Pak kohë më parë, në mbledhjen vjetore të Forumit Aziatik të Boaos të vitit 2006 funksionarët e dikastereve përkatëse qeveritare të Kinës, drejtuesit e ndërmarrjeve shtetërore kineze, si dhe sipërmarrësit e shoqërive shumëkombëshe zhvilluan diskutime rreth kontributit dhe rolit të të krijimit të pavarur të të rejave në zhvillimin e ndërmarrjeve shtetërore kineze. Ata shprehën mendimin se krijimi i pavarur i të rejave është bërë forcë dinamike e zhvillimit të ndërmarrjeve shtetërore dhe e ka forcuar pandërprerë aftësinë e tyre konkurruese në tregun e brendshëm dhe të jashtëm.

Ndërmarrjet shtetërore kineze janë forca kryesore e ekonomisë, që vendos fatin e ekonomisë kombëtare. Ndër 18 ndërmarrjet kineze që përfshihen në 500 ndërmarrjet më të fuqishme në botë, 15 janë ndërmarrje shtetërore. Qeveria kineze i kushton vëmendje të madhe ngritjes së aftësisë së krijimit të pavarur të të rejave të ndërmarrjeve të mëdha shtetërore. Lidhur me këtë, nënkryetari i Komitetit të Kontrollit dhe të Administrimit të Pasurive Shtetërore pranë Këshillit të Shtetit të Kinës z. Wang Ruixiang tha:

"Ndërmarrjet janë motor dhe forcë kryesore e krijimit autonom të të rejave. Kyçi i ndërtimit të një vendi të tipit të ri është forcimi i vendit kryesor të ndërmarrjeve në krijimin e pavarur të të rejave dhe formimi i një sistemi për të krijuar të rejat teknike. Ndërmarrjet e mëdha shtetërore janë angazhuar me detyra të rëndësishme në planin shtetëror afatgjatë dhe afatmesëm dhe në objektet kryesore tekniko-shkencore."

Z. Wang tha se pas zhvillimit shumëvjeçar, është shtuar dukshëm aftësia e krijimit të pavarur të të rejave dhe e zhvillimit teknik të këtyre ndërmarrjeve dhe janë arritur shumë rezultate të reja teknike. Gjatë 5 vjetëve të kaluar, sasia e patentave të kërkuar nga ndërmarrjet e mëdha shtetërore u rrit 28% çdo vit, ndërsa sasia e patentave që kërkuan këto ndërmarrje në vitin 2005 i kaloi të 10 mijët. Në të njëjtën kohë është forcuar dukshëm edhe aftësia e krijimit të të rejave në sistemin e administrimit të këtyre ndërmarrjeve.

Vitet e fundit është zhvilluar shumë shpejt Kompania Oqeanike e Kinës, një ndërmarrje e madhe shtetërore e lundrimeve detare dhe e furnizimit me mallra, e krijuar para 45 vjetëve. Drejtori i përgjithshëm i kësaj kompanie, z. Wei Jiafu, tha në fjalimin e tij të mbajtur në mbledhjen vjetore të Forumit Aziatik të Boaos të vitit 2006, se kompania e tij i kushton vëmendje të madhe aftësisë së krijimit të të rejave në administrimin e kompanisë:

"Për të realizuar vetëzhvillimin, kemi krijuar strukturën e administrimit të kompanisë në përputhje me kërkesat e tregut."

Sot, Kompania e Lundrimeve Oqeanike e Kinës është shndërruar në një ndërmarrje komplekse ndërkombëshe me mbi 600 anije tregtare moderne, me një tonazh të përgjithshëm prej 35 milionë tonësh dhe me njëvëllim vjetor të transportimit të mallrave prej 300 milionë tonësh. Kjo ndërmarrje jo vetëm administron dhe zhvillon biznes me anijet e saj oqeanike të konteinerëve, të mallrave të pa pakëtuara, të transportit të posaçëm, të cisternave etj. në qytetet Guanzhou, Shanghai, Tiencin, Qingdao, Dalien, Siamen e Hongkong, por i ka zgjeruar shërbimet e saj edhe në Japoni, Korenë e Jugut, Singapor, Amerikën Veriore, Evropë, Australi, Afrikën e Jugut etj., duke krijuar një rrjet ndërkombëtar të biznesit në zonat kryesore të botës. Anijet dhe konteinerët me shenjën e kësaj kompanie "COSCO" hyjnë dhe dalin në mbi 1300 porte të 160 vendeve dhe rajoneve të botës.

Duke folur për përvojën e suksesit të kompanisë së vet, z. Wei tha se krijimi i pavarur i të rejave është forcë dinamike e zhvillimit të shpejtë të kompanisë. Kompania e tyre ka marrë dhe rikrijuar një sistem të përparuar të informacionit financiar dhe ka krijuar një sistem modern të administrimit të ndërmarrjes, duke hedhur një bazë për zhvillimin në të ardhmen të kompanisë. Ai tha:

"Për rritjen dhe zhvillimin e ndërmarrjeve, jo vetëm duhet të krjijohen të rejat teknike për të ngritur rendimentin e prodhimit, por duhet të ketë edhe mendime dhe sistem të ri administrativ për të shtuar aftësinë konkurruese të ndërmarrjeve në treg."

Fitimet vjetore të kësaj kompanie në vitin 1998 ishin 500 milionë juanë, ndërsa në vitin 2005 kjo shifër arriti në 20 miliardë juanë, duke u rritur 40 herë.

Krahas forcimit të aftësisë së krijimit të pavarur të të rejave, është forcuar pandërprerë aftësia konkurruese e ndërmarrjeve kineze në tregun ndërkombëtar. Rezultatet e arritura nga ndërmarrjet shtetërore kineze në vetëzhvillimin nëpërmjet krijimit të pavarur të të rejave kanë tërhequr vëmendjen e shumë kompanive shumëkombëshe. Krahas pohimit të arritjeve të ndërmarrjeve kineze, ato u kanë paraqitur edhe disa propozime. Lidhur me krijimin e të rejave teknike të ndërmarrjeve të mesme dhe të vogla kineze, drejtori i përgjithshëm i Kompanisë së madhe shumëkombëshe të produkteve të posaçme kimike me cilësi të lartë "Degussa", z. Utzhellmuth Felsht propozoi që Kina të inkurajojë shkollat e larta të luajnë rol të mëtejshëm në krijimin e të rejave teknike:

"Në Kinë shkollat e larta janë burime të mëdha. Kompania jonë duke shfrytëzuar pikërisht këto burime ka vendosur në qytetine Shangait një qendër studimi dhe zhvillimi. Unë jam i mendimit se ndërmarrjet shtetërore të mesme dhe të vogla mund të studjojnë dhe të prodhojnë produkte të reja duke marrë ndihma nga këto shkolla të larta."

Në mbledhjen vjetore të Forumit Aziatik të këtij viti, pjesëmarrësit ishin gjerësisht të mendimit se ndërmarrjet shtetërore kineze, si forcë kryesore e ekonomisë kombëtare, duhet të krijojnë një model të ri zhvillimi, të ngrenë cilësinë e zhvillimit, të shtojnë forcën ndikuese të ekonomisë shtetërore, të ndërthurin krijimin e të rejave strukturore, administrative dhe teknike, në mënyrë që krijimi i pavarur i të rejave të jetë me të vërtetë forcë e madhe dinamike e zhvillimit të ndërmarrjeve shtetërore kineze. (Pina)

.