Filloi ndërtimi i tunelit të parë në lumin Qian Tang

Sipas njoftimeve të Agjencisë Kineze të Lajmeve Zhong Xin, ka filluar ndërtimi i tunelit të parë në lumin Qian Tang. Ky tunel do të ndërtohet nga kompania e tuneleve e Shangait. Kështu do të përfundojë periudha e mungesës së urës këtu.

Pas ndërtimit, koha e kalimit të makinave në lumin Qian Tang do të shkurtohet me 5 ose 6 minuta. Kjo do të nxitë më tej zbatimin e strategjisë së zhvillimit të qytetit Hang Zhou dhe do të forcojë më tej kontaktet ekonomike midis Shangait dhe pjesës jugore të provincës Zhe Jiang.

Zona industriale tekniko-shkencore e Dong Guan-it tërheq studentët e huaj

Zona industriale tekniko-shkencore "Song Shanhu" e Dong Guan-it ka krijuar kushte të mira për studentët e huaj që të merren me biznes dhe të jetojnë këtu. Ajo ka tërhequr kështu edhe shumë kinezë që janë doktoruar jashtë.

Deri tani, kjo zonë ka tërhequr më shumë se 30 projekte të industrisë tekniko-shkencore, me një investim prej 2 miliardë dollarësh amerikanë.

Tregtarët tajvanezë vlerësojnë lart perspektivën e bujqësisë të krahinave të brendshme të Kinës

Sipas njoftimeve të Agjencisë Kineze të Lajmeve Zhong Xin, më 28 qershor në Nan Ning të provincës Guang Xi u hap takimi i dytë ekonomiko-tregtar. Po atë ditë pasdite në këtë takim, qeveria e qytetit Yu Lin dhe Zyra e çështjeve të Tajvanit e rajonit autonom të Guang Xi-së zhvilluan bisedime mbi bashkëpunimin rreth zonës eksperimentale bujqësore midis dy brigjeve të ngushticës së Tajvanit. Tregtarët tajvanezë pjesëmarrës shfaqën interesim të madh për këtë zonë.

Siç mësohet, në këtë zonë do të ndërtohen zonat model të shërbimit për shkëmbimin e bashkëpunimin bujqësor, do të përpunohen produktet bujqësore, do të krijohet sistemi i qarkullimit të produkteve bujqësore dhe do të ndërtohet baza model e prodhimit standard.

U hap në Hang Zhou panairi i 6-të ndërkombëtar i veshjeve për femra

Më 29 qershor në Hang Zhou, u hap panairi i 6-të ndërkombëtar e veshjeve për femra. Me rastin e hapjes së këtij panairi, shoqata e përbashkët e tregtisë e Kinës do të zhvillojë sesionin vjetor të menaxherëve të tregjeve të veshjeve të Kinës.

Gjatë këtij panairi, disa agjentë të famshëm kombëtarë dhe ndërkombëtarë, disa ndërmarrje me marka ndërkombëtare dhe disa ndërmarrje kineze me marka të famshme, do të bashkëbisedojnë për mënyrat e përfitimit të ndërmarrjeve me marka kineze në tregun e Kinës". Në këto bisedime do të marrin pjesë këshilltarë tregtarë të SHBA-së, të Italisë, të Spanjës, të Francës dhe të Gjermanisë.

Ma Yun i kompanisë "Alibaba" u bë një nga 50 biznesmenët më të fuqishëm në botë

Ditët e fundit, gazeta financiare amerikane "Business 2.0" publikoi listën e biznesmenëve më të fuqishëm në botë. Ma Yun, krijuesi i uebsajtit "Alibaba", i vetmi sipërmarrës kinez, u rendit në vendin e 15-të, më lart se Bill Gates.

Kriteri i hyrjes në këtë listë është nëse mendimi i këtij njeriu do të ndryshojë apo jo jetën e njerëzve tani dhe në të ardhmen. (U Sen)