dëgjoni

Gazeta kineze "Xinjingbao" njoftoi se nga 21 deri më 28 korrik, do të zhvillohet në qytetin Shenzhen të Kinës jugore Festivali i parë i Artit Modern i Kinës.

Siç bëhet e ditur, koncerti i rokenrollit do të jetë aktiviteti kryesor në këtë festival. 19 grupe të famshme kineze të rokenrollit do të këndojnë në koncert. Edhe këngëtarja e famshme kineze Zhu Zheqin do të zhvillojë koncertin e vet recital në festival.

Në këtë festival do të zhvillohet edhe ekspozita e filmave përfaqësues të 10 regjisorëve të rinj kinezë. Kjo do të jetë hera e parë që shfaqen së bashku në përmasa të mëdha filmat përfaqësues të regjisorëve të rinj kinezë. Krahas këtyre, do të shfaqet në festival edhe drama e regjisorit kinez Zhang Guangtian "Çe Guevara".

Do të zhvillohet në Pekin panairi i zejeve popullore kineze

Korrespondenti i Radios së Jashtme të Kinës njoftoi se më 22 gusht të këtij viti, do të hapet në Pekin Panairi i 3-të i zejeve popullore i Kinës. Panairi do të zgjasë një javë.

Ky panair organizohet nga Shoqata e Artistëve Popullorë e Kinës. Organizatori shpreh shpresën se ky panair do të nxitë mbrojtjen e zejeve popullore kinez. Siç bëhet e ditur, në panair do të ekspozohen skulptura, prodhime porcelani, vegla muzikore etj. të zejtarëve popullorë të mbarë vendit.

U hap në Pekin ekspozita e pikturave të njerëzve me të meta fizike

Korrespondentët e Radios së Jashtme të Kinës njoftuan se më 5 korrik, filloi të zhvillohet në Muzeumin e Kryeqytetit në Pekin ekspozita e pikturave të njerëzve me të meta fizike e Kinës.

Tema kryesore e kësaj ekspozite është "E njëjta ëndrra". 200 vepra të ekspozitës u zgjodhën nga më se 500 vepra të piktorëve me të meta fizike të mbarë vendit duke pasqyruar plotësisht talentin artistik dhe vullnetin e fortë të tyre.

Kjo ekspozitë është një nga aktivitetet e Festivalit të 4-t të Kulturës Olimpike "Pekin 2008".

Do të krijohet në Pekin Instituti i Cervantesit

Gazeta kineze "Beijingyulexinbao" njoftoi se më 14 korrik, do të zhvillohet në Pekin ceremonia e krijimit të Institutit të Cervantesit ? qendrës së parë të vendeve të spanjishtfolëse në Kinë.

Siç bëhet e ditur, Instituti i Cervantesit i Pekinit do të bëhet qendra e kulturës spanjolle më e madhe në Azi. Krahas zhvillimit të kursit të gjuhës spanjolle, instituti do të zhvillojë edhe aktivitete të ndryshme kulturore për të zgjeruar shkëmbimet kulturore midis Kinës dhe Spanjës.

Në vitin 2005, Kina dhe Spanja nënshkruan marrëveshjen e "krijimit të qendrave kulturore në të dy vendet". Sipas marrëveshjes edhe Kina do të krijojë qendrën e vet kulturore në Madrid. (Fani)