"Stacioni De Lingha është ndërtuar veçanërisht për mbarimin e ndërtimit të hekurudhës Qinghai-Tibet. Kështu që janë rezervuar vende të mjaftueshme për shitjen e biletave,"- tha duke buzëqeshur drejtori i këtij stacioni Cao Jinzhong. "Hekurudha Qinghai-Tibet në të ardhmen do të bëhet një "linjë e artë" dhe do t'i sjellë shumë shanse zhvillimi stacionit De Lingha. Ne jemi përgatitur për këto gjëra."

Për shkak të mbarimit të ndërtimit të hekurudhës Qinghai-Tibet, tani jo vetëm stacioni De Lingha por edhe zonat ku banojnë pakicat kombëtare tibetiane dhe mongole të provincës Qing Hai janë përgatitur për planet e zhvillimit të tyre.

Në vitin 1984, segmenti "Xi Ge" (nga Xi Ning deri në Ge Ermu) i hekurudhës Qinghai-Tibet u vu në shfrytëzim dhe stacioni De Lingha u bë një nga stacionet e kësaj hekurudhe. De Lingha, në gjuhën mongole do të thotë "kullota me ngjyrë ari".

De Lingha dhe Hai Xizhou janë dy thesare të pellgut "Chai Damu". Këtu ka shumë minerale, si qymyrgur, hekur, alkal, kripë, dhe ka panorama të bukura si male me dëborë, liqene të thella, livadhe dhe relievet "Ya Dan" etj.

Duke transportuar qymyrgurin e nevojshëm për në Tibet, në Hai Xizhou është formuar një vëllim shumë i madh i prodhimit të qymyrgurit. Me qëllim që të tërheqë mineralet e pasura të Tibetit, në Hai Xizhou është krijuar posaçërisht një zonë e përpunimit të tyre. Për të mirëpritur vizitorët, në De Lingha janë ndërtuar shumë hotele dhe objekte të tjera infrastrukturore.

Për mendimin e zv-sekretarit të partisë komuniste të Hai Xizhou-s, Ba Yangqian, mbarimi i ndërtimit të hekurudhës Qinghai-Tibet do të thotë se vija hekurudhore e De Lingha-s është zgjatur drejt perëndimit më shumë se 1400 kilometra dhe simbolizon ardhjen e shanseve të zhvillimit.

"Në vitin 1984, kur segmenti "Xi Ge" u vu në shfrytëzim, kishim dëshirë që kjo hekurudhë të zgjatej deri në Lhasa. Tani shpejtësia e kësaj hekurudhe ka arritur në 120 kilometra dhe shpresojmë se edhe zhvillimi i Hai Xizhou-t dhe i De Lingha-s do të shpejtohet,"-tha Ba Yangqian me besim të plotë.

Hekurudha Qinghai-Tibet ka lidhur lindjen me perëndimin, kështu që Xi Ning, Hai Dong, Ge Ermu, Na Qu, Dang Xiong, Lhasa dhe vende të tjera buzë kësaj hekurudhe kanë besim të plotë për planifikimin e ri për zhvillimin e tyre. Shtyllat e tyre janë përpunimi i mineraleve dhe lëndëve industriale, turizmi, tregtia e jashtme dhe e brendshme etj.

Një këngë e quajtur "Në një vend të largët" i paraqit vendet buzë hekurudhës Qinghai-Tibet si vende kufitare misterioze dhe të veçuara. Ndërsa tani këto vende do të zhvillohen shumë shpejt. (U Sen)