dëgjoni

Kupa e 19-të e Botës në futboll që po zhvillohet në Gjermani po i afrohet periudhës së fundit. Si janë ndier tifozë kinezë gjatë ndjekjes së ndeshjeve të këtij botërori?

Të dashur dëgjues, ndoshta nuk kuptoni çfarë po thotë ky komentator televiziv kinez, por nga toni i zëri të tij çdo njeri mund të ndiejë ngacmim dhe emocion. Duke u shoqëruar me komente të tilla, pjesa dërrmuese e tifozëve kinezë të futbollit, që panë ndeshjet e Kupës së Botës në televizion, janë zhytur thellë në gëzim dhe pasion, pavarësisht nga mungesa e ekipit kinez në Kupën e Botës. Futbolli është natyrisht një sport botëror dhe në botën e futbollit janë kapërcyer pengesat e gjuhës, kulturës, konbësisë dhe politikës. Të gjithë tifozët e botës, duke përfshirë edhe tifozë kinezë, mund të ushqejnë të njëjtat ndienja për futbollin.

26 vjeçari redaktor i librave, Cheng Degang është një tifozë i tillë. Në vitin 1986 gjatë Kupës së Botës në Meksikë, ai filloi të admirojë ekipin italian. Në vitin 1990 Kupa e Botës u zhvillua në Itali dhe asaj here ai u mahnit rrënjësisht nga teknika e mrekullueshme e yjeve italiane, si Roberto Baxhio dhe Franko Barezi. Gjatë botërorit të këtij viti, ai ka ndjekur me vëmendje përsëri ekipin italian. Sipas tij, një tifoz i vërtetë ushqen ndjenjë të pastër e të thjeshtë gjatë shikimit të ndeshjeve të futbollit. Ai tha:

"Pavarësisht nga mungesa e ekipit kinez në botëror dhe nga ndryshimi 6-orësh i kohës midis Kinës dhe Gjermanisë, një tifoz i vërtetë nuk heq dorë nga shikimi i ndeshjeve të botërorit. Në krahasim me botërorin e para 4 vjetëve në Korenë e Jugut dhe në Japoni, kësaj here është më i paktë numri i shikuesve kinezë që i ndjekin ndëshjet përpara televizorit, por tifozi i vërtetë e ndjek pa tjetër botërorin edhe natën. Në fakt, netve vonë e shijoj më mirë festën e futbolli."

Jo vetëm tifozët kinezë meshkuj po e shijojnë botërorin me një dashuri të pastër ndaj futbollit, por edhe shumë femra kineze kanë interes të madh për futbollin dhe botërorin. 21 vjeçarja Yan Shiyi është studente në vitin e 3-të në Universitetin e Hunanit, në jug të Kinës. Ajo filloi të kishte kontakt me futbollin qysh para 4 vjetëve. Nëpërmjet ekranit të televizorit, ajo ka shikuar ndeshjet e dy botërorëve dhe të një Kampionati Evropian të Futbollit. Krahas ekipit kinez, asaj i pëlqen më shumë ekipi i Çekisë. Megjithëse ekipi kinez mungon në këtë botëror dhe ekipi çek u eliminua në ndeshjet në grup, ajo përsëri vazhdoi të ndjekë ndeshjet e mëtejshme të botërorit në mesnatë. Ajo tha:

"Personalisht më pëlqen ekipi i Çekisë, por më vjen keq që ai u eliminua në ndeshjet në grup. Për sa u përket ekipeve të tjera të forta, kam interes për ekipin e Anglisë dhe atë të Francës, por loja e tyre nuk ka qenë shumë tërheqëse. Më pëlqen shumë sporti i futbollit dhe mendoj se i tillë është ky sport, që ekipet e forta kualifikohen për më tej megjithëse ndeshjet e tyre nuk janë mjaft të mrekullueshme. Ndoshta kjo është pikërisht forca tërheqëse e ekipeve të forta. Në botëror gara zhvillohet midis ekipeve të nivelit të lartë, prandaj unë duhet ta ndjek atë."

Edhe shumë tifozë, që nuk janë aq të vendosur si zoti Cheng dhe zj. Yan, që përmendëm më sipër, kanë ndjekur botërorin në forma të ndryshme. Ndoshta ata nuk kanë parë çdo ndeshje përpara televizorit dhe ndoshta nuk përkrahin ose parapëlqejnë ndonjë ekip të posaçëm, por prapëseprapë botërori u ka sjellë gëzim. Punonjësi 32- vjeçari i një kompanie, Liang Ziming është një tifoz i tillë. Ai i tha korrespondentit se gjatë 5 ditëve të punës, ai ka parë vetëm një pjesë ndeshjeje çdo natë dhe vetëm në fundjavë ka ndjekur tërë ndeshjen. Megjithëse duket pak a shumë "i pazellshëm", z. Liang mendon se pas këtij botërori, ai do të jepet pas futbollit me të vërtetë. Ai tha:

"Kam vetëm një njohje të përgjithshme për futbollin, pra në kujtesën time kanë mbetur vetëm disa ekipe të famshme e të forta. Gjatë këtij botërori zbulova se loja e disa ekipeve i kaloi parashikimet e mia, si p.sh. ekipi i Bregut të Fildishtë, ekipi i Ganës e gjithashtu ekipi i Australisë. Kisha përshtypjen se ato nuk janë ekipe të forta, por paraqitja e tyre në botëror është e mrekullueshme dhe më kanë tërhequr shumë."

Tifozët kinezë sigurisht ndiejnë keqardhje për mospjesëmarrjen e ekipit kinez është por ata përsëri i shijojnë pasionin e emosionet që sjell Kupa e Botës, sepse futbolli vetë është një "gjuhë" botërore. (Wang Lei)