dëgjoin

Përfundoi para dy ditëve Kupa e Botës në futboll në Gjermani. Përgjatë një muaji, tifozët e futbollit të mbarë botës shijuan ndeshjet e mrekullueshme. Megjithëse tifozëve kinezë u erdhi keq që ekipi kinez nuk hyri në finalet e Kupës së Botës, prapëseprapë në Kupën e Botës në Gjermani nuk munguan elemente kineze. Në programin e sotëm do t'ju flasim për këtë.

Ish-zv/kryetari i Shoqatës së Futbollit të Kinës, Zhang Jilong, si anëtar i Komitetit Organizativ të këtij botërori, mori pjesë aktivisht në punët përgatitore dhe organizative. Krahas funksionarit të nivelit të lartë, ndër personat në shërbim të këtij botërori u dukën edhe fytyrat e shumë kinezëve. Në qëndrat e informacioneve, dyqane të mallrave zyrtare përkujtimore dhe në qendra të sherbimit, shiheshin shpesh vullnetarë kinezë. Me rastin e pushimeve verore të universiteteve gjermane, studenti kinez Wang Yu, që studion në Universitetin Gote në Frankfurt, u bë për fat të mirë një vullnetar i Kupës së Botës. Ai tha:

"Vullnetarët e Kupës së Botës u zgjodhën me seriozitet të madh. Vetëm në Frankfurt u regjistruan mbi 35 mijë veta për konkurrim. Prandaj ndihem i prehur dhe krenar që u zgjodha ndër ta si vullnetar. Unë studioj në Gjermani, pra mund të flas lirisht gjermanisht. Plus flas anglishten dhe kinezishten, pra mund t'u shërbeja me të gjitha përpjekjet tifozëve, veçanërisht ne tifozëve kinezë."

"Kontaktet e ngushta" të kinezëve me Kupën e Botës nuk u kufizuan vetëm në punët organizative dhe shërbyese, disa të tjerë morën pjesë edhe në aktivitete të ndryshme të Kupës së Botës. Pianisti i ri dhe i famshëm kinez Lang Lang mori pjesë në Koncertin për Kupën e Botës, të zhvilluar në qershor të këtij viti në Gjermani. Shfaqjet e tij me emocion i njohën spektatorët e mbarë botës me forcën tërheqëse të artistit kinez.

Krahas këtij, 4 tifozë fëmijë nga Pekini, Shangai, Guangzhou dhe Chongqing, si përfaqësues të fëmijëve kineze, morën pjesë në këtë botëror me statusin e shoqëruesit të lojtarëve. Ata së bashku me mbi 1400 tifozë të tjerë fëmijë nga 46 vende e rajone të botës, hipën në arenën e Kupës së Botës, dorë për dorë me "heronj futbolli" në zemrën e tyre.

Zhvillimi i futbollit nuk ndahet nga përkrahjet e tifozëve. Pavarësisht nga mungesa e ekipit kinez në këtë botëror, tifozëve kinezë nuk u mungon as pak pasioni ndaj Kupës së Botës. Me zhvillimin ekonomik të Kinës, janë shtuar edhe të ardhurat e kinezëve. Një pjesë tifozësh kinezë nuk mjaftohen me shikimin e ndeshjeve futbollistike përpara ekranit televiziv por shkuan në Gjermani për të shijuar nga afër atmosferën e botërorit. Qysh nga fundi i vitit të kaluar, disa agjenci turistike hartuan një sërë programesh turistike lidhur me botërorin dhe gjetën shpejtë përgjigje të ngrohtë. Sipas personalitetit të sektorit turistik të Kinës, numri i tifozëve kinezë që shkuan në Gjermani i kaloi 4 mijë. Kësaj here, familja me 3 veta e zotit Guo Xiaodui, nga qyteti Shi Jiazhuang të provincës Hebei, shkoi në Gjermani posaçërisht për shikimin e ndeshjeve të botërorit. Ai tha:

"Mendoj se në Kupën e Botës nuk mund të mungojmë ne kinezët, në fund të fundit në Kinë ka një numër të madh të tifozëve. Kupa e Botës zhvillohet një herë në 4 vjet, pra erdhëm së bashku me gruan dhe djalin, që të ndiejmë nga afër atmosferën e botërorit. Më vjen shumë mirë me të vertetë dhe më tej kuptova se futbolli kinez nuk mund të krahasohet me atë të huaj, nga ana kulturore dhe nga baza e futbollit në publik."

Duke folur për përshtypjet për kinezët në këtë botëror, një nga përgjegjësit për ndeshjet në Frankfurt, z. Matias Czeikouiz tha:

"Këtu pashë shumë tifozë kinezë. Pjesa dërrmuese prej tyre janë veshur me bluzat e ekipit që përkrahin, duke mbajtur në dorë flamur. Ata i shijuan ndeshjet ashtu si tifozët e ardhur nga vende të tjera. Shpresoj se ekipi kinez do të futet në Kupën e Botës 2010 në Afrikën e Jugut, sepse pa dyshim futbolli dhe tifozët kinezë janë pjesë e rëndësisht me përbërëse e futbollit botëror."(Wang Lei)