dëgjoni

Organizimi i Lojërave Olimpike ka qëllim jo vetëm që të zhvillohet konkurrencë në fushën sportive midis sportistëve të dalluar të vendeve të ndryshme, por edhe që të përhapet lëvizja sportive dhe të tërhiqet pjesëmarrja e sa më shumë njerëzve, të cilët do të kenë shëndet të mirë. Gjithashtu synimi i Festivalit të 4-t të Kulturës Olimpike të Pekinit, që u hap disa ditë më parë, është pikërisht përhapja e shpirtit të Olimpiadës, pjesëmarrja masive etj.

Ditët e fundit, Shoqata e Popullit Kinez për Miqësinë me Vende të Tjera e qytetit të Pekinit organizoi në pjesën Juyong Guan të Murit të Madh Kinez një mbledhje festive të qytetarëve ndërkombëtarë me titull: "Olimpiada në Kinë, Stërvitja e Mëngjesit në Pekin". Si pjesë përbërëse e Festivalit të 4-t të Kulturës Olimpike të Pekinit, në këtë aktivitet morën pjesë shumë qytetarë pekinas, titullarë diplomatikë të akredituar në Kinë si dhe miq të huaj që erdhën në Pekin posaçërisht për pjesëmarrjen në këtë aktivitet.

Ndër miq të huaj që morën pjesë në këtë aktivitet, disa janë anëtarë të Shoqatës Miqësore të Ushtrimeve Gjimnastikore Taiji të Japonisë. Pavarësisht nga sfonde të ndryshme kulturore, këta miq japonezë parapëlqejnë ushtrimet gjimnastikore Taiji, këtë sport të lashtë dhe gjithashtu në modë.

27 vjaçarja japoneze Taeri Hitai është punonjëse e një kompanie në Tokjo. Ajo ka një veprimtari prej 3 vjet e gjysmë në ushtrimet gjimnastikore Taiji. Në fillim gjatë procesit të mësimit të gjuhës kineze, ajo lexoi prozë tregimtare luftarake të gjuhës kineze dhe admiroi pamasë luftarët që zotërojnë ushtrimet gjimnastikore Taiji, kështu asaj i lindi mendimi që të mësojë këto ushtrime.

Kësaj here në Pekin, duke parë pallate e stadiume sportive olimpike në ndërtim, Hitai shprehu gëzim që mund të ndjekë nga afër atmosferën e zjarrtë e Pekinit për Lojërat Olimpike. Duke folur për Lojërat Olimpike 2008 në Pekin, Hitai tha se edhe japonezët e presin atë plotë shpresë.

"Edhe ne japonezët presim Lojërat Olimpike të Pekinit, sepse Japonia është fqinj i Kinës dhe ka vetëm 1 orë ndryshim të kohës, kështu do të shikojmë pa shqetësim garat olimpike."

Pjesëmarrja e miqve të huaj që preferojnë kulturën kineze, ashtu si zj. Taeri Hitai, është një karakteristikë e dukshme e kësaj mbledhje festive. Lidhur me këtë, funksionari i Drejtorisë Shtetërore të Sportit të Kinës, z. Li Jie tha:

"Kjo mbledhje festive karakterizohet me pjesëmarrjen e miqve të huaj. Kjo na solli një koncept që stërvitja gjimnastikore masive në pritje të Lojërave Olimpike është jo vetëm për kinezët, por duhet të krijohen kushte edhe për të huaj që punojnë dhe jetojnë në Kinë. Lojërat Olimpike të Pekinit do të japin kontribut për popuj të vendeve të ndryshme."

Z. Li Jie tha se Drejtoria Shtetërore e Sportit e Kinës dhe Komisioni Organizativ i Lojërave Olimpike të Pekinit orvaten të krijojnë në publik një atmosferë të stërvitjes gjimnastikore masive, duke përfituar nga rasti i pritjes së Lojërave Olimpike 2008.

Në terrenin ku u organizua aktivitet festiv, një armatë e shfaqjes së erashkës Taiji ka tërhequr vëmendje të publikut. Kjo është grupi sportiv i të moshuarve nga një lagje e distriktit Chaoyang të Pekinit. Megjithëse grupi përbëhet nga të moshuarit mbi 60-vjeçar, fryma e tyre të gjallëruar dhe lëvizja e tyre uniforme fituan duartrokitje të herëpasherëshme të shikuesve. I moshuari Wang është njëri prej tyre.

I moshuari Wang ka ngulur këmbë në stërvitje të mëngjesit për disa vjet me radhë. Ai shprehu gëzim që miq të huaj morën pjesë në këtë mbledhje festive dhe shpresoi të shkëmbente me ta stërvitje gjimnastikore. Lagjia ku banon i moshuari Wang ndodhet afër Fshatit Olimpik të Lojërave Olimpike të Pekinit. Ai krenohet për këtë dhe shpresoi se nëpërmjet shfaqjes së tij do të demonstrohet shpirti i kinezëve përpara miqve të huaj. Si pekinas, i moshuari Wang shprehu urime të bukura nga një banorë i thjeshtë kinez për Lojërat Olimpike të Pekinit.

"Shpresoj se Lojërat Olimpike të Pekinit do të jenë në nivelin e parë dhe më të mirat në botë. Besoj se ato do të zhvillohen me sukses."(Wang Lei)