dëgjoni

Korrespondentja e Radios së Jashtme të Kinës njoftoi se më 28 qershor, u zhvillua në Pekin forumi "Lojërat Olimpike dhe filmi". Ky forum është një nga aktivitetet e "Javës Ndërkombëtare të Fimave Sportivë të Pekinit".

Tema kryesore e forumit është "Fimi kinez u kushton vëmendje Lojërave Olimpike". 10 regjisorë të famshëm kinezë dhe 200 studentë të Universitetit të Filmit të Pekinit shkëmbyen mendime për gjendjen e zhvillimit të filmave sportivë kinezë dhe zhvillimin e ardhshëm të filmave sportivë.

Qysh nga vitet '50 të shekullit të kaluar, Kina ka xhiruar shumë filma sportivë, ndër të cilët ka shumë vepra të shquara si "Basketbollistja Nr. 5", "Syri i zi" etj.

Do të zhvillohet në Gulangyu Festivali i Pianos

Korrespondentja e Radios së Jashtme të Kinës njoftoi se nga 31 korriku deri më 7 gusht të këtij viti, do të zhvillohen në Gulangyu të qytetit Xiamen të Kinës jugore Festivali i 3-të i pianos dhe konkursi pankinez i pianos për fëmijë.

Siç bëhet e ditur, në konkursin e pianos do të marrin pjesë 168 fëmijë, numër që shënon rekord të ri historik.

Gulangyu është një ishull me histori të lashtë muzikore dhe quhet edhe "ishulli i muzikës". Në vitin 2002, filloi të zhvillohet Festivali i pianos i Gulangyut.

U hap ekspozita e veprave të skulptorit kinez Wu Weishan

Korrespondentja e Radios së Jashtme të Kinës njoftoi se më 4 korrik, u hap në Galerinë e Arteve Figurative të Kinës në Pekin ekspozita e veprave të skulptorit kinez Wu Weishan.

Në këtë ekspozitë janë vendosur më se 80 vepra të Wu Weishanit, shumica prej të cilave janë skulptura të personaliteteve të famshme të kulturës kineze si Konfuci etj.

44-vjeçari Wu Weishan është drejtor i Institutit të aspirantëve të arteve figurative të Universitetit të Nankinit. Ai ka krijuar afro 300 skulptura të personaliteteve të famshme të kulturës kineze. Ai është njëkohësisht edhe i vetmi artist aziatik në Shoqatën Mbretërore të Skulptorëve të Anglisë.

Do të botohet versioni i rishikuar i novelës "Xiongnu"

Gazeta kineze "Xinjingbao" njoftoi se do të botohet së shpejti versioni i rishikuar i novelës së shkrimtarit kinez Gao Jianqun "Xiongnu".

Në vitin 1993, u botua versioni i parë i novelës "Xiongnu" dhe u shitën 1 milion kopje të saj.

Xiongnu ishte një nga kombësitë endacake në veri të Kinës së lashtë e cila krijoi shtetin e parë skllavopronar të kombësisë endacake. Shteti "Xiongnu" e njohu lulëzimin e vet në shekullin e 3-të para erës sonë dhe u rrëzua në shekullin e parë. (Fani)