxitur hovin kulturor së bashku me hovin ekonomik. Veçanërisht Pekini, si qytet organizativ, duhet të nxitë, nëpërmjet Olimpiadës, përmirësimin në përmasa të mëdha në funksionin urbanistik dhe në strukturën industriale. Por z. Xu Zhuoquan, që mori pjesë në këtë forum shprehu shqetësimin e tij.

z. Xu Zhuoquan është kryekontrollues i Qendrës Kërkimore të Politikës Kulturore të Hongkongut dhe gjthithashtu arkitekt i famshëm. Ai jep këshilla për administratën dhe sektorët kulturorë të rajonit të posaçëm të Hongkongut. Ai është i mendimit se megjithëse organizimi i Lojërave Olimpike është një rast i mirë, më e rëndësishmja është që të futen Lojërat Olimpike gjysmë-mujore në projektin e përgjithshëm dhe afatgjatë të qytetit dhe të trajtohen në mënyrë racionale dhe objektive Lojërat Olimpike. Ai tha:

"Lojërat Olimpike është një rast i mirë dhe nëpërmjet këtij rasti mund të zhvillojmë shumë gjëra. Por nga ana tjetër, edhe sikur të mos kemi Lojërat Olimpike, këto gjëra prapësëprapë duhet të zvhillohetn. Zhvillimi i qytetit është një objektiv i përhershëm, ndërsa zhvillimi i Lojërave Olimpike është vetëm objektiv i përkohshëm. Pas Olimpiadës, qytet dhe industria ende duhen zhvilluar. Prandaj, për organizimin e Lojërave Olimpike, duhet të mendojmë në radhë të parë nga ana e zhvillimit të qytetit dhe të industrisë dhe të mendojmë si të kombinohet zhvillimi i qytetit me Olimpiadën. Por tani shumë njerëz mendojnë në mënyrë të kundërt. "

Në këtë forum pjesa dërrmuese e specialistëve pjesëmarrës i kushtojnë rëndësi rastit të sjellë nga vet Lojërat Olimpike. Ndryshe nga ata, profesori Jin Yuanpu i Universitetit Renmin të Kinës tregon më shumë vëmendje ndaj zhvillimit urbanistik pas Lojërave Olimpike dhe ndaj ndikimeve afatgjata të Lojërave Olimpike mbi industrinë e krijimtarisë kulturore . Profesori Jin është kryetari i Qendrës Kërkimore të Olimpiadës Humanitare, pranë Universitetit Renmin. Kjo qendër, e krijuar në vitin 2000 ka paraqitur parullën "Bota i jep Kinës 16 ditë, ndërsa Kina i jep botës 5000 vjet", duke shprehur shpresën që nëpërmjet Lojërave Olimpike, bota të njihet me kulturën kineze. Gjatë intervistës për gazetarë, profesori Jin Yuanpu tha:

"Në të kaluarën nuk kemi parasysh marrëdhëniet midis Lojërave Olimpike me ekonominë. Tashmë kuptojmë se ekonomia olimpike është një pjesë përbërëse e rëndësishme e ideologjisë dhe kulturës olimpike. Si të zgjidhet problemi pasolimpiada? Rruga që kemi gjetur tani është zhvillimi i gjithanshëm i industrisë së krijimtarisë, duke përfituar nga rasti i Lojërave Olimpike. Kështu pas Lojërave Olimpike, kjo industri do të ketë një përparim të madh dhe mund të zhvillohet më tej normalisht.

Ky dijetar tha gjithashtu se në historinë e Lojërave Olimpike, disa qytete organizative hasën shumë probleme ekonomike e shoqërore. Mësimet e nxjerra prej tyre duhet të zbatohen nga Pekini. Si një qytet i madh me një popullsi prej 16 milionë vetash dhe i cili ndodhet në periudhën e zhvillimit të shpejtë ekonomik, Pekini do të ketë një perspektivë të mirë nëse do ta kombinojë Lojërat Olimpike me industrinë krijimtarisë kulturore.(Wang Lei)