Dëgjoni

Më 11 korrik sipas orës vendore, në Çmimin e Madh Suprem të Atletikës 2006, të zhvilluar në Lozanë të Zvicrës, atleti kinez Liu Xiang u shpall kampion në garën 110 metra me pengesa për meshkuj, me rezultatin 12 sekonda e 88 qindtat, duke thyer rekordin botëror, prej 12 sekondash e 91 qindtat, të anglezit Kolin Xhakson që kishte mbetur i papreku për 13 vjet.

Në këtë garë, Liu Xiang u ndodh përpara rivalëve shumë të fortë, si amerikanët Tramell e Arnold dhe francezi Dukurei, të cilët zunë korsi të favorshme, përkatësisht të pestën, të katërënt dhe të tretën. Liu Xiang nuk kishte epërsi në renditjen në korsi. Me t'u dhënë shenja e nisjes, Liu Xiang u turr si luan. Pasi kaloi lirisht disa pengesa, ai tregoi aftësi të mirë në sprint dhe i la të tjerët prapa. Nën duartrokitjet e zjarrta, Liu Xiang arriti i pari nëpër pikëmbërritje dhe këtë çast, në ekranin e kohëmatësit u shfaqën shifrat 12 sekonda e 88 qindtat. Lindi rekordi i ri botëror!

Vrapuesi amerikan Arnold e kaloi pikënbërrutheb pak pas Liu Xiang-it. Ai e përfaqoi fort Liu Xiang-in në shenjë urimi. Edhe rezultati i Arnoldit, 12 sekonda e 90 qindtat, then rekordin e mëparshëm botëror. Dy atletë thyen njëkohësisht rekordin botëror në një garë atletike, gjë që është shumë e rrallë dhe e paparë në Çmimin të Madh Suprem në Lozanë. Shumë shpejt, fotografitë e Liu Xiang-it përparë ekranit të kohëmatësit u botuan në media të ndryshme të botës.

Pas garës, Liu Xiang i tha korrespondentit i emocionuar: 

"E kam të vështirë ta besoj! Si një ëndërr. Ky është një rast historik. Në turneun në Paris nuk u shfaqa mirë. Kësaj here në Lozanë isha shumë mbarë qysh nga nisja, por e shtova shpejtësinë që nga pengesa e 5-të."

Gjatë një interviste të dhënë për gazetarë kinezë pas garës, trajneri i Liu Xiang-it, z. Sun Haiping, tha:

"Në garën e sotme, Liu Xiang u shfaq me të vërtetë shumë mirë, prandaj mundi të thyente rekordin. Kisha parashikuar se në turneun në Paris nuk do të kishte rezultat të mirë, por në Lozanë do të arrinte pa tjetër sukses. Pekini është shumë larg nga Parisi dhe Liu Xiang ishte shumë i lodhur nga ndryshimi i kohës. Gjatë këtyre ditëve pasi arritëm në Lozanë, jemi përgatitur me të gjitha forcat për këtë garë, sepse kjo është një garë shumë e rëndësishme. Një kohësisht Lozana është një qytet fatmirë për Liu Xiang-n."

Liu Xiang aktualisht është atleti më i dalluar në Kinë. Procesi i rritjes së tij është një proces i thyerjes herë pas here të rekordeve dhe i hapjes së faqeve të reja të historisë. Në vitin 2002 në Çmimin e Madh Botëror të Atletikës në sallë të mbyllur, rezultati i tij në vrapim 60 metra me pengesa vendosi rekordin aziatik, 7 sekonda e 55 qindtat. Qysh atëherë, Liu Xiang ka rishikuar herë pas here historinë e atletikës së Kinës. Në vitin 2003, në Kampionatin Botëror të Atletikës në sallë të mbyllur ai zuri vendin e 3-të në vrapimin 60 metra me pengesa, duke i dhënë fund historisë të mosfitimit nga Kina të medaljeve në këtë garë që prej 18 vjetësh. Në vitin 2004, përsëri në këtë garë, Liu Xiang theu dy herë me radhë rekordin aziatik të vrapimit 60 metra me pengesa në sallë të mbyllur dhe u shpall nënkampion. Në Lojërat Olimpike 2004 të Athinës, ai fitoi medalje ari në vrapimin 110 metra me pengesa, duke vendosur rekord botëror. Kjo medalje e artë olimpike e Liu Xiang-it është e para medalje ari në atletikë e fituar nga një atlet mashkull kinez në Lojërat Olimpike. Në vitin 2005, në Kampionatin Botëror të Atletikës, Liu Xiang fitoi medalje argjendi me rezultatin 13 sekonda e 08 qindtat, rezultati më i mirë i një atleti kinez në kampionatet botërore. Kësaj here, Liu Xiang theu edhe rekordin botëror.

Trajneri Sun Haiping tha se objektivi afatgjatë i Liu Xiang-it është ruajtja e medaljes së artë në Lojërat Olimpike 2008 të Pekinit. Në periudhën para kësaj, ai do të përmirësojë veten pandërprerë për të ruajtur nivelin e lartë, prandaj nuk ka planifikuar që të thyejë rekord botëror në ndonjë veprimtari. Ai tha:

"Në fakt nuk kemi plan për të thyer rekord botëror në një rast të caktuar, por ndoshta Liu Xiang do të thejë rekord në mënyrë të papritur. Përpara këtyre dy garave në Paris dhe në Lozanë, kemi bërë përgatitje të posaçme. Megjithëse nuk kemi marrë parasysh thyerjen e rekordit, përpiqemi me të vërtetë për të ruajtur njëfarë niveli të lartë në garat e sivjetshme."

Duke u hedhur një vështrim historisë së garave në të cilat ka marrë pjesë Liu Xiang, mund të zbulohet se shumë rezultate të mira, duke përfshirë edhe thyerjen e rekordit botëror të kësaj here, Liu Xiang i ka arritur në Lozanë të Zvicrës. Mund të themi se Lozana është qyteti i fatmirësisë për Liu Xiang. Për këtë, Liu Xiang ka të njëjtin mendimin. Ai tha: "Me të mbërritur në Lozanë, u ndjeva shumë mirë, por nuk e mendoja që mund të thyej rekordin botëror!"

13 korriku është ditëlindja e Liu Xiang-it. Thyerja e rekordit pa dyshim është dhurata më e mirë për veten. Ne shpresojmë se ky atlet i ri kinez do të arrijë suksese më të shkëlqyeshme dhe do t'i sjellë Kinës e botës befasi të mëtejshme. Kemi arsye të besojmë se Lozana është vend fatmirësie i Liu Xiang-it, por nuk do të jetë në asnjë mënyrë pikëmbërritja e tij. (Wang Lei)