dëgjoni

Ditë me radhë një rrymë e kulturës kombëtare ka përfshirë qytetin e Pekinit duke e bërë Pekinin me të bukur dhe më tërheqës, kjo rrymë është pikërisht aktivitetet e " Varkës kulturore Pekin Guangxi 2006 ".

Fragmentin që po dëgjoni është nga vepra madhështore me këngë e valle kombëtare "Kënga madhështore Bagui që u shfaq në ceremoninë e nisjes së aktiviteteve " Varka kulturore Pekin-Guanxi 2006". Kjo vepër është një nga veprat e shquara artistike skenike shtetërore të Kinës dhe është shfaqur më se 120 herë në më se l0 qytete të Kinës.

Rajoni autonom Guanxi-zhuang ndodhet në pjesën më jugore të Kinës. Në këtë tokë jetojnë brez pas brezi banorët e l2 kombësive si të kombësive Zhuang, Hane, Yao, Miao, Tong, Jing etj dhe cdo kombësi ka vecori të veta kulturore. Vepra " Kënga madhështore Bagui" pasqyroi pikërisht me këngë, valle dhe kostume të bukura karakteristike të këtyre kombësive të kësaj toke.

Gjatë më se l0 ditëve të aktiviteteve të "Varkës kulturore Pekin-Guanxi 2006" janë vënë në skenë shumë programe të larmishme artistike siç janë baleti i parë poetik në historinë e kombësisë Zhuang" Vizita e Males në horizont të qiellit", pjesë klasike me këngë e valle " Motra Liusanjie" etj, të cilët u kanë dhënë skenave të Pekinit një forcë tërheqëse artistike. Krahas këtyre, janë organizuar në mënyrë të gjithanshme edhe ekspozita e arteve figurative, viti turistik Jianianhua, kumtesat e personave të njohur të kulturës të Guanxisë etj që pasqyronin në mënyrë të gjithanshme larmishmërinë e rajonit Guanxi. Drejtori i Komitetit organizativ i këtyre aktiviteteve, funksionari i rajonit autonom Guanxi-zhuang z. Li Jihen foli posacërisht për emërtimin e këtyre aktiviteteve, ai tha : " Varka kulturore ka disa kuptime, së pari, varka është e lëvizshme, me motor. Me këtë varkë, veprat e Guanxisë jo vetëm do të vijnë në Pekin, por do të shkojnë edhe në mbarë Kinën dhe në botë; së dyti, varka është ngarkuese, në këtë varkë janë ngarkuar rezultatet e reformës dhe hapjes së Guanxisë dhe miqësia e popullit 49 milionësh të kombësive të ndryshme të Guanxisë; së treti, varka është me kuptimin poetik, që mund t'u sjellë spektatorëve përfytyrime të shumta dhe të bukura ".

Si një pjesë e aktiviteteve të " Varkës Kulturore Guanxi", "Ekspozita e veprave të shquara të arteve figurative ? Forcë tërheqëse e Guanxisë " dhe " Ekspozita artistike e piramidës së kuqe Luquanzhi" kanë mbledhur një numër veprash të personave përfaqësuse të krijimtarisë së arteve figurative të Guanxisë, këto eksponante me karakteristika të theksuara vendore dhe kombëtare kanë tërhequr shumë persona të qarqeve të arteve figurative dhe vizitorë. Kryetari i Shoqatës së artistëve të arteve figurative të Kinës, z. Jing Shangyi tha në ceremoninë e hapjes së këtyre ekspozitave :"Qarqet e arteve figurative të Guanxisë janë një grup shumë i gjallë plot vitalitet, Vitet e fundit, janë organizuar vazhdimisht ekspozita të ndryshme të qarqeve të arteve figurative të Guanxisë. Piktorët janë me mendime kreative dhe kanë krijuar shumë vepra të bukura dhe të larmishme, disa prej tyre kanë ushtruar një ndikim të madh në vend. "

Ashtu si artet figurative të Guanxisë, edhe letërsia, kinematografia, muzika dhe arti skenarist të Guanxisë kanë tërhequr vemendjen e njerëzve. Shkrimtari Guizi dhe Dongxi kanë fituar njeri pas tjetrit cmimin e "letërsisë Lusin", një nga cmimet e rëndësishme në fushën e letërsisë së Kinës, Në grupet e xhirimit të filmave të mirëpritura në vend si " Heronjtë", " Shtëpia e kamave fluturuese", " Kohë të lumtura", " Berberi" punojnë edhe disa shkrimtarë të rinj nga Guanxi. Edhe Festivali ndërkombëtar i këngëve folkloristike Nanning që organizohet një herë në vit është bërë një skenë ndërkombëtare e takimeve midis këngëtarëve folkloristikë të vendeve të ndryshme të botës.

"Me këtë varkë kulturore", shkrimtarë, kineastë dhe organizatorë të ekspozitave shkuan edhe në shumë shkolla të larta të Pekinit duke bërë shkëmbime të drejtëpërdrejta me pedagogët dhe studentët e këtyre shkollav. Pjesa që po dëgjoni është nga shfaqjet e këngëtarëve folkloristikë të Guanxisë në Universitetin e aviacionit dhe kozmikës të Pekinit. Zonja Liu Lilin është projektuese ekzekutive e 8 edicioneve të para të Festivalit ndërkombëtar të këngëve folkloristike Nanning. Ajo tha :"Ne shpresojmë që me anën e dialogut me studentët, të ngjallim interesimin e studentëve për këngët popullore folkloristike dhe të njohin më mirë këto këngë".

Pasi dëgjuan interpretimin e këngëve burimore të Guanxisë, njëri prej studentëve tha: "Unë ndjeva nga afër interpretimet e tyre dhe ndjeva një interpretim të natyrshëm të këngëve popullore folklorike".

Një studente tjetër tha: "Më duket se kjo lloj melodie është shumë e bukur. Megjithëse kisha marrë vesh nga studentët e ardhur nga Guanxi se në rajonin e tyre organizohet festivali i këngëve,por nuk i kisha dëgjuar ndonjë herë, kësaj here, u kënaqa shumë me këto këngë të bukura "

"Varka kulturore e Guanxisë " me një larmi të jashtëzakonshme ka shkuar në skenat , sheshet, parqet dhe bulevardet e Pekinit duke u demonstruar banorëve të kryeqytetit një Guanxi të bukur dhe të hapur. Gjatë aktiviteteve të " Varkës kulturore të Guanxisë ", u organizua edhe " Ekspozita e rezultateve të panairit Kinë-ASEAN-i"    që tregoi rolin pozitiv të Guanxisë si një urë lidhëse midis Kinës dhe ASEAN-it. ( Zhai)