Në Zhong Tang të Dong Guan-it po ndërtohet një qendër logjistike

Në Zhong Tang të Dong Guan-it po ndërtohet me një investim të madh një qendër logjistike, e cila është një nga projektet e rëndësishme për Zhong Tangun për zhvillimin e produkteve bujqësore dhe për krijimin e zonës logjistike të rëndësishme në pellgun e lumit Zhu Jiang.

Kjo qendër zë një sipërfaqe prej 133 hektarësh. Ndërtimi i saj do të përfundojë në vitin 2009. Në atë kohë, ky kopsht do të bëhet një qendër e shpërndarjes së produkteve bujqësore, e cila do të ketë funksione si përpunimi, shpërndarja, ruajtja etj. Parashikohet se vlera e logjistikës në 2 vjetët e ardhshëm do të arrijë në 15 miliardë yuanë.

Grupi "Cosun" mori lejen për prodhimin e celularëve nga Komiteti i Zhvillimit dhe Reformës i Kinës

Më 25 qershor në Hui Zhou, Grupi "Cosun" deklaroi se kompania "Cosun" e telekomunikacionit që varet nga ky grup, ka marrë lejen për prodhimin e celularëve nga Komiteti i Zhvillimit dhe Reformës i Kinës, dhe ka nxjerrë 25 tipa celularësh. Deri tani, Grupi "Cosun" është i vetmi grup që ka marrë 3 leje për prodhimin e celularëve si "CECT", "Qiao Xing" dhe "Cosun".

Një përgjegjës i këtij grupi u shpreh se me zhvillimin e qëndrueshëm në prodhimin e celularëve dhe në tregun e aksioneve të Nasdak-ut të SHBA-së, kompania "CECT" që varet nga ky grup, si ndërmarrja e parë e prodhimit të celularëve në Kinë, do të futet në tregun e aksioneve të Nasdak-ut në 3 mujorin e katërt të këtij viti.

Do të përmirësohet gjendja e furnizimit të pamjaftueshëm me energji elektrike në provincën Zhe Jiang

Ditët e fundit, zv-drejtori i komitetit ekonomiko-tregtar të provincës Zhe Jiang, Shen Longsheng u shpreh se në verën e këtij viti, gjendja e furnizimit dhe shfrytëzimit të energjisë elektrike në provincën Zhe Jiang është e stabilizuar, por për një kohë të shkurtër, ende do ekzistojë gjendja e furnizimit të pamjaftueshëm me energji elektrike.

Grupi gjerman i lules së sumbullares investoi në rajonin autonom të Sinkiang-ut për të ndërtuar bazën e mbjelljes së këtyre luleve

Sipas kompanisë së lules së sumbullares të rajonit autonom të Sinkiang-ut, ditët e fundit, kompania më e madhe e lules së sumbullares-Grupi "Bater Has" dhe korpusi i ndërtimit i rajonit autonom të Sinkiang-ut kanë nënshkruar një marrëveshje bashkëpunimi për mbjelljen e sumbullares në një sipërfaqe prej 67 hektarësh.

Sipas kësaj marrëveshjeje, Grupi "Bater Has" do të investojë 2 milionë yuanë për ndërtimin e bazës së mbjelljes së sumbullares. Disa specialistë janë të mendimit se bashkëpunimi midis këtyre bazave do të jetë në interes të hapjes së tregut evropian për shitjen e luleve të sumbullares të rajonit autonom të Sinkiang-ut.

Kina forcon bashkëpunimin dhe shkëmbimet me qarqet elektronike ndërkombëtare

Ditët e fundit, kryetari i Shoqatës së Industrisë së Gjysmëpërçuesve të Kinës (CSIA) Yu Zhongyu dhe kryetari i radhës i Shoqatës Botërore të Gjysmëpërçuesve (SIA) Brian Halla nënshkruan "Memorandumin e Hyrjes së Shoqatës së Industrisë së Gjysmëpërçuesve të Kinës në Shoqatën Botërore të Gjysmëpërçuesve". Kjo do të hapë një faqe të re në bashkëpunimin dhe shkëmbimet midis tyre. (U Sen)