dëgjoni

Më 9 korrik në finalen e tenisit si çift për femra të garës "Uimbledon Open", tenistet Zheng Jie/ Yan Zi mundën kundërshtaret me rezultatin 2:1 dhe fituan për herë të parë kupën e turneut "Uimbledon Open". Kjo është gjithashtu kupa e dytë e garave të "Titullit të Madh", që ato fituan pas asaj të turneut "Australian Open" në fillim të këtij viti. 

Në Lojërat Olimpike 2004 të Athinës, tenistet kineze Li Ting/ Sun Tiantian u shpallën kampione olimpike si çift për femra, gjë që habiti të gjithë botën dhe i njohu njerëzit me progresin e tenisit në Kinë si dhe me potencialin e tenistëve kinezë. Gjatë dy vjetëve pas Lojërave Olimpike të Athinës, prapësëprapë janë të papritura përparimet aq të shpejta të lojtareve kineze, që vetëm në 2 vjet, u shpallën kampione edhe në turne të "Titullit të Madh", të nivelit më të lartë se Lojërat Olimpike.

Turnetë e "Titullit të Madh" përbëhen nga 4 turne të famshme që zhvillohen përgjatë gjithë vitit, si "Australian Open", "French Open", "Uimbledon Open" dhe "US Open", të cilat janë garat e tenisit më të vjetra, të nivelit më të lartë dhe me konkurrencën më të ashpër në botë dhe përfaqësojnë nivelin më të lartë të tenisit botëror. Në turneun "Australi Open" në janar të këtij viti, tenistet Zheng Jie/ Yan Zi u shpallën kampione si çift. Më vonë, ato u shpallën kampione edhe në turneun "Gjermani Open", turne i nivelit të parë i WTA-së, duke u klasifikuar në vendin e 10-të në botë si çift. Në turneun "Francë Open" të majit, Zheng Jie/ Yan Zi hynë në gjysmëfinale. Ndërsa në garën "Uimbledon Open", që sapo përfundoi, ato u shpallën kampione edhe një herë, duke shënuar rezultatin më të mirë të tenisit kinez në turneun "Uimbledon Open". Tani për organizatorët e garave të "Titullit të Madh" dhe për tenistët e famshëm në botë, tenistet kineze nuk janë më të panjohura.

Pas shpalljes kampion të çiftit kinez në Uimbledon, mediat evropiane bënë përkatësisht komente dhe vlerësuan lart rezultatet e mrekullueshme të tenisteve kineze. Korrespondentja e radios sonë në Angli, Zhao Yang raportoi për turneun "Uimbledon Open". Ajo tha:

"Kanali televiziv evropian 'Sport Europian' komentoi se ky çift kinez demonstron me të vërtetë potencialin botëror të kinezëve. Faktet tregojnë se nuk ishte rastësor e që çifti Zheng Jie/ Yan Zi u shpallën kampione këtë vit në garën 'Australian Open'. Ky çift kinez është i aftë edhe në fushën me bar dhe në turneun e mëparshëm 'French Open' ato arritën gjithashtu rezultate të mira. Kina është bërë një vendi i fortë për tenisin si çift. Qarqet ndërkombëtare të tenisit duhet t'i kushtojnë rëndësi tenisit kinez. Kinezet po krijojnë strukturën e re të tenisit botëror dhe epërsitë e tyre po shtohen. Një tifoz i turneut 'Uimbledon Open' tha se ato luajtën mrekullisht dhe veçanërisht në setin e tretë, ato treguan vetëbesim të madh dhe karakter sulmues."

Në disiplinën si çift për femra, tenisi i Kinës pa dyshim ka arritur në nivelin botëror. Njëkohësisht në disiplinën si individ për femra, me konkurrencë më të ashpër, tenistet kineze kanë pasur përparime të dukshme. Në garën "Autralian Open" të vitit 2005, duke parë faktin se 6 teniste kineze si individ hynë në ndeshjet zyrtare, veterania amerikane, që atëherë u klasifikua në vendin e parë në botë, Lindsei Davenport, u shpreh: "Erdhën kinezet!". Në turneun e sivjetshëm "Uimbledon Open", lojtarja kineze Li Na hyri në 8 vendet e para, gjë që shënoi një faqe të re të tenisit kinez. Në këtë garë, ajo mundi njëra pas tjetrës shumë lojtare të njohura, si Kuznecovën e Rusisë, etj. Para kësaj, Li Na u përcaktua si vendi i 30-të në botë si individ, gjë që shënoi gjithashtu rekord për Kinën. Krahas asaj, edhe lojtare të tjera kineze si individ, si Zheng Jie, Peng Shuai etj. kanë pasur përparime të qëndrueshme.

Për rezultatet e dukshme të tenisteve kineze në turnetë e "Titullit të Madh" dhe kualifikimin botëror, trajneri kryesor i ekipit kombëtar të tenisit të Kinës Jiang Hongwei shprehu shpresën që lojtaret kineze do të ruajnë këtë tendencë të fuqishme në garat e ardhshme. Ai tha:

"Për tenisin kinez për femra si çift, ngritja në klasifikim në 10 vendet e para të botës dhe renditja si individë në 30 vendet e para të botës janë një përparim i dukshëm. Kjo është një prirje e mirë dhe shpresoj se në garat të mëdha të ardhshme do të vazhdojmë të arrijmë rezultate të mira."

Pse tenistet kineze arritën të shpallen kampione të "Titullit të Madh" brenda një kohë aq të shkurtër? Arsyeja kryesore është këmbëngulja në rrugën e profesionalizimit, d.m.th. pjesëmarrja plotësisht dhe shpesh në garat profesioniste të WTA-së. Në të kaluarën, qarqet ndërkombëtare të tenisit pranonin se lojtaret kineze kanë teknikë të mirë, por atyre u mungonte përvoja e turneve të mëdha. Nëpërmjet stërvitjeve në turne profesioniste nga viti 2004 deri më 2006, tenistet kineze u shpallën më se një herë kampione të turnetë e "Titullit të Madh". Potenciali i tyre i ka lënë përshtypje të thellë të gjithë botës. Në të kaluarën tenistet e nivelit të lartë nuk zgjidhnin lojtaret kineze si partnere stërvitjeje, por tani shumë teniste të njohura, duke përfshirë tenisten e famshme të zvicerane Martina Hingis, që u radhit në vendin e parë në botë, kanë shumë qejf të bëjnë stërvitje me tenisten kineze. Me stërvitjet dhe ndeshjet e vazhdueshme me teniste e nivelit të lartë, tenisi i Kinës hyri në një cikël të mirë.

U ngrit vendi i tenisit të Kinës në turnetë e "Titullit të Madh", po njëkohësisht qarqet e tenisit të Kinës i kanë kushtuar rëndësi më të madhe ngritjes së potencialit thelbësor të lojtarëve kinezë. Trajneri kryesor Jiang Hongwei theksoi:

"Thuhet se rezultatet tona të mira në të kaluarën u arritën nga faktorë të rastësishëm. Tani po e shndërrojmë këtë rastësi në domosdoshmëri, në potencialin e vërtetë." (Wang Lei)